Rugojev Jaakko Vasiljevič

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Venäman tedoakademii
В Рувики есть статьи о других людях с фамилией Rugojev.
Jaakko Rugojev
Jaakko Rugojev
Jaakko Rugojev.jpg
Sündundpäiv 15. sulakud 1918(1918-04-15)
Sündundtaho Suojärv-külä, Kemin ujezd, Arhangelin gubernii, Venäma[1]
Kolendpäiv 17. kezakud 1993(1993-06-17) (75 vot)
Kolendtaho Petroskoi, Venäma
Rahvahuz' Sovetskii SojuzSovetskii Sojuz SSSR→VenämaVenäma Venäma
Rad runoilii, starinoičusen kirjutai, dramaturg, kändai
Tekstoiden kel' suomen
Pauklahjad
Орден Октябрьской Революции — 1988 Kodiman voinan I stepenin orden— 1985 Орден Трудового Красного Знамени Орден Дружбы народов  — 1978
Rusttan Tähthaižen orden  — 1942 «Arvostusen znam» orden «Arvostusen znam» orden
Honored Cultural Worker of the RSFSR.jpg
Внешние изображения
Фотогалерея — Ругоев Я. В.

Jaakko Vasiljevič Rugojev (ven.: Я́акко Васи́льевич Ру́гоев vai ven.: Яков Васильевич Ругоев, suom.: Jaakko Rugojev; 15. sulakud vodel 1918 — 17. kezakud vodel 1993) — karjalaine sovetskii kirjutai, runoilii da prozaik. RSFSRan arvostadud kul'turradnik (1974).

Karjalan rahvahaline kirjutai (1992)[2].

Elostarin

Nor'aig

Jaakko Rugojev sündui 15. sulakud vodel 1918 [3] Suojärv-küläs Kalevalan (Uhtan) rajonas, mitte mülüi Kostomukšan küliden joukuhu [1]. Tulijan kirjutajan ded, Timo, voz'sadan ХIХ lopus sirdihe elämaha kanzanke Kostomukšaspäi Suojärven randale da sauvoi pertin nimetomal nemel. Jäl'ges sidä zavottihe nimitada Timonnijemi-nemeks, ezmäižen eläjan nimen mödhe. Timo-ded oli nainu Okahviel Akan lahtaspäi. Timo Rugojevan poigad-ki (Akim, Nikolai, Vasselei (Jaakko Rugojevan tat), Makarii) zavottihe kanzad da sauvottihe ičeze pertid Timonnijemel. Jaakko Rugojevan mam, Okahvie, azjbumagoiden mödhe oli sündunu vodel 1897. Hänen vanhembad oliba Ortje, Mikit Pekšujevan poig Suojärvi-küläspäi, da Eli, Simanan Ijevlevan tütär Alajärv-küläspäi [4].

Ja. V. Rugojev (Petroskoi, vozil 1930)

Jaakko openzihe ezmäi Kostomukšas, jäl'ges Uhtas. Uhtan školas ühten aigan Jaakkonke openzihe koume tulijad kirjutajad — Pekka Perttu, Nikolai Gippijev (Laine), Ortjo Stepanov. Školas openziba Matti Pirhonen, Aatami Rossi, Ilmari Toikka. Pirhonen openzi suomen kel't da literaturad. Rossi ohjandusel openikad tehtihe školan töpajoiš erazvuiččed kalud: skripkoišpäi venehisai. Jaakko ezmäine tegi skripkan, miččel jäl'ges voinad vändiba eskai simfonižes orkestras.

Openduz andoihe kebnas Jaakkole. Uhtan školan kahesanden klassan openikan Ja. Rugojevan openduzvoden 1934–35 arvsanalehtikos «nel'l'» znam oli mamankeles, literaturas, geografias, istorias, algebras, geometrias, trigonometrias, fizikas, himias, biologias; «koume» znam oli venän da anglian keliš [4].

Rugojevan kirjutesed zadodiba painda, konz hänele oli kuz'toštkümne vot, siloi hän völ oli školopenikan. Hänen očerkad, kirjeižed da runod paindihe kulehtesiš da kogomusiš, miččed läksiba suomen kelel Petroskoiš da Piteriš.

Jäl'ges školad Jaakko päzui opendamhas literaturtedokundale, mitte oli avaitud vodel 1934 [5] Karjalan opendajiden institutas Petroskoiš. Institutan pätegend oli opendajiden pigavaumičend seičemevoččiden školiden täht. Opendusen aigan hän radoi valdkundaližiš lugendlehtesiš literaturradnikan.

Voinan aigad

Suren Kodiman voinan ezmäižiš päivišpäi Rugojev tahtoi mända frontale. Ezmäi hän kirjuttihe ičetahtnikan Bojevoje znam'a-istrebitelbataljonaha, mitte oli tehtud 27. heinkud vodel 1941 Kalevalan rajonas[6]. Jaakko Rugojev hüvin tezi partizaništ temad: 1. heinkud vodel 1941 hän kirjittihe ičetahtnikan istrebitelin bataljonaha, mitte jäl'ges mülüi Krasnii partizan-joukuhu, mitte radoi Jaakkon kodiröunal. Mecvoinal hän kahtišti oli ranitud. Partizanjoukus Rugojev jatksi literaturharjoitusid, miččid zavodi edel voinad, oigenzi očerkad, runod da kijutesed lehtesiden toimištoihe. Vodel 1943 mülüi Sovetskijan Sojuzan Kommunistižehe partijaha, oli pandud Totuus-lehtesen (ven.: «Правда») voinkorrespondentaks. Sidä vodel läksi eloho hänen ezmäine kirj, partizanan kirjutesiden da očerkoiden kogomuz Kosto (ven.: «Месть»). Vodel 1944 händast ottihe Sovetskijan Sojuzan kirjutajiden sebraha[7].

Voinanjäl'geižed voded

Jäl'ges voinad lehtmehen sijas Jakov Vasiljevič ühtni sudaha voinpahantegijoiden päl, mitte oli Hel'sinkiš.

Voinan jäl'ghe toine toižen jäl'ghe läksiba eloho Jaakko Rugojevan runokogomused. Hän ühtni «Punalippu»-literaturkulehtesen toimišton udištusehe da kaiken oli sen kirjutajan, kahtišti valičihe Karjalan kirjutajiden sebran pämeheks.

Ja. V. Rugojev vastusel Kostomukša-lidnan openikoidenke (1982)

Vodennoks 1953 Jaakko Rugojev kändi suomen kel'he ven.: «Слово о полку Игореве»-runoelman[3].

Koli Jaakko Vasiljevič Rugojev 17. kezakud vodel 1993[8], om pandud maha Petroskoin Sulažmägen muštkaumištol.

Ja. V. Rugojevan muštpacaz Sulažmägen kaumištol

Kirjutesed

Rugojevan roman ven.: «Яакко и Васселей. Лесная карельская молодость» läksi eloho suomen kelel jäl'ges kirjutajan surmad, vodel 1997. Romanan päheng om karjalaine tedištelii-geroi Vasilii Kirillov. Hänen oza om tragine: kelastusen täht Kirillov oli sudidud da riktud Kodimal Suren Kodiman voinan aigan. Jaakko Rugojev da hänen sebranikad pördutiba arvod sebranikale. Vasilii Kirillovan nimi om anttud Kalevalan keskškolale[9].

Sanutez ven.: «Вся жизнь впереди» mülüi Mail'man literaturan kirjišt-serijaha. Kirjutai kirjuti necen sanutesen ezmäižen versijan vodel 1942[9].

Pjesa ven.: «Огни Марикоски» oli pandud Suomen dramateatran laval Petroskoiš[8]. Rugojevan runod da proza ei üht kerdad oma paindud Venäman keskpainištoiš da kätud verhihe kelihe.

  • Kosto (ven.: «Месть»), (1943)
  • ven.: «Огни Марикоски», pjesa, (1947/1948)
  • ven.: «На можжевелевой земле», (1964)
  • ven.: «Тростниковый берег», roman, (1974)
  • ven.: «Большой Симон», (1975)
  • «Pekka da Anja» (ven.: «Пекка и Анья»), starin, (1975)
  • «Minun karjalaižed jured» (ven.: «Мои карельские корни»), (1982)
  • «Starin karjalaižiš» (ven.: «Сказание о карелах»), epine dilogii runoiš
  • «Järved» (ven.: «Озёра»), runoelm
  • «Pedroidenpidäjad» (ven.: «Оленеводы»), runoelm
  • «Polk majoran Valli» (ven.: «Полк майора Валли»), roman
  • dokumentaližed istoriližed očerkad, miččid möhemba ühtenzoittihe surehe kogomusehe ven.: «Прокладывая пути»
  • roman suomen kelel ven.: «Яакко и Васселей. Лесная карельская молодость» läksi eloho vodel 1997 Petroskoiš suomen kirjutajan Markku Nieminenan toimištol jäl'ges Rugojevan surmad

Kändmižed

Runoelm ven.: «Слово о полку Игореве», N. А. Nekrasovan, Taras Ševčenkon, V. Majakovskovan, К. Somonovan da toižiden tetabiden runoilijoiden runod. Sen lugus, Rasul Gazmatovan, Mirzo Tursun-zadenan, Maksim Tankan da Pimena Pančenkon, Sergei Čavainan. Jaakko Rugojevan runod da kirjutesed oma kätud venän da verhan kelihe, enččen Sovetskijan Sojuzan rahvahiden kelihe.

Pauklahjad da arvnimed

  • Redukun valdankumaidusen orden (14.04.1988)
  • Kodiman voinan I stepenin orden (11.03.1985)
  • Rusttan Radznaman orden (29.04.1968)
  • Rahvahiden sebruden orden (14.04.1978)
  • Rusttan Tähthaižen orden (19.10.1942)
  • kaks' "Arvostelusen znaman" ordenad (29.10.1951[10] da 22.09.1959)
  • medalid
  • RSFSRan arvostadud kul'turradnik (02.12.1974)
  • Karjalan rahvahaline kirjutai (1992)
  • Karjalan ASSRan arvostadud kul'turradnik
  • Karjalan ASSRan Valdkundaližen premijan literaturas da taidehes laureat (1975)
  • K. S. Jeremejevan nimel lehtezpremijan laureat (1967)

Mušt

Muštlaud
  • Vodel 1997 Karjalas om sädud Jaakko Rugojevan nimel openduzraha. Sidä anttas valdkundaližiden korktoiden školiden lahjakahile üläopenikoile da aspirantoile, kudambad kirjutadas suomen, vepsän da karjalan kelil. Rahavarad sen t'ht anttas valdkundaližes b'udžetaspäi. Openduzraha om 15 tuhad rubl'ad[11].
  • Rugojevan perehen kodi oli polttud Suren Kodiman voinan aigan. Sel tahol om jänu kivisine päč, miččel 2. elokud vodel 2008 (kirjutajan 90-voččeks jubilejaks) oli pandud muštlaud «Necel tahol seižui Ja. Rugojevan pert'» (ven.: «На этом месте стоял дом Я. Ругоева»).
  • Petroskoiš pertil № 11 Leninan päirdal, miččes vodelpäi 1974 jäl'gmäižihesai päivihesai eli da radoi Jaakko Rugojev, om pandud muštlaud[12].

Homaičendad

  1. ↑ 1 2 Деревня находилась в семи километрах от деревни Костамус (по имени которой был назван в начале 1980-х построенный на её месте город Костомукша). Обе деревни были сожжены в феврале 1942 года. Ныне территория относится к Костомукшскому городскому округу, в Калевальском районе, Республика Карелия.
  2. ↑ Наследие Я.Ругоева (англ.). rkna.ru. Дата обращения: 17 keväz'kud 2025.
  3. ↑ 1 2 Большая Советская Энциклопедия. Гл. ред. А. М. Прохоров, 3-е изд. Т. 22. Ремень — Сафи. 1975. 628 стр., илл.; 37 л. илл. и карт.
  4. ↑ 1 2 Дюжев Ю. И. Главы из монографии «Народный писатель Карелии Яакко Ругоев». — 44 с.
  5. ↑ Петрозаводск учительский. Дата обращения: 6 sulakud 2010. Архивировано 12 semendkud 2009 года.
  6. ↑ Список партизанских отрядов Карельского фронта, действовавших в годы Великой отечественной войны (1941—1944). Дата обращения: 6 sulakud 2010. Архивировано 28 sulakud 2012 года.
  7. ↑ Жемойтелите, Яна. «Я, как сосна, в карельском бору...» — Интернет-журнал «Лицей», Интернет-журнал «Лицей» (24 sulakud 2018). Дата обращения: 17 keväz'kud 2025.
  8. ↑ 1 2 Суоярви. Дата обращения: 15 kül'mkud 2009. Архивировано 13 kezakud 2010 года.
  9. ↑ 1 2 Армас Машин. Яакко Ругоев. Информационное агентство «Республика» (26 sügüz'kud 2014). Дата обращения: 17 keväz'kud 2025.
  10. ↑ Указ Президиума Верховного Совета СССР от 29 октября 1951 года «О награждении орденами и медалями работников искусств Карело-Финской ССР»
  11. ↑ Глава Карелии вручил стипендии талантливым молодым поэтессам Архивная копия от 4 keväz'kud 2016 на Wayback Machine, ИА REGNUM, 14.11.2009
  12. ↑ Каталог мемориальных досок и других памятных знаков Петрозаводска. Дата обращения: 4 sulakud 2013. Архивировано из оригинала 4 uhokud 2014 года.

Literatur

  • Алто Э. Л. «Созвучно велениям века…»: (Соотношение эпического и лирического начал в поэзии Я. В. Ругоева). — Петрозаводск : Карелия, 1981
  • Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.
Om sadud "https://vep.ruwiki.ru/w/index.php?title=Rugojev_Jaakko_Vasiljevič&oldid=525009"