Sinisalo Gel'mer-Rainer Nesterovič

Рувики-späi
В Рувики есть статьи о других людях с фамилией Sinisalo.
Gel'mer-Rainer Sinisalo
Helmer-Rainer Sinisalo
СинисалоГельмер-Райнер.jpg
Üleižed tedod
Täuz' nimi Gel'mer-Rainer Nesterovič
Sinisalo
Sündundpäiv 14. kezakud 1920(1920-06-14)[1]
Sündundsija
Kolendpäiv 2. elokud 1989(1989-08-02) (69 лет)
Kolendsija
Mahapanendan sija
Ma Sovetskii SojuzSovetskii Sojuz SSSR
Professijad muzikantegii, dirižor, vändai soitoižel,
muzikan opendai
Muzikvändimed Soitoine
Pauklahjad
Орден Трудового Красного Знамени — 1951 Орден Трудового Красного Знамени — 1970 Орден Дружбы народов SU Medal For Distinguished Labour ribbon.svg
People Artist of the USSR1.png Narodny artist RSFSR.png Государственная премия РСФСР имени М. И. Глинки.png

Gel'mer-Rainer Nesterovič Sinisalo (karj.: Helmer-Rainer Sinisalo, ven.: Ге́льмер-Ра́йнер Не́стерович Си́нисало, 14. kezakud 1920[1], Zlatoust, Ufan gubernii[d] — 2. elokud 1989, Petroskoi) — karjalaine sovetskii muzikantegii, dirižor, vändai soitoižel, opendai, kundaline radnik. Sovetskijan Sojuzan rahvahan artist (1978).

Elostarin

Sündui 14. kezakud vodel 1920 Zlatoustas (nügüd' Čel'abinskan agj, Venäma).

Vanhembad, Nester Ivanovič da Ida Avgustovna, tuliba Sovetskijale Venämale vodel 1918 Suomespäi, kut äjad toižed-ki rahvahanikad, kudambile pidi lähtta maspäi, konz se erigoittihe Okt'abr'skijan revol'ucijan jäl'ghe. Ezmäižil vozil hö radoiba Zlatoustas, kus sündui Gel'mer. Jäl'ges kanz äjak-se aigad eli Karjalas, a vodel 1924 tuli elole Leningradaha. Vodel 1928 kanz pördihe Petroskoihe, kus prihaine zavodi opetas vändmaha soitoižel N. A. Solniškovan klassas. Jäl'ges hän jatksi ičeze opendusen Petroskoin muzikopištos (ven.) (vep., miččen lopi vodel 1939.

Konz Gel'mer Sinisalo lopi opišton, hän radoi solistan Karjalan radion simfonižes orkestras vozil 1936—1941 i 1944—1956. Hän parembzoiti muziktegijan mastarut vodel 1952 Moskvan konservatorijas P. I Čaikovskijan nimel Nikolai Peikon ohjandusel i Leningradan konservatorijas N. A. Rimskii-Korsakovan nimel Viktor Vološinovan ohjandusel (1953—1955).

Vodel 1956 lopi karjeran i päti omištada elon kompozicijale.

Erazvuiččil vozil hän ohjanzi rahvahan pajon da kargun Kantele-ansambl'ad, oli dirižoran da taidehohjandajan. Vozil 1948—1957 Gel'mer Sinisalo radoi opendajan Petroskoin muzikopištos.

Vodelpäi 1939 Gel'mer — Sovetskijan Sojuzan muzikantegijoiden ühtnik. Vodel 1956 hän ohjanzi Sovetskijan Sojuzan muzikantegijoiden sebran Karjalan erištod i radoi täs ani surmahasai. Oldes Sebran ohjandajan hän äjan tegi muzikradod, paksus pagiži erazvuiččiš muzikanelon problemoiš da taidehkazvatuses.

Kut muzikantegii i kundaline radnik hän tegi suren panendan Karjalan muziktaideheze, sai erazvuiččid pauklahjoid da rahalahjoid.

Koli 2. elokud vodel 1989 Petroskoiš. Om pandud maha Sulažgoran kaumištol.

Ak — Valentina Petrovna Sinisalo (1924—2019), hän kirjuti johtutesid mužikan polhe "Minä kucuin händast Veikkoks" (om paindud "Licei"-lehteses (Petroskoi), № 11 i 12 vodes 1997).

Pauklahjad i arvnimed

  • Kaks' Radon Rusttan flagan ordenad (29.10.1951[2], 1970);
  • Rahvahiden sebruden orden (13.06.1980)[3];
  • Medal' "Radon satusiš" (1948);
  • medalid;
  • Sovetskijan Sojuzan rahvahan artist (1978);
  • RSFSRan rahvahan artist (1959);
  • Karjalan SSRan arvostadud artist (1949)[4];
  • Karjalan ASSRan arvostadud taidehradnik (1957);
  • RSFSRan valdkundaline rahalahj M. I. Glinkan nimel (1986) — udes Sampo (balet) versijas, se oli ozutadud Karjalan ASSRan muzikteatras;
  • Karjalan ASSRan valdkundaline rahalahj (1974)[5].

Sädandrad

Sinisalo zavodi kirjutada muzikad konz oli üläopenikan. Hänen ezmäine sur' sädandrad — koncert soitoižen täht orkestranke, mitte oli sätud vodel 1940. Hän om ezmäižen karjalaižen "Mecan bogatirid"-simfonijan avtor, a mugažo sädi erasid simfonižid kompozicijoid, baletoid, miččiden keskes om tetab Sampo (balet) "Kalevalan" motivoiden mödhe avtor. Balet oli kirjutadad muzikantegijan aigaižembiden sädandradoiden pohjal — horeografižen "Vägestuz"-poeman i ühtenaktan "Küliki"-baletan pohjal, miččiden partiturad kadoiba voinan aigan, i ezmäižen kerdan oli ozutadud Petroskoiš 27. keväz'kud vodel 1959. Nened sädandradod oliba satusekahad i niid ei üht kerdad ezitadihe kut Sovestkijas Sojuzas, mugažo verhiš maiš.

Muzikas enamb om epižid, liriž-pastoraližid motivoid, nägub, miše niihe painoi XIX voz'sadan venälaine muzik, a mugažo Sibeliusan da Karjalan, Suomen da Venäman rahvahan muzik.

Päsädandradod

Baletad
  • ven.: «Победа», horeografine poem (1941);
  • ven.: «Похищение Кюллики» (1944);
  • Sampo (balet) (1959, Karjalan muzikteatr, Petroskoi);
  • ven.: «Я помню чудное мгновенье» (1962, Tatarilaižen operan da baletan teatr Musa Džalil'an nimel, Kazan');
  • ven.: «Сильнее любви» (1965, Karjalan ASSRan muzikteatr);
  • ven.: «Вождь краснокожих» (ühtes A. I. Gollandanke, 1970, Karjalan ASSRan valdkundaline muzikteatr);
  • ven.: «Кижская легенда» (1973, Karjalan ASSRan valdkundaline muzikteatr).
Operettad
  • ven.: «Серенада»;
  • ven.: «Маскарад в лесу» (ühtes A. I. Gollandanke, 1958);
  • ven.: «Возраст женщины» (ühtes A. I. Gollandanke, 1967, Karjalan ASSRan muzikteatr).
Kantatad
  • ven.: «О партии» (sanad Jaakko Rugojevan, 1951);
  • ven.: «В защиту мира» (sanad Aleksei Titovan, 1953);
  • ven.: «Под знаменем партии» (Aleksei Titov, 1957);
  • ven.: «Ты сердце и слава наша — Москва» (ühtenzoittud horan, somfonižen orkestran, "Kantele"-orkestran da bajanoiden täht, sanad Boris Šmidtan, 1959).
Muziktegod orkestran täht
  • Koncert soitoižen täht orkestranke (1940);
  • s'uita "Karjalaižed pirdatused" rahvahan vändimiden orkestran täht (1945, voden 1967 toimitand simfonižen orkestran täht);
  • uvert'ur rahvahan vändimiden orkestran täht (1948);
  • skerco suomalaižile temoile skripkan täht (1948);
  • fantazii soumalaižele temale (1948);
  • simfonii ven.: «Богатыри леса» (1949);
  • s'uita (1952);
  • variant soumalaižele temale (1954);
  • lapsiden s'uita (1955);
  • koncert fortepianon täht orkestranke (1958);
  • s'uita ven.: «Сампо»-baletaspi (1963);
  • ven.: «Весенний вальс» (1968);
  • s'uita ven.: «Кижская легенда»-baletaspäi (1981).
Kameran-instrumetaližed muziktegod
  • jändekvartet (1942);
  • 24 lühüdad muziktegod fortepianon täht (1943);
  • sonata fortepianon täht (1945);
  • karjalaine s'uita jändekvartetan täht (1946);
  • 10 pjesad fortepianon täht (1949);
  • koume miniat'urad soitoižen da fortepianon täht (1950);
  • koume miniat'urad gobojan da fortepianon täht (1950);
  • sonata skripkan da fortepianon täht (1963);
  • koume koncertpjesad klarnetan da fortepianon täht (1974);
  • kaks' koncertpjesad fagotan da fortepianon täht (1974);
  • ven.: «Карельская свадебная» arfan täht (1982).
Muziktegod horan täht
  • ven.: «Молодежная», naižiden horan da fortepianon täht (sanad B. A. Šmidtan, 1947);
  • ven.: «Советской Карелии», horan da fortepianon täht (sanad J. Rugojevan, 1948);
  • karjalaižed častuškad, rahvahan horan da bajanan täht, sanad А. L'adovan, 1956);
  • ven.: «Трудовые резервы», horan da fortepianon täht (sanad G. V. Kikinovan);
  • ven.: «Песня о Карелии», rahvahan horan täht (sanad A. I. Titovan, 1960);
  • ven.: «Мы в Карелии живем», lapsiden horan da fortepianon täht (sanad G. V. Kikinovan, 1960);
  • ven.: «Имя Ильича», rahvahan horan täht (sanad I. I. Levkinan, 1968);
  • ven.: «Песня о Карелии», rahvahan horan täht (sanad M. V. Tarasovan, 1968);
  • ven.: «Музыку слушает Ленин», prihaižiden horan da fortepianon täht (sanad A. I. Titovan, 1970);
  • ven.: «Пионерская походная», prihaižiden horan da fortepianon täht (sanad A. I. Titovan, 1970);
  • ven.: «Девичья песня», naižiden horan da bajanan täht (sanad R. Takalan, 1976);
  • ven.: «Песня о Петрозаводске», horan da "Kantele"-orkestran täht (sanad J. Rugojevan, 1978);
  • ven.: «Ветераны», horan da fortepianon täht (sanad J. Zv'aginan, 1979);
  • ven.: «Наш участковый», horan da bajanan täht (sanad I. A. Kostinan, 1979) ;
  • ven.: «Сказ об Антикайнене», ühtenzoittud horan täht (sanad sarnoičijan A. Nikiforovan, 1985).
Toine
  • Pajod, romansad V. P. Gudkovan sanoile (ven.: «Тысяча марок»), A. A. Prokofjevan, A. A. Kovalenkovan sanoile (ven.: «Партизанская колыбельная»), J. Rugojevan sanoile (ven.: «Партизанская песня»), A. I. Titovan, B. A. Šmidtan i toižiden sanoile;
  • suomalaižiden, karjalaižiden, vepsläižiden i pomoroiden rahvahan pajoiden muziktegemine;
  • muzik kinofil'moiden täht, radio-ozutesed i spektakl'ad Petroskoin tätüteatras (ven.: «Гаврош» V. G'ugon mödhe (1957) i toižed).

Mušt

  • Muziktegijan nimel nimitadihe Petroskoin muzikškol № 1[6], a mugažo puišt Petroskoiš.
  • Petroskoiš, pertil, kus eli i radoi muzikantegii, adresadme: Leninan prospekt, 11, om pandud muštlaud.
  • Kezakus vodel 2020 Sovetskijan Sojuzan rahvahan artistan Gel'mer Sinisalon 100-voččeks jubilejaks pästtihe eloho počtan kirježenkor', sen tiraž oli million ekzempl'arad[7].
Muzikškol G. Sinisalon nimel Petroskoiš
Kirjeiženkor' om pästtud vodel 2020 muzikantegijan 100-voččeks muštpäiväks

Homaičendad

  1. ↑ 1 2 Синисало Гельмер-Райнер Нестерович // Большая советская энциклопедия (рус.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ Указ Президиума Верховного Совета СССР от 29 октября 1951 года «О награждении орденами и медалями работников искусств Карело-Финской ССР». Дата обращения: 2 sügüz'kud 2025.
  3. ↑ Указ Президиума Верховного Совета СССР от 13 июня 1980 года № 2274—Х «О награждении композитора Синисало Г.-Р. Н. орденом Дружбы народов» // «Ведомости Верховного Совета Союза Советских Социалистических Республик». — 1980. — 18 kezakud (№ 25).
  4. ↑ Синисало Г.Н. Дата обращения: 2 sügüz'kud 2025.
  5. ↑ Златоуст. Златоустовская энциклопедия. Дата обращения: 2 sügüz'kud 2025.
  6. ↑ Детская музыкальная школа № 1 им. Г. Синисало, Петрозаводск. Дата обращения: 2 sügüz'kud 2025.
  7. ↑ Почтовые конверты с изображением карельского композитора вышли миллионным тиражом. Дата обращения: 2 sügüz'kud 2025.

Literatur

  • Карелия. Годы. Люди. — Петрозаводск, 1967.
  • Гродницкая Н. Ю. Гельмер-Райнер Синисало: монографический очерк. — Ленинград: Современный композитор, 1984. — 56 с.

Lähtked

Om sadud "https://vep.ruwiki.ru/w/index.php?title=Sinisalo_Gel%27mer-Rainer_Nesterovič&oldid=529582"