Vienan Karjala

*Vienan Karjala*
Vienan Karjala
Tip	Kundaliž-politine
Format	А3
Paindai	Periodika-paindišt
Pätoimitai	Natalia Sinickaja
Om tehtud	1999
Kel'	pohjoiž-karjalan pagin; karjalan kel'
Toimišt	Petroskoi, Titovan ird, 3
Tiraž	300
Veb-sait	Официальная группа ВКонтакте

Vienan Karjala (ven.: Беломо́рская Каре́лия) — kundaliž-politine lehtez pohjoiž-karjalan paginal karjalan kelel, paindas Petroskoiš. Vodel 2013 oli ühtenzoittud Oma Mua-lehtesenke^[2].

Üleižed tedod

Ezmäine nomer läksi eloho 17. kül'mkud vodel 1999^[3]. Lehteses oma materialad karjalan rahvahan istorijan da kul'turan polhe. Se starinoičeb Karjalan man social-ekonomižen da kul'turelon polhe, karjalan kelen kehitoituses da kaičendas, rahvahaližes kul'turas da tradicijoiš. Kävutoittas kut ližaopenduzkirj karjalan kelen urokoil školoiš da Petroskoin universitetas Karjalas.

Vienan Karjala-lehtesen tegijad oma Karjalan valdmehišt, Karjalan parlament, "Karjalan rahvahan liitto"-organizacii da Periodika-paindišt.

Vodhesai 2013 läksi eloho kaks' kerdad kus koumel lehtpolel, sen tiraž oli 700 ekzempl'arad.

Ezmäižen Venäman suomalaiž-ugrilaižiden paindud lehtištoiden festivalin vägestai "Rahvahaližiden tradicijoiden kaičijad"-nominacijas (Joškar-Ola, 2003).

Lehtesen radnikad tegeba kaiken, miše kehitoitta da bohatoitta pohjoiž-karjalan paginad. Hö radaba aktivižesti karjalaižiden küliden eläjidenke, kus nügüdehesai kaitas eläb karjalan kel', kus karjalan kelel pagištas jogapäiväižes elos irdal, laukas, kodiš. Päsija om tradicionaližil karjalaižil küläpraznikoil – niiš kirjutadas lehteses kaikuččen voden^[4].

Lehteses kirjutadas materialad znamasižiš azjtegoiš Karjalas, karjalaižen külän elos, kodiröunan istorijas da rahvahan veroiš, letas rahvahaližen politikan küzundad, karjalan kelen opendamine, kul'turan päuzištod, očerkad tetabiden kul'turradnikoiden elon polhe, fol'kloran parahimad ozutesed, starinad lapsile da üläopenikoile, karjalaižiden klassikoiden da noriden kirjutajiden kirjutesed^[5].

Pätoimitajad

Remšujeva Raisa Petrovna;
Lettijeva Galina Jegorovna;
Melentjeva Ol'ga Aleksejevna.

Homaičendad

↑ Слово от слова рождается Šanašta šana tulou (рус.). Дата обращения: 24 redukud 2025.
↑ Vienan Karjala/Беломорская Карелия (рус.). vk.com. Дата обращения: 24 redukud 2025.
↑ Распоряжение председателя правительства Республики Карелия от 9 ноября 1999 г. № 738-р (рус.). Дата обращения: 27 redukud 2025.
↑ ПетрГУ на читательской студенческой конференции "Роль газеты "Виенан Карьяла" (рус.) (19 kül'mkud 2009). Дата обращения: 27 redukud 2025.
↑ Vienan Karjala - ваша газета (рус.) (26 uhokud 2008). Дата обращения: 27 redukud 2025.

Lähtked

[1] Слово от слова рождается Šanašta šana tulou (рус.). Дата обращения: 24 redukud 2025.

[2] Vienan Karjala/Беломорская Карелия (рус.). vk.com. Дата обращения: 24 redukud 2025.

[3] Распоряжение председателя правительства Республики Карелия от 9 ноября 1999 г. № 738-р (рус.). Дата обращения: 27 redukud 2025.

[4] ПетрГУ на читательской студенческой конференции "Роль газеты "Виенан Карьяла" (рус.) (19 kül'mkud 2009). Дата обращения: 27 redukud 2025.

[5] Vienan Karjala - ваша газета (рус.) (26 uhokud 2008). Дата обращения: 27 redukud 2025.

[1]

[2]

[3]

[4]

[5]

Periodika-painišton lehtesed da kulehtesed
Lehtesed	Karjalan Sanomat (suomen kelel) Oma Mua (karjalan kelen livvin paginal) Vienan Karjala (karjalan kelen pohjoiž-karjalan paginal) Kodima (vepsän kelel)
Kulehtesed	Kipinä (karjalan, vepsän da suomen kelel) Carelia da sen al'manahad: Taival da Verez tullei
Verkportal	Oma Media (karjalan, vepsän, suomen, anglian da venän kelel)