Kipinä
| Kipinä | |
|---|---|
| suom.: Kipinä | |
 kulehtesen nomeran kor' vepsän kelel, keväz'ku 2015 voz' | |
| Specializacii | lapsiden literatur |
| Pästusen lugumär | kerdad kus |
| Kel' | vepsän, karjalan da suomen kelil |
| Toimišton adres | 185035, Venäma, Karjala, Petroskoi, German Titovan ird, 3 |
| Pätoimištai | Jana Filimonkova |
| Ma |
 SSSR→ Venäma |
| Painai | Periodika-painišt |
| Om tehtud | 1932 |
| Painduzversijan ISSN | 0235-134X |
| Veb-sait | Официальный сайт |
Kipinä (suom.: И́скорка) om lapsiden kuvitud literatur-taidehen kulehtez, mitte paindase Petroskoiš vepsän, karjalan da suomen kelil. Lähtleb kerdan kus Periodika-painištos[1].Vodel 2015 Kipinä-kulehtez sai Sampo-premijan. Vodel 2019 Kipinä-kulehtesen valitihe Venäman parahimaks literaturižeks painuseks rahvahiden kelil[2].
Ühthižed tedod
Kulehtez om paindud školan openikoiden täht, kudambad opetas suomen, karjalan da vepsän keled, tundištoitab suomalaiž-udrilaižiden rahvahiden istorijanke da veroidenke. Paiči sidä, Kipinä-kulehteses paindas lapsiden sädairadod, sanaristikod, rebusad da komiksad lapsiden täht.
Vepsläižen Kipinä-kulehtesen toimitai om Galina Baburova.
Kulehtesen toimišt mülüb Periodika-painištoho. Vodel 2020 Periodika-painišton pohjal om tehtud uz' onlain-resurs videl kelel (karjalan, suomen, vepsän, venän, anglian), miččehe mülüiba Oma Mua-, Kodima- da Karjalan Sanomat-lehtesed, Garelia- da Kipinä-kulehtesed[3].
Istorii
Kulehtesen istorii, mitte oli tehtud školopenikoiden pioneroiden täht, zavodihe vodel 1932 Piteriš. Kulehtez läksi kaks' kerdad kus.
Elokus vodel 1986 karjalan tetaban kirjutajan Jaakko Rugojevan taričendan mödhe, kulehtez oli udes avaitud Petroskoiš. Vodel 1989 kulehtesel oli läz 8000 lugijad, se paindihe joga kun Garelia-painištos.
Vilukun 1. päiväspäi vodel 2011 kulehtesen zavodiba painda erilaižil kulehtesen pästusil suomen, karjalan da vepsän kelil — joga kulehtesen 4 kerdad vodes. Suomen da vepsän kulehtesen pästusiš om 24 lehtpol't, karjalan (kahtel paginal: pohjoiž- da livvin-) om 32 lehtpol't.
- Pätoimitajad oma
- Jurje Karppanen (1932, kulehtesen ezmäine toimitai);
- Viktor Husu;
- Galina Lettijeva;
- Viktor Paaso;
- Nina Rugojeva (1994−1997);
- Irina Kurilo (1997−2004);
- Jekaterina Zaharova;
- Elina B'urkland (2005−2010);
- Natalia Denisova (2010—2012);
- Jana Filimonkova (vodelpäi 2012 nügüd'aigahasai)[4].
Pauklahjad da arvnimed
- Vodel 2015 Kipinä-kulehtesen toimištajiden jouk sai Sampo-premijan erilaižes panendas Karjalan rahvahaližen kul'turan kaičendaha da kehitoitusehe[5].
- Vodel 2019 Kipinä-kulehtez sai Venäman parahim literaturine painuz rahvahiden kelil-nimen[6].
Homaičendad
- ↑ Oma Media. Kipinä. Дата обращения: 19 redukud 2025.
- ↑ Журнал Kipinä признан лучшим литературным изданием России на национальном языке (23 sügüz'kud 2019). Дата обращения: 19 redukud 2025.
- ↑ В год 100-летия Карелии начинает работу Мультиязычный медиапортал Oma Media. gov.karelia.ru. Дата обращения: 20 redukud 2025.
- ↑ Oma Media. История Kipinä. Дата обращения: 20 redukud 2025.
- ↑ На праздновании Дня республики деятелям искусства и культуры Карелии вручены премии «Сампо». Дата обращения: 20 redukud 2025. Архивировано из оригинала 8 kezakud 2015 года.
- ↑ Журнал Kipinä признан лучшим литературным изданием России на национальном языке (23 sügüz'kud 2019). Дата обращения: 19 redukud 2025.
Lähtked
- Детский журнал "Kipina" ("Искорка") отметил 30-летний юбилей
- Детский литературно-художественный журнал Kipinä
Periodika-painišton lehtesed da kulehtesed | |
|---|---|
| Lehtesed |
|
| Kulehtesed |
|
| Verkportal |
|
