Verez tullei
| Verez tullei | |
|---|---|
| ven.: Свежий ветер | |
 voden 2023 al'manahan nomeran kor' | |
| Specializacii | literatur |
| Pästusen lugumär | kerdan vodes |
| Kel' | vepsän kelel |
| Toimišton adres | 185035, Venäma, Karjala, Petroskoi, German Titovan ird, 3 |
| Pätoimištai | Armas Mašin, Irina Sotnikova, Nina Zaiceva |
| Ma |
 Venäma |
| Painai | Periodika-painišt |
| Om tehtud | 2011 |
"Verez tullei" (ven.: Свежий ветер) om literaturine al'manah vepsän kelel. Lähtleb kerdan vodes Petroskoiš Periodika-paindištos vodelpäi 2012. Al'manahan sädajad oma Karjalan rahvahaližen da regionaližen politikan ministerst, Vepsän rahvahaline kul'tursebr, Periodika-paindišt[1]. Pätoimitai om Armas Mašin. Vepsän kelen toimitajad oma Irina Sotnikova da Nina Zaiceva.
Üleižed tedod
Pätand al'manahan tegemižes oli vahvištoitud kezal vodel 2010. Ezmäine sen nomer läksi vodel 2011. Materialoid Verez tullein-nomeroihe ectas da valitas Vepsän rahvahaližen kul'tursebran ühtnikad, Kodima-lehtesen radnikad da filologijan tedodoktor N. G. Zaiceva[2].
Paiči čoman literaturan tekstoid al'manahas om äi materialoid tetabiden vepsläižiden elos, pagištoitusid, starinoid da meletusid vepsän kelen kehitoituses. Al’manahas om paindud očerkoid, runoid, starinoid vepsän kelel. Om al'manahas i materialad lapsiden täht. Se tuleb mel’he kut lapsile, muga aigvoččile-ki ristituile[3].
Al'manahaha mülüdas materialad, miččed oma kirjutadud vepsän kelel da mugažo starinad da sanutesed, miččed om kätud venäkelespäi vepsän kel'he. Avtoroiden keskes oma tetabad kirjutajad da runoilijad da nored-ki, miččed vaiše zavodidas ezmäižed haškud litereturas[4].
Joga Verez tullei-nomeras om kaikenaigaižed rubrikad:
- Päkirjutez;
- Runod;
- Proza;
- Kul'turelo;
- Hengkuvad;
- Sel'ktas muštoks;
- Tedolang;
- Lapsile.
Zinaida Strogal'ščikova sanui al'manahan pästandas:
Al'monahan pästand om völ üks' tärged hašk vepsän kelen kehitoitused.
Zinaida Strogalščikova— [5]
Homaičendad
- ↑ В Карелии появился альманах на вепсском языке. karelinform.ru (20 vilukud 2012). Дата обращения: 11 kül'mkud 2025.
- ↑ Литературный альманах на вепсском языке издан в Карелии. Дата обращения: 11 kül'mkud 2025.
- ↑ Живое вепсское слово: вышел в свет новый номер альманаха Verez tullei. omamedia.ru. Дата обращения: 11 kül'mkud 2025.
- ↑ «Veres tullei» - альманах для семейного чтения. Дата обращения: 11 kül'mkud 2025.
- ↑ З. И. Строгальщикова. Tärged hašk vepsän kelen kehitoituses. — Петрозаводск, Verez tullei: Periodika, 2011. — С. 4—6.
Lähtked
- "Verez tullei" — al'manah kanzaližen lugemižen täht // 2012 uhoku. — Karjalan igähižiden rahvahiden sait
- Vepsläine
- В свет вышел новый номер альманаха "Verez tullei"
- Вышел в свет четвертый вепсский альманах "Verez tullei"
Periodika-painišton lehtesed da kulehtesed | |
|---|---|
| Lehtesed |
|
| Kulehtesed |
|
| Verkportal |
|
