Onego (orkestr)
| Venälaižiden rahvahaližiden vändimiden "Onego"-orkestr | |
|---|---|
 "Onego"-orkestr | |
| Üleižed tedod | |
| Voded | vodelpäi 1975 |
| Tegemižen sija | Petroskoi, Karjala |
| kgfptz.ru/collectives/or… | |
Venälaižiden rahvahaližiden vändimiden "Onego"-orkestr (ven.: Оркестр русских народных инструментов "Оне́го") om Karjalan valdkundaližen filarmonijan venälaižiden rahvahaližiden vändimiden orkestr Petroskoiš (Karjala).
Orkestran repertuaras om läz tuhad muziktöd, sen lugus originaližed nügüd'läižiden kompozitoroiden kirjutesed, simfonižen muzikan klassik, mitte om kirjutadud venälaižiden rahvahaližiden vändimiden orkestran täht, arijad, venälaižiden da verazmaižiden kompozitoroiden romansad, venälaižed rahvahaližed pajod da kargud. Suren sijan orkestran repertuaras saiba karjalaižiden kompozitoroiden radod, erased niišpäi oma kirjutadud vaiše Onego-orkestrale.
Istorii
Ezmäine orkestran ezituz oli Änižen traktorzavodan Kul’turpertiš Petroskoiš Rahvahan sädaifestivalil 29. keväz’kud vodel 1975. Nece päiv lugese orkestran sündundpäiväks.
Ezmäi orkestraha orkestran joukus oliba muzikantad-navedijad, no pigai sihe tuliba muzikan tundijad (professionalad). Vodel 1993 orkestr sai professionališt statusad da mülüi Karjalan valdkundaližehe filarmonijaha.
Ezmäižespäi orkestran tegemižen päiväspäi sidä ohjandab Venäman arvostadud taidehradnik, Karjalan rahvahaline artist, dirižor Gennadii Mironov[1][2]. Vodelpäi 2011 orkestran toižeks dirižoraks tegihe Venäman da Karjalan arvostadud artist Mihail Tockii[3]. Orkestran pämez’ om Tatjana Tockaja[4]. Orkestran joukus om 42 muzikantad, kudambiden enambišt om Petroskoin valdkundaližen A. K. Glazunovan nimel konservatorijan pästnikad[5].
Orkestranke ratas Venäman päteatroiden päpajonikad — Suren, Mariinskian da Mihailovskian[5].
Vozil 2022—2023 ven.: "Край, разбуженный Петром"-projektan ramkoiš orkestr oli adivajelusil Karjalan Kem’, Belomorsk, Medvežjegorsk lidnoiš.
Vodel 2025 orkestr ühtni "Mö olem Venäma"-programmaha da ezini koncertoidenke Vologda-, Ribinsk-, Ivanov-, Kovrovo- da Tula-lidnoiš[6].
Pauklahjad
- Karjalan "Sampo"-premii (2013).
Homaičendad
- ↑ Геннадий Миронов. Дата обращения: 23 sulakud 2026.
- ↑ Миронов Геннадий Иванович. kgfptz.ru. Дата обращения: 23 sulakud 2026.
- ↑ Тоцкий Михаил Яковлевич. kgfptz.ru. Дата обращения: 23 sulakud 2026.
- ↑ Оркестр русских народных инструментов «Онего». kgfptz.ru. Дата обращения: 23 sulakud 2026.
- ↑ 1 2 Оркестр русских народных инструментов «Онего». kgfptz.ru. Дата обращения: 23 sulakud 2026.
- ↑ Оркестр русских народных инструментов «Онего». kgfptz.ru. Дата обращения: 23 sulakud 2026.