Kodima

*Kodima*
Kodima
Ičeze nimi	«Родная земля»
Tip	lehtez[d]
Format	А3
Pidäi	Periodika[d]
Paindai	"Periodika"-paindišt
Valdkund	Venäma;
Pätoimitai	Irina Sotnikova
Om tehtud	sulaku vodel 1993
Kel'	vepsän, venän kel'
Kut paksus	1
Toimišt	Venäma, ; Karjala, ; Petroskoi, ; German Titovan ird, 3
Tiraž	600 ekz.
Veb-sait	Официальная группа Вконтакте

Kodima (ven.: Родная земля) — üksjaine mirus lehtez vepsän kelel^[1]. Paindas Petroskoiš. Lehteses oma kirjutesed vepsän rahvahan istorijan da etnografijan mödhe, erased lehtpoled lähteba venän kelel.

Istorii

Kodima-lehtesen istorii zavodihe vodel 1991, konz ven.: "Коммунист Прионежья"-rajonlehteses oli paindud ezmäižen kerdan lehtpol' vepsän kelel^[2]. Vodelpäi 1993 sulakuspäi Kodima-lehtez lähtli eloho Vepsän kul'tursebran pakičusen mödhe kerdan kus ven.: "Прионежье"-lehtesen ližaks^[3]. Vodel 1994 Kodima lühteškanzi eriži kut vepsläine lehtez, konz tuli Periodika-paindišton valdaks.

Kodima-lehtesen ezmäižiden tegijoiden keskes, a sid' pätoimitajiden keskes oliba vepsläine runoilii da kirjutai Nikolai Abramov, vepsläine runoilii Alevtina Andrejeva, lehtmez' Nikolai Fomin. Ezmäine pätoimitai — kel'tedomez' Nina Zaiceva. Vodelpäi 2013 Kodima-lehtesen pätoimitai om Irina Sotnikova^[2].

Kodima-lehtesen tegijad oma Vepsän kul'tursebr, Karjalan valdmehišt da Karjalan parlament. Vodel 2025 Kodima lähteb eloho kahesal lehtpolel. Lehtez paindas Karjalan b'udžetaspäi. Lehtez oigetas Karjalan lidnoiden da küliden möto, Piterin da Vologdan agjoihe, kut eläba vepsläižed^[4].

Lehtez lähtleb kerdan kus kahesal lehtpolel. Tiraž — 500 ekzempl'arad. Lehtez anttas ristituile ilman den'goita. No Venäman el'jil, ked eläba edahan Karjalaspäi, voiba ostta lehtest PDF-formatas.^[3].

Kodima-lehtesen kaikuččes nomeras oma kirjutesed vepsän kelen kaičendas da kehitoitandas. lehteses voib lugeda vepsläižiden külünikoiš, toižiš melentartuižiš ristituiš da ühthižrados suomalaiž-urilaižiden rahvahiden keskes. paiči necidä lugijad voiba tundištoittas vepsläižiden runoilijoidenke da kirjutajidenke. Lehteses paindas starinad, sarnad da erazvuiččed melentartuižed tegendad lapsiden täht, ned abutaba lapsile opeta paremba vepsän kel't^[5].

Vodel 2004 Kodima-lehtes tegihe laureataks suomalaiž-ugrilaižen lehtišton festivalil, mitte mäni Joškar-Ola-lidnas^[6].

Vodel 2024, konz Kodimale oli 30 vot, mäni Rahvahidenkeskeine fotokuviden konkurs, miččen nimi oli "Kodikülä – kal’hed ristitud". parahimiden radoiden pohjal oli tehtud da pästtud eloho "Vepsläižed küläd"-kalendar' da mäni "Vepsläižed modod"-fotoozuteluz Periodika-paindištos^[7].

Pätoimitajad

Nina Zaiceva (1993-2001);
Nikolai Fomin (2001-2005);
Nikolai Abramov (2005-2008);
Marina Ginijatullina (2008-2013);
Irina Sotnikova (2013 - nügüdehesai).

Galerei

Kodima-lehtesen lugijad
Kodima-lehtesen lugijad
Kodima-lehtesen radnikad
Kodima-lehtesen lugii Vologdan agjaspäi
Kodima-lehtez
Kodima-lehtesen lugii

Homaičendad

↑ Письменные языки мира. Языки Российской Федерации. — М.: Academia, 2003. — Т. 2. — С. 104. — 848 с. — 1000 экз. — ISBN 5-87444-191-3.
↑ ¹ ² "Kodima" ("Родная земля") (рус.). Центральная городская библиотека. Дата обращения: 21 redukud 2025.
↑ ¹ ² "Kodima" ("Родная земля") (рус.). Центральная городская библиотека. Дата обращения: 21 redukud 2025.
↑ История газеты (неопр.). Дата обращения: 21 redukud 2025.
↑ История Kodima (рус.). Дата обращения: 21 redukud 2025.
↑ Карелия официальная (неопр.). Дата обращения: 22 redukud 2025. Архивировано из оригинала 4 keväz'kud 2016 года.
↑ Сегодня 30 лет исполняется с даты выхода первого номера газеты на вепсском языке «Kodima» - «Родная земля»! (рус.) МинНац Карелии (5 sulakud 2023). Дата обращения: 21 redukud 2025.

Literatur

Зайцева, Н. Г. Кодима // Карелия: энциклопедия. В 3 т. Т. 2. К-П. — Петрозаводск, 2009. — С. 69.
Сидоркин, В. Рюрик Лонин и его наследники : свой пятнадцатый день рождения единственная в мире газета на вепсском языке "Kodima" ("Родная земля") приехала отмечать в вепсский этнографический музей в с. Шелтозеро // ТВР-Панорама. — Петрозаводск, 2008. — № 21. — С. 8.

Lähtked

[1] Письменные языки мира. Языки Российской Федерации. — М.: Academia, 2003. — Т. 2. — С. 104. — 848 с. — 1000 экз. — ISBN 5-87444-191-3.

[Kodima-2] ¹ ² "Kodima" ("Родная земля") (рус.). Центральная городская библиотека. Дата обращения: 21 redukud 2025.

[Kodima-hist-3] ¹ ² "Kodima" ("Родная земля") (рус.). Центральная городская библиотека. Дата обращения: 21 redukud 2025.

[Kodima-op-4] История газеты (неопр.). Дата обращения: 21 redukud 2025.

[5] История Kodima (рус.). Дата обращения: 21 redukud 2025.

[6] Карелия официальная (неопр.). Дата обращения: 22 redukud 2025. Архивировано из оригинала 4 keväz'kud 2016 года.

[7] Сегодня 30 лет исполняется с даты выхода первого номера газеты на вепсском языке «Kodima» - «Родная земля»! (рус.) МинНац Карелии (5 sulakud 2023). Дата обращения: 21 redukud 2025.

[1]

[2]

[3]

[4]

[5]

[6]

[7]

Periodika-painišton lehtesed da kulehtesed
Lehtesed	Karjalan Sanomat (suomen kelel) Oma Mua (karjalan kelen livvin paginal) Vienan Karjala (karjalan kelen pohjoiž-karjalan paginal) Kodima (vepsän kelel)
Kulehtesed	Kipinä (karjalan, vepsän da suomen kelel) Carelia da sen al'manahad: Taival da Verez tullei
Verkportal	Oma Media (karjalan, vepsän, suomen, anglian da venän kelel)