Ortjo Stepanov

Ortjo Stepanov
Ortjo Stepanov
	suom.: Ortjo Stepanov
Nimi	Art'om Mihailovič Stepanov
Sündundpäiv	7. sulakud 1920
Sündundtaho	Haikolä[d], Juškozeron külä[d], Kalevalan rajon, Karjalan Valdkund, RSFSR[d];
Kolendpäiv	22. keväz'kud 1998 (77 лет)
Kolendtaho	Petroskoi, Venäma;
Rahvahuz'	SSSR ; Venäma
Rad	kirjutai
Radon voded	1940—1998
Žanr	proza
Tekstoiden kel'	suomen kel'
Premijad	Karjalan ASSRan valdkundaline rahalahj Perttužen nimel (1985)
Pauklahjad

Art'om Mihailovič Stepanov (suom.: Artjom Mihailovitš Stepanov) или Ортьё Степа́нов (suom.: Ortjo Stepanov, ven.: Артём Миха́йлович Степа́нов; 7. sulakud 1920, Haikolä^[d], Karjalan Valdkund — 22. keväz'kud 1998, Petroskoi) — sovetskii karjalaine kirjutai, Karjalan ASSRan valdkundaližen rahalahjan laureat literaturan da taidehen alovehiš (1985), Karjalan ASSRan rahvahan kirjutai (1980)^[1].

Elostarin

Ortjo sündui 7. sulakud vodel 1920 Haikolä-küläs manradnikan kanzas. Hän oli karjalaine. Konz oli lapsen, kanz tuli elole Uhtaha. Jäl'ges školad openzihe Petroskoin pedagogižen opišton koumandel kursal. Vodel 1938, konz lopi ičenaižen opendusen, radoi opendajan Sv'atozeron seičemevoččes školas Präžan rajonas^[2].

Sügüzel vodel 1939 händast ottihe Rusttaha armijaha. Konz zavodihe Sur' Kodiman voin, hän oli 71. ambunddevozijas. 3. heinkud vodel 1941 oldes tedišteluses händast ezmäižen kerdan ranitihe. 3. keväz'kud vodel 1942 händast ranitihe toižen kerdan Kalininan frontal, kus Stepanov ohjanzi tedišteluzjoukud. Tervehtoitandan jäl'ghe händast oigetihe lebule.

Voden 1942 semendkuspäi Stepanov radoi Omskas i Ivanovos, kus tundištihe kudondinstitutan üläopenikanke Zoja Muhinanke. 20. elokud vodel 1942 heil oli sai.

Voden 1942 vilukus Stepanovad tuliba Omskaspäi Karjalaha. Täs Stepanov radoi komsomolan Kalevalan raikoman toižen sekretarin, FZOn aigsijaližen pämehen, Rugozeron rajonan tarkištelendbüron pämehen.

Vodel 1944, konz päzutadihe Stepanovan akan kodimad — Kurskаd, hän kaks' vot radoi Kurskan tarkištelendbüron aigsijaližen pämehen. Jäl'ges opendust Leningradas korktoil möndkursil vozil 1946—1948 hän pördihe Karjalaha, kus läz vot radoi Petrotorgan aigsijaližen pämehen i völ viž vot — Karjalaiž-Suomalaižen SSRan Valdkundaližen kontrolin ministerstvan päkontrol'oran.

Ezmäižid Stepanovan kirjutesid — starinoid, očerkoid i feljetonoid — zavottihe painda 1940.-voziden lopus.

Vodelpäi 1965 vodehesai 1980 radoi Petroskoiš "Punalippu"-(nügüd' "Carelia" (ven.) (vep.)-kulehtesen erišton ohjandajan, päsekretarin.

Stepanov koli vodel 1998 Petroskoiš. Ičeze zavetoičendas hän sanui ičeze tahtos — panda maha Haikolän kaumištol, kus om pandud maha hänen ezitatad.

Ortjo Stepanov oli pauklahjoitud Rusttan Tähthan ordenal, Suren Kodiman voinan ordenal, Sebruden ordenal, a mugažo Karjalan ASSRan valdkundaližel rahalahjal A. Perttužen nimel vodel 1985. Sen ližaks hänele anttihe "Karjalan ASSRan rahvahan kirjutai"-(1990) da "Petroskoin voden mez'"-(1997) arvnimed. Stepanovan literaturtegot om kätud erasikš kelikš i om paindud verhiš maiš, sidä kesken Suomes i Amerikas.

Bibliografii

Stepanov, O. Suurilla selkosilla. — Petroskoi: Karjalan ASNT, 1961. — 138 с.
Stepanov, O. Vako vaolta : kuvauksia, kertomuksia, filminovelli. — Petroskoi: Karjalan kirjakustantamo, 1964. — 88 с.
Stepanov, O. Koetus korpikylassa. — Petroskoi: Karjalan kirjakustantamo, 1967. — 159 с.
Stepanov, O. Kotikunnan tarina : romaani. — Petroskoi: Karjala, 1969. — 236 с.
Степанов, А. М. Родичи : роман; Поединок в таёжной деревне : повесть. — Петрозаводск: Карелия, 1971. — 366 с.
Stepanov, O. Sakun Jaakko, rahvaanmies : romaani. — Petroskoi: Karjala, 1973. — 262 с.
Степанов, А. М. Родичи : роман. — М.: Современник, 1975. — 238 с.
Stepanov, O. Kotikunnan tarina : romaani. — Petroskoi: Karjala, 1979. — 574 с.
Степанов, О. Родичи : роман. — Петрозаводск: Карелия, 1980. — 624 с.
Stepanov, O. Lesket : romaani. — Petroskoi: Karjala, 1983. — 239 с.
Степанов, О. Родичи : роман. — М.: Современник, 1986. — 448 с.
Stepanov, O. Prokon Maksima : romaani. — Petroskoi: Karjala, 1986. — 245 с.
Степанов, О. Вдовья доля : роман. — Петрозаводск: Карелия, 1987. — 216 с.
Stepanov, O. Kaki kukkui jaihin : romaani. — Petroskoi: Karjala, 1989. — 287 с.
Степанов, О. Максима, сын Прокко : роман. — Петрозаводск: Карелия, 1990. — 272 с.
Stepanov, O. Koetus korpikylassa. — Petroskoi: Karjala, 1995. — 191 с.
Stepanov, O. Kotikunnan tarina. — Petroskoi: Periodika, 2002. — 663 с.
Stepanov, O. Kotikunnan tarina. — Petroskoi: Periodika, 2002. — 719 с.
Stepanov, O. Koetus korpikylassa. — Petroskoi: Verso, 2005. — 206 с.

Mušt

Vodel 2004 oli sätud Ortjo Stepanovan fond, sen ohjandai om Stepanov Mihail Artemjevič — Ortjo Stepanovan poig.

Homaičendad

↑ А. Ф. Титов. Карелия: энциклопедия. — Петрозаводск: «ПетроПресс», 2011. — 139—140 с.
↑ К 110-летию народного писателя Карелии Ортьё Степанова (рус.). Дата обращения: 4 sügüz'kud 2025.

Literatur

Дюжев А. И. Народный писатель Карелии Ортьё Степанов. — Петрозаводск: Северное сияние, 2010. — 280 с.

Lähtked

[1] А. Ф. Титов. Карелия: энциклопедия. — Петрозаводск: «ПетроПресс», 2011. — 139—140 с.

[2] К 110-летию народного писателя Карелии Ортьё Степанова (рус.). Дата обращения: 4 sügüz'kud 2025.

[1]

[2]