19. elokud

19. elokud (ven.: 19 августа) — 231. voden päiv (232. päiv visokosnijas vodes) Grigorianan kalendarin mödhe. Voden lophusai om 134 päiväd.

Vodhesai 1582 15. redukuhusai — 19. elokud Julianan kalendarin mödhe, vodelpäi 1582 15. redukuspäi — 19. elokud Grigorianan kalendarin mödhe.

XX da XXI — voz'sadoil sättub 6. elokule Julianan kalendarin mödhe.

Praznikad da muštpäiväd

•  — Mail'man fotokuvan päiv (ven.: Всемирный день фотографии).
•  Afganistan — Ripmatomuden päiv (ven.: День независимости (Афганистан)).
•  Vjetnam — Elokun revol'ucijan päiv (ven.: Августовской революции 1945 во Вьетнаме).
•  Venäman motoambuskelendvoiskiden päiv (ven.: День Мотострелковых Войск РФ).

Azjtegod

• 1687 — Ber'ozovas oloncan ujezdas Venämal enamba tuhad mest polti ičtaze kut vastustuz-znam koumesormen ristmižen vasthapäi.
• 1722 — tora Inhče-jogel Petran I Persidskijan pohodan (1722-1723) aigan.
• 1790 — kirjutajan Aleksandr Radiščevan surmičuz om vajehtadud 10-voččeks katorgaks.
• 1839 — Piterin al om avaitud Pulkovan observatorii.
• 1874 — tel'n'aška om vahvištadud matrosoiden formaks venälaižes laivištos.
• 1919 — Afganistan sanui ripmatomudes Britanijaspäi.
• 1982 — pästtihe Sojuz T-7 - avaruz'laivan.

Sündnuded

• 1906 
  • Leonid Solovjov, sovetskii kirjutai, romanoiden tegii.
  • Aleksandr Šurov, sovetskii estradan artist da kinoakt'or.
• 1937 — Aleksandr Vampilov, venälaine sovetskii prozaik da dramaturg.

Kolnuded

• 1929 — Sergei D'agilev, venälaine teatran da taidehradni.
• 1983 — Tatjana Gureckaja, teatran da kinoaktrisa, RSFSRan arvostadud artistka.
• 1994 — Robert Roždestvenskii, runoilii da kändai, Sovetskijan Sojuzan Valdkundaližen premijan laureat.

Primetad

Jablokan Spas. Toine Spas.

• Pühäpertiš valatadihe jablokad, toižed fruktad. Tradicijan mödhe keratud jablokad anttihe gollile ristituile, enamba rouhile.
• Oseninad, sügüzen vastused tehtihe päiväižen laskendaigan, pajatadihe pajod.
• Mitte Preobraženje, mugoine viluku-ki.
• Mitte om Jablokan Spas, mugoine Pokrov-ki (14. redukud).
• Jablokan Spasal om kuiv päiv — kuivaks sügüzeks, vihmasine päiv — märgaks sügüzeks, a sel'ged päiv — viluks tal'veks.
• Keratas spasan jablokad.