Karjalan muzikteatr

Рувики-späi
Karjalan
muzikteatr
Изображение логотипа
Petrozavodsk 06-2017 img18 Music Theatre.jpg
Enččed nimed Karjalan ASSRan
Valdkundaline muzikteatr
Om tehtud 1955
Teatran pert'
Sijaduz Venäma, Karjalan Valdkund
Adres Petroskoi, Kirovan avoird, 4
Arhitektor Savva Brodskii
Mülütand 607
Ohjanduzkund
Azjmehišt Karjalan kul'turministerstv
Pämez' Larionova Jelena Gennadjevna
Päohjandai Anna Osipenko
Pädirižor Mihail Sin'kevič
Baletantegii Kirill Simonov
Horantegii Aleksandr Zorin
Sait Официальный сайт
Логотип РУВИКИ.Медиа Mediafailad RUWIKI-tedoiš

Karjalan muzikteatr (ven.: Музыка́льный теа́тр Респу́блики Каре́лия) — valdkundaline teatr Petroskoiš.

Teatran repertuaras om ezitadud mugoižed muzikžanrad: oper, balet, operetta, muzikkomedii, m'uzikl.

Karjalan muzikteatr. Irdnägo tagapäi
Kacujiden zal
Sergei Kon'onkovan "Rahvahaiden sebruz'"-vestatuzgrupp
Muštlaud

Teatran istorii

Nimed
  • Karjalaiž-Suomaližen SSRan muzik- da dramateatr (1955—1956);
  • Karjalan ASSRan muzik- da dramateatr (1956—1968);
  • Karjalan ASSRan valdkundaline muzikteatr (1968—1991;)
  • Karjalan muzikteatr — vodelpäi 1991.
Pertin istorii

Vodel 1952 Petroskoin keskuses, Kirovan avoirdal, sijal, kus vodel 1936 muretihe Sv'atoduhovskii kafedraline sobor, zavottihe leta teatran pert'.

Projektan tegiba Sovetskijan Sojuzan kul'turministerstvan "Giproteatr"-institutan arhitektorad Savva Brodskii, Aleksandr Maksimov da Jelizaveta Čečik[1]. Pertin arhitektur nahodib Surehe Teatraha Moskvas i Aleksandrinkijaha teatraha Piteriš, sil om kahesa portalkolonnad.

Pertin da südäinhonusiden čomenzoitand, "Rahvahiden sebruz'"-vestatusen kompozicii ezifasadal da vestatused pertin tagapäi oli tehtud projektan mödhe Sovetskijan Sojuzan rahvahan taidehpirdajan, akademikan Sergei Kon'onkovan ohjandusel.

Pert' letihe vodel 1955. Kacujiden zalaha mülüb 607 mest.

Ezi-istorii

Völ vozil 1919—1920 Petroskoiš radoi Kameran-muzikteatr. Se oli Oloncan nevondišton manradnikoiden, radajiden da Rusttan armijan deputatoiden rahvahan openduzerišton ohjandusel[2].

Kehitoitusen istorii

Sovetskijan Sojuzan ministroiden nevondišton käskön mödhe voden 1955 semendkun 20. päiväspäi Karjalan venälaižen dramateatran pohjal oli sätud Karjalaiž-Suomaližen SSRan muzik- da dramateatr.

Teatran akt'oroiden keskes oliba Venäman teatrtaidehen institutan (ven.) (vep. pästnikad, kudambid kucui Petroskoihe teatran ezmäine pämez' Sergei Zvezdin[3]. Horaha da orkestraha mülüiba Petroskoin K. E. Raution muzikkolledžan (ven.) (vep. pästnikad.

Teatr avaižihe 5. kül'mkud vodel 1955 Isaak Dunajevskijan ven.: «Вольный ветер»-operettal[4], miččen pajati noriden muzikgrapp. Draman artistoiden jouk zavodi rata udes pertiš Nikolai Pogodinan ven.: «Кремлёвские куранты»-pjesanke.

Teatran ezmäižiden akt'oroiden keskes oliba А. G. Bondarenko, I. S. Gridčina, V. А. Kliš, L. N. Perevoščikova, N. P. Polagajeva, N. Т. Smotrina, J. А. Strazdas, D. S. Utikejev, L. N. Hramov, А. I. Šeronov, Z. N. Estrin, baletan solistad — I. L. Gaft, S. I. Gubina, N. А. Katugin, B. J. Kirijenko, V. N. Mel'nikov, J. P. Pavlova, J. М. Sidorov, S. N. Stepanova, R. I. Šišova, S. Š. Kalinskii i toižed.

Teatran ezmäine ohjandai — L. М. Vil'kovič, dirižor — B. N. Pinskii, karguntegii — К. V. Stavskii.

Vodel 1956 teatran udehe pertihe tuli Karjalan venälaižen dramateatran sädaikollektiv da udes sätud muzikgrupp. Uden teatran laval ezmäižen kerdan Petroskoiš zavottihe ozutada operad, baletad da muzikkomedijad.

Sil-žo vodel, konz Karjalaiž-Suomalaine SSSR tegihe Karjalan ASSRaks, teatr sai uden nimen — Karjalan ASSRan muzik- da dramateatr.

Sen aigan spektakl'ad: Imre Kal'manan ven.: «Фиалка Монмартрa», Boris Aleksandrovan ven.: «Свадьба в Малиновке», Karl Millekeran ven.: «Нищий студент», Jurii Mil'utinan ven.: «Поцелуй Чаниты», baletad: P. Gerpl'an ven.: «Соперницы», ven.: «Эсмеральда», ven.: «Бахчисарайский фонтан» da toižed.

Vodeks 1958 sündui baletan artistoiden jouk, miččehe mülüiba Moskvan, Leningradan da Permin horeografijan opištoiden pästnikad.

Znamasižikš teatrozutelusikš teatran istorijas tegihe Ruvim Pergamentan ezmäine ven.: «Кумоха»-komedijan oper vodel 1959 i Gel'mer Sinisalon ezmäine karjalaine Sampo (balet). Sil-žo 1959. vodel Karjalaižen taidehen da literaturan dekadal nenid teatrozutelusid nägištiba Moskvan eläjad. Teatr ozuti "Sampo"-baletan Leningradas i äjiš toižiš lidnoiš.

29. sulakud vodel 1968 Karjalan ASSRan ministroiden nevondišt tegi käskön, miččen mödhe KASSRan muzik- da dramateatr jagoihe kahteks ičenaižeks teatraks: KASSRan muzikteatr i KASSRan venälaine dramateatr.

Teatroid jagetihe 1. vilukud vodel 1969. Karjalan ASSRan muzik-dramateatran pohjal oli sätud venälaižen dramateatran da muzikteatran artistoiden joukud.

Repertuaras oliba kaikiden muzikžanroiden spektakl'ad: klassine da nügüdläine operetta, muzikkomedii, m'uzikl, oper da balet. Laval ozutadihe äjiden karjalaižiden muzikantegijoiden tegoid.

Vozil 1955—1977 teatrad ohjanzi Sergei Zvezdin.

Voded 1960—1990

Vozil 1960 teatraha oli kuctud dirižorad: Isai Šerman, J. Proskurov, baletantegii Igor' Smirnov. Artistoiden joukuhu mülüiba P. A. Paroviškin, V. P. Krasil'nikov, R. L. Sabirova, J. G. Flek, O. B. Korol'ov, V. N. Matvejev, A. T. Usičinko i toižed.

Operoiden da operettoiden keskes oliba: Franc Legaran ven.: «Джудитта» (1965), P'otr Čaikovskijan ven.: «Евгений Онегин» (1966), Imre Kal'manan ven.: «Баядера» (1968). Baletoiden keskes oli ezitadud: ven.: «Лебединое озеро», ven.: «Спящая красавица», , ven.: «Щелкунчик», ven.: «Жизель», ven.: «Корсар», ven.: «Дон Кихот», ven.: «Баядерка», ven.: «Тщетная предосторожность», ven.: «Сильфида» i toižed.

Vozil 1990 akt'oroiden joukuhu mülüiba N. M. Boldireva, L. V. Dementjeva, V. I. Dvornikov, I. I. Jel'kin, B. N. Kučin'ov, L. A. Laričeva, V. A. Nedvižai, A. P. Presn'akov i toižed.

Erazvuiččil vozil teatran päsolistad — N. V. Gal'cina, L. A. Nivina, V. S. Kalikin, I. A. Tol'skaja, O. V. Ščukar'ov, N. R. Volohovič, B. N. Kučin'ov, T. V. Ledovskii, V. V. F'odorov, A. I. Ivanova i toižed.

Teatr XXI voz'sadal

Kollektivaha mülüb enamaba 300 mest, nene oma artistad, sädairadnikad da tehnižed radnikad.

5. kül'mkud vodel 2005 praznuitihe Muzikmuzejan 50-vottušt jubilejad. Praznikan simvolaks valitihe Imre Kal'manan ven.: «Фиалка Монмартра»-operetta. Nece teatrozuteluz pol' voz'sadad ühtenzoiti laval erazvuiččid artistoiden sugupol'vid. Jo päliči pol'tošt kus jäl'ges teatran avaidust Lev Vil'kovič tegi ičeze teatrozutelusen. Toižen kerdan operettan tegi Kirill Strežnev vodel 1981, a vodel 2004 ičeze ven.: «Фиалка Монмартра»-versijan tegi ohjandai Vladimir Podgorodinskii.

Vozil 2006—2009 tehtihe täuz' teatran pertin kohenduz.

Kacujile lujas oma mel'he mugoižed teatran ozutelused, kut Džuzeppe Verdin ven.: «Травиата»-, Žorž Bizen ven.: «Кармен»-, P'otr Čaikovskijan ven.: «Евгений Онегин»-, Džakomo Puččinin ven.: «Мадам Баттерфляй»-, Džoakkino Rossanin ven.: «Севильский цирюльник»-operad; Čaikovskijan ven.: «Щелкунчик»- (voden 1892 ezmäižen ozutelusen rekonstrukcijan Mariinskijas teatras tegi Kirill Simonov Lev Ivanovan horeografijan pohjal)), Sergei Prokofjevan ven.: «Ромео и Джульетта»-, Adol'f Adanan ven.: «Жизель» и «Корсар»-baletad; Ioganna Štrausan ven.: «Летучая мышь»- da Imre Kal'manan ven.: «Королева чардаша»-operettad; R. L'vovičan opera-m'uzikl lapsiden täht ven.: «Чёрная курица»[5].

Muzikteatran laval joga voden anttas Karjalan "Änižen mask" (ven.: «Онежская маска»)-teatrpremii, se anttas Karjalan teatrkollektivoile parahimiš teatrozutelusiš.

Teatran solist Pavel Nazarov Tonion partijas ven.: «Паяцы»-spektakl'as sai Venäman korktan "Kuldaine mask" (ven.) (vep.-teatrpremijan vodel 2023[6].

Homaičendad

  1. ↑ В городе Петрозаводске открылся Государственный музыкально-драматический театр Карело-Финской ССР (ныне - Музыкальный театр Республики Карелия). Дата обращения: 11 redukud 2025.
  2. ↑ Музыкальное дело в Олонецкой губернии. Дата обращения: 11 redukud 2025.
  3. ↑ Звездин Сергей Петрович. Дата обращения: 11 redukud 2025.
  4. ↑ Карельский музыкальный театр. Дата обращения: 11 redukud 2025.
  5. ↑ Музыкальный театр Республики Карелия. Дата обращения: 11 redukud 2025.
  6. ↑ Солист Музыкального театра Карелии получил "Золотую маску". Дата обращения: 11 redukud 2025.

Literatur

  • Войцеховская А. В. Театры Карелии: указатель литературы (1945—1960 гг.). — Петрозаводск, 1962.
  • Государственный музыкально-драматический театр Карельской АССР. — Петрозаводск: Госиздат КАССР, 1959. — 78 с.
  • Звездин С. П. Государственный музыкально-драматический театр Карельской АССР. — Петрозаводск: Госиздат КАССР, 1959. — 48 с.
  • С. Колосенок. Театр нашего города. — Петрозаводск: Карелия, 1972.
  • Смирнов И. В. …танцует Карелия : заметки и размышления балетмейстера. — Петрозаводск: Карелия, 1981.
  • Е. Сотникова. Государственный Музыкальный театр Республики Карелия. — Петрозаводск: Файн Лайн, 1995.
  • Генделева Ю. Д. Музыкальный театр Карелии. — Петрозаводск: ПетроПресс, 2009.
  • А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2009. — С. 248—464. — ISBN 978-5-8430-0125-4.

Lähtked

Om sadud "https://vep.ruwiki.ru/w/index.php?title=Karjalan_muzikteatr&oldid=528508"