Sur' Ust'ug
| Sur' Ust'ug | |||||
|---|---|---|---|---|---|
 | |||||
|
|||||
| Q4138455? | |||||
| 60°45′32″ с. ш. 46°18′14″ в. д.GЯO | |||||
| Valdkund | |||||
| Istorii da geografii | |||||
| Pind |
|
||||
| Высота | 55 | ||||
| Aigvö | MSD[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 81738 | ||||
| Počtan indeksad | 162390–162394 da 162396 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_Velikij_Ustug.png)
![Герб[d]](/wiki/Fail:Coat_of_Arms_of_Velikiy_Ustyug_(Vologda_oblast)_(2000).png)
Jajikovo, Borkid, Mägi, RKL:in rajon, Keskuz, Toine pala, mugažo Dobrinino i Dimkovo Suhonan oiktal randal
Sur' Ustüg (ven.: Великий Устюг, enzne i sijaline — muite Ustüg) om Venäman lidn da lidnankund Vologdan agjan pohjoižpäivnouzmas. Se om agjan nellänz' lidn eläjiden lugun mödhe, Suren Ustügan rajonan administrativine keskuz.
Istorii
Amuine Gleden-lidn oli olmas 15. voz'sadhasai, seižui Jugan jogensun randpolen kukhanpäl nelläs kilometras nügüdläižen lidnan keskusespäi. Eländpunkt mainitase ezmäižen kerdan kirjutadud purtkiš kuti pandud Ustügan Kiprianal vodes 1212 Mikoi-arhangelan jumalankodi. Vozil 1364−1474 Ustüg oli ühtennimižen ruhtinazkundan keskuseks.
16. voz'sadaspäi zavodidas nimitada Ustügad Sureks, se šingotaškanzihe Venäman järedha keskushe torguides Anglijanke.
Vozil 1918−1929 Sur' Ustüg oli Pohjoižen Dvinan gubernijan administrativižeks keskuseks.
Suren Ustügan ižandusen päsarakod oma sömtegimišt da turizmha sidodud sarakod, lugedas lidnad Pakaine-Dedan kodimaks. Mugažo suvenirfabrikad da kaks' sugasižharjoiden fabrikad oma olmas.
Geografijan andmused
Lidn sijadase Suhon-jogen hural randal, sen da Jugan ühthejoksmusen sijas, Jugan jogensud vaste. Edemba mödvedhe, lidnan röunan jäl'ghe, jogi nimitase Pohjoižeks Dvinaks. Sur' Ustüg seižub 55 m ü.m.t. keskmäižel korktusel, Suhonan kendäk — 50 m, sur'veden varuz om kaikuččel vodel. Matkad Vologdhasai om 450 km suvipäivlaskmha avtotedme. Lähembaine lidn om Krasavino 30 km pohjoižhe, järed lidn om Kotlas 75 km pohjoižhe raudtedme vai avtol.
Slobodk-külä (244 rist. vl 2002) mülüb lidnankundha Suren Ustügan ližaks.
Eläjad
Vn 2010 Venäman rahvahanlugemižen mödhe lidnan eläjiden lugu oli 30 926 ristitud, rajonan viž ühesandest. Vl 2017 kaik 31 606 ristitud elihe lidnas i 31 885 ristitud kaikes lidnankundas.
Ortodoksižen hristanuskondan koumekümne pühäpertid-sauvust[2] oma saudud lidnan südäimes: nell' päjumalanpertid (Tozioiktan Prokopijan Ustüglaižen kafedraline, Ioann Ustüglaižen, Jumalanmaman Emäganpäivän, Mikoi-arhangelan), 22 jumalanpertid i nell' časounäd. Erased enččiden pühäpertiden sauvused kävutasoiš opendusen aluzkundoikš, fabrikoikš.
Kaik nell' specialižen keskopendusen aluzkundad ratas lidnas: äiprofil'ne kolledž[3], gumanitariž-pedagogine kolledž[4], medicinine kolledž[5] i Valdkundaližen meri- da jogilaivišton universitetan filial[6] (Piter).
Transport
Ühtennimine raudtestancii (jüguiden täht tobjimalaz) om lopstancijaks «Kotlas — Sur' Ustüg»-raudtesarakol, radaškanzi vl 1977. Avtobusad da taksid oma kundaližeks transportaks lidnan südäimes, mugažo ehtatim Kuzino-žilhonnoks om Suhonas päliči. Avtotesild ühtenzoitab Suhonan randoid ülüižel.
Tatanmaine lendimport (VUS) sijadase vides kilometras lodeheze lidnan keskusespäi, läz raudtestancijad. Sišpäi tehtas reisid Moskvha da Piterihe (molembad Čerepovecan kal't).
Galerei
- Административное здание проспект Советский-103.jpg
Suren Ustügan rajonan i lidnan administracijoiden pertid ühteks riveks
- Великий Устюг, Церковь Богоявления, Собор Иоанна Устюжского, Собор Прокопия Устюжского, Успенский собор.jpg
Päjumalanpertiden tanaz:
Jumalannägundan jumalanpert',
Ioann Ustüglaižen päjumalanpert',
Prokopii Ustüglaižen päjumalanpert',
i Emäganpäivän päjumalanpert', vn 2017 nägu - Почта Деда Мороза.jpg
Pakaine-Dedan počt i ezitaikund lidnas (vn 2013 fotokuva)
- Здание городского дома культуры.jpg
Lidnan kul'turkeskuz (2016)
- Автовокзал - panoramio (1).jpg
Avtobusstancii vl 2010
Suhonan randirdan istorine pala (2015)
.svg){kind=link}
Homaičendad
- ↑ http://www.gks.ru/free_doc/2016/oktmo/tom2_oktmo.rar
- ↑ Suren Ustügan pühäpertid sobory.ru-saital. (ven.)
- ↑ Suren Ustügan äiprofil'žen kolledžan sait (vumk.ru). (ven.)
- ↑ Suren Ustügan gumanitariž-pedagogižen kolledžan sait (vupedcol.ru). (ven.)
- ↑ Suren Ustügan medicinižen kolledžan sait (vumk.net). (ven.)
- ↑ Valdkundaližen meri- da jogilaivišton universitet, Suren Ustügan filialan sait (vufgumrf.ru). (ven.)
Irdkosketused
- Suren Ustügan tobmuden sait (movustug.ru). (ven.)
- Lidnan turizman keskusen sait (ustugtur.ru). (ven.)
| Vologdan agjan lidnad | ||
| Babajevo | Belozersk | Čerepovec | Gräzovec | Harovsk | Kadnikov | Kirillov | Krasavino | Nikol'sk | Sokol | Sur' Ustüg | Tot'm | Ustüžn | Vitegr | Vologd | ||