Carelia

Рувики-späi
Carelia
suom.: Carelia
Carelia 2025.jpg
Specializacii literatur
Pästusen lugumär kaks' kerdad vodes
Kel' suomen, karjalan, vepsän kel'
Toimišton adres Petroskoi, Titovan ird, 3
Pätoimištai Armas Vladimirovič Mašin
Ma Venäma
Painai "Periodika"-paindišt
Om tehtud 1928
Pauklahjad Орден Дружбы народов — 1978
Veb-sait omamedia.ru

"Carelia" (ven.: Каре́лия) — Venäman literatur-taidehine da kundaliž-politine kulehtez suomen kelel, lähteb eloho Petroskoiš "Periodika"-paindištos kerdan pol'vodes (sulakus da redukus), mugažo lähteb eloho üks' nomer vepsän kelel da üks' nomer karjalan kelel[1][2].

Istorii

Om tehtud vodel 1928 Petroskoiš kut "Punakantele"-kulehtez (ven.: Красное кантеле), mitte lähtli eloho kaikuččen kun. Sen ezmäine nomer läksi keväz'kus kut "Punainen Karjala" (ven.: "Красная Карелия") ližakulehtez[3], kus paindihe taudehliteratur: proza, runod, dramatižed kirjutesed, publicistik, literaturkritik[4].

Vodel 1930, jäl'ghe ühtenzoitust "Soihtu"-kulehtesenke (ven.: "Факел"), oli udesnimitadud "Rintama"-kulehteks (ven.: "Фронт") (toižiden tedoiden mödhe vodel 1932[5]) da vodhesai 1934 paindihe Leningradas. Sil aigal kulehtez lähtli 2 kerdad kus, sen lehtpoliden lugumär kazvoi 2,5-3 lehtpol't[3].

Vozil 1937—1940 "Rihtama"-kulehtesen sijas lähtli eloho kaikuččen kun ven.: "Карелия"-kulehtez karjalan kelel, konz kävutoitihe venän kelen grafik.

Vodel 1940, konz oli tehtud Karjalaiž-Suomalaine SSR (ven.) (vep., suomenkeline kulehtesen tradicii oli udessündutadud, kulehtez lähteškanzi eloho suomen kelel da sen uz' nimi oli — Punalippu (ven.: Красное знамя). Suren Kodiman voinan aigan kulehtesen paindand oli azotadud. Sen rad oli pörttud tagaze jäl'ghe voinad sen-žo Punalippu-nimenke. Necen nimenke kulehtesen polhe tedištet'he Sovetskijas Sojuzas, voziden 1950 toižes polespäi — Suomes[4]. Kulehteses paindihe nügüdläine literatur suomen kelel, Dmitrii Gusarovan da Dmitrii Balašovan kändmižed. Voziden 1980 keskpolespäi suomen kel'he kätihe Aitmatovan, Dudincevan da Sergei Dovlatovan runoid[3].

Vodel 1978 konz kulehtesele täudui 50 vot, se oli pauklahjoitud Rahvahiden sebruden ordenal (ven.) (vep.[6].

Voziden 1980 lopus, perestroikan aigan, erasiš kuiš "Punalippu"-kulehtesen tiraž oli enamb 12 000 ekzempl'arad. Pol' nomeroid mäni Suomehe podpiskan mödhe, toine pol' jagoihe Sovetskijas Sojuzas[4]. Vodel 1989 oli paindud kulehtesen ezmäine "vepsläine" nomer[7].

Vodelpäi 1990 kulehtez oli udes nimitadud "Carelia"-kulehteseks (ven.: "Карелия"). Kulehtesen tegijoikš tegihe Karjalan valdmehišt.

Vodel 2013 kulehtesen tiraž vähenzui. Vodelpäi 2014 se lähteškanzi eloho kaks' kerdad vodes. Vodeks 2018 kahten nomeran keskmäine tiraž oli 665 ekzempl'arad.

Vodel 2025 "Carelia"-kulehtez lähteb eloho suomen kelel kaks' kerdad vodes (sulakus, redukus)Kaks' kerdad vodes lähteba eloho kulehtesen eriližed nomerad — nene oma literatur-taidehal'manahad: "Taival" (ven.: "Путь") — karjalan kelel da "Verez tullei" (ven.: "Свежий ветер") — vepsän kelel[4].

Südäimišt da znamoičend

Carelia-kulehteses paindas runod, lühüdad starinad, novellad, palaižed taidehliteraturaspäi, kirjutesed, miččed om omištadud kirjutajiden jubilejoile, znamasižile päivile. Oma kirjutesed Karjalan suomalaiž-ugrilaižiš rahvahiš, heiden kul'turas, istorijas, mugažo Karjalan rahvahaližiš erigoičusiš[8].

Carelia-kulehtez abutab Karjalan literaturan da publicistikan kehitoitusele. Kulehtez tegihe prozan, runoiden, publicistikan da žurnalistikan školaks. Se abutab kaita rahvahališt literaturan tradicijoid. Carelia-kulehteses paindas kirjutesed, miččed tegihe tutabikš ei vaiše Karjalas, mugažo Venämal. Kulehteses paindas kändmižed, uded kirjad, miččed lähteba eloho Karjalas da toižiš suomalaiž-ugrilaižiš valdkundoiš[9].

Pätoimitajad

  • Lea Helo — "Punakantele"-kulehtesen ezmäine toimitai[3];
  • Urho Ruhanen — "Rintama"-kulehtesen ezmäine toimitai[3];
  • P. Sokolov — ven.: "Карелия"-kulehtesen kirillican grafikan toimitai[3];
  • Antti Timonen;
  • Jaakko Rugojev;
  • Uljas Vikstrem (1955—1970);
  • Nikolai Laine (1970—1981);
  • Kalle Ranta (1981—1988);
  • Galina Pronina (1988—1991);
  • Paavo Vuotilainen (1991—1993)[10]
  • Robert Kolomainen (1993—2014),
  • Armas Mašin (sulakuspäi vodelpäi 2014).

Homaičendad

  1. ↑ Журнал «Carelia». Дата обращения: 1 tal'vkud 2025.
  2. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — ПетроПресс. — Петрозаводск, 2009. — Т. 2. — С. 22—23. — 464 с. — ISBN 978-5-8430-0125-4.
  3. ↑ 1 2 3 4 5 6 Периодика. «100 символов Карелии». Фомина Е. (8 uhokud 2021). Дата обращения: 1 tal'vkud 2025.
  4. ↑ 1 2 3 4 Финская Carelia (2 keväz'kud 2018). Дата обращения: 1 tal'vkud 2025.
  5. ↑ Календарь знаменательных дат Карелии — март 2023 года. Дата обращения: 1 tal'vkud 2025.
  6. ↑ Карелы Карельской АССР. — Петрозаводск, 1983. — 288 с.
  7. ↑ Мишин А. Вепсская литература глазами профессионального писателя.
  8. ↑ История, финский язык и туризм – Вышел в свет свежий номер журнала Carelia (3 kül'mkud 2025). Дата обращения: 15 tal'vkud 2025.
  9. ↑ На пороге культурной катастрофы. Армас Машин (15 elokud 2013). Дата обращения: 15 tal'vkud 2025.
  10. ↑ В память о Пааво Воутилайнене. Дата обращения: 1 tal'vkud 2025.

Literatur

  • Пахомова М., Полищук Н. Летопись литературной жизни Карелии (1917—1961). — Петрозаводск, 1963.
  • Алто Э. Л. Советские финноязычные журналы 1920—1980. — Петрозаводск, 1989.
  • Н. И. Левцкая, А. В. Машин. «Карелия» ("Carelia"), ежемесячный литературно-художественный и общественно-политический журнал на финском языке с отдельными материалами на карельском и вепсском языках (рус) // Карелия : энциклопедия. В 3 т.. — Петрозаводск, 2009. — Т. 2б К-П. — С. 22—23.
  • Журналу "Carelia" - 70 лет, 1998 год (рус) // Календарь памятных дат Карелии. — Петрозаводск, 1997. — С. 21—23.

Lähtked

Om sadud "https://vep.ruwiki.ru/w/index.php?title=Carelia&oldid=517709"