Karjalan tätüteatr

Рувики-späi
Karjalan valdkundaline
tätüteatr
Изображение логотипа
КукольныйТеатр.jpg
Teatran tip tätüteatr
Om tehtud 1935[1]
Pauklahjad
Teatran pert'
Sijaduz Karjala
Adres Petroskoi, Karl Marksan prospekt, 19
Arhitektor Jevgenii Tajev
Kohetud 2003-2006
Ohjanduzkund
Azjmehišt Karjalan kul'turministerstv
Pämez' Vasiljeva L'ubov' Nikolajevna
Sait Официальный сайт
Логотип РУВИКИ.Медиа Mediafailad RUWIKI-tedoiš

Karjalan tätüteatr (ven.: Теа́тр ку́кол Респу́блики Каре́лия) — valdkundaline tätüteatr Karjalan pälidnas — Petroskoiš. Nece om üks' vanhembišpäi tätüteatroišpäi Venämal.

Puppet theater.jpg
Teatruudimiden taga

Tedod

Karjalan valdkundaline tätüteatr sijadase sures pertiš Petroskoin keskuses adresadme: Karl Marksan prospekt, 19.

Teatran pert' om letud valdkundaližen da valdkundan b'udžetan abul. Nece om nügüdläine teatrkompleks, kus om kaik tarbhaine tehnine kaludišt. Neciš-žo pertiš om Karjalan rahvahaline teatr, ned ühtes tegeba ühthižen ansambl'an.

Istorii

Teatr avaitihe Petroskoiš 15. tal'vkud vodel 1935.

Teatran augonpanijoin oliba Sergei Obrazcovan kursiden pästnikad, Radnorišton teatran akt'orad: A. D. Kogan, Z. V. Pergament, K. V. Gorožankina, V. K. Kozlova.

Voden 1938 vilukun 1. päivähasai tätüteatr mülüi Radnorišton teatraha (1934—1935), Noren kacujan teatraha (1935—1937), Kargosteatraha (1937).

Teatras erazvuičči vozil radoiba mugomad tetabad sädajad ristitud, kut M. Korol'ov, N. Borovkin, S. Jefremov, I. Moskal'ov, S. Belkin, H. Skaldina, V. Sovetov, Tamara Jufa, J. Curkanu, J. Andrejev.

Kezakus vodel 2003 Karjalan tätüteatr oli Valdkundaližen lapsiden da noriden teatroiden "Kuklantida"-festivalin sädajan. Festival' tehtas kerdan kahtes vodes.

Teatr kaiken aigan ühtneb rahvahidenkeskeižihe da venälaižihe festivalihe.

Teatran spektakl'ad oliba Venäman rahvahaližen "Kuldaine mask" (ven.) (vep.-premijan ühtnikoiden keskes:

  • ven.: «Золочёные лбы» B. Šerginan starinan mödhe, ohjandai A. Smirnov, 2007;
  • ven.: «Собачья сказка» K. Čapekan literaturtegoiden mödhe, ohjandai N. Pahomova, 2009;
  • ven.: «Железо» B. Konstantinova i V. Antonova, 2016;
  • ven.: «Сад», ohjandai A. Januškevič, 2018;
  • ven.: «О рыбаке и рыбке», ohjandai J. Tumina, 2020;
  • ven.: «Ревизор», I. Kazakov — 2022.

Teatran akt'or L'ubov' Bir'ukova (Kapitolina — ven.: «Золочёные лбы»-spektakl') da taidehpirdai V. Antonov (ven.: «Железо»-spektakl') tegihe "Kuldaine mask" (ven.) (vep.-festivalin da premijan laureatoikš.

Vodel 2019 teatran kollektivale ven.: «Сад»-spektakl'as anttihe "Sampo"-premii (ven.) (vep.[2].

2019/2020-aigkeskustan satusiden mödhe ven.: «О рыбаке и рыбке»-spektakl'as (ohjandai Jana Tumina, taidehpirdai Kira Kamalidova, kost'umoiden dizainer Anis Kronidova, muzikantegii Dmitrii Maksimačov) Aleksandr Puškinan sarnan mödhe tätüteatr sai Venäman valdkundan premijan parahimas teatrozuteluses venälaižen klassikan literaturtegoiden mödhe[3].

Voden 2020 teatran radon aigan ven.: «О рыбаке и рыбке»-spektakl' sai Rahvahaližen teatran "Kuldaine mask"-premijan nominacijas "Parahim teatrozuteluz tätüteatras"[4].

Vodel 2025 teatr sai Venäman rahvahaližen "Arlekin"-teatrpremijan "Sures panendas Venäman lapsiden teatran kehitoitandaha"[5].

Teatran pämehed

  • Pergament Jakov Samuilovič — 1935—1937;
  • Kogan Aleksei Dmitrijevič — 1938—1941, 1948—1954;
  • Pavlova Klavdia Ivanovna — 1945—1948;
  • Krisanov Vasilii F'odorovič — 1954—1956;
  • Vidrevič Valentina Aleksandrovna — 1956—1973;
  • Pavlova Jevgenia Isaakovna — 1973—1976;
  • Andrejev Jurii Ivanovič — 1976;
  • Bondarenko L'udmila Grigorjevna — 1976—2002;
  • Larionova Jelena Gennadjevna — 2002—2009;
  • Vasiljeva L'ubov' Nikolajevna — vodelpäi 2009.

Artistjouk

  • Snežana Saveljeva — ohjandai-opendai;
  • L'ubov' Bir'ukova — Venäman arvostadud artist;
  • Aleksandr Dovbn'a — Karjalan rahvahan artist;
  • L'udmila Terentjeva — Karjalan arvostadud artist;
  • Dmitrii Budnikov — Karjalan arvostadud artist;
  • Marina Zburžinskaja — Karjalan arvostadud artist;
  • Tatjana Mackevič — Karjalan arvostadud artist;
  • L'udmila Terentjeva — Karjalan arvostadud artist;
  • Vladislav Timonin — Karjalan arvostadud artist;
  • Natalja Vasiljeva, Irina Budnikova, Svetlana Romanova, Oleg Romanov, Anton Vereščagin, Jekaterina Švecova, Rodion Mihno, Maria Artib'akina, Art'om Olkonen.

Pauklahjad

  • Venäman valdmehišton premii F'odor Volkovan nimel panendas Venäman teatrtaidehen kehitoitandaha (15. kezakud vodel 2017)[6];
  • Venäman valdmehišton premii parahimas teatrozuteluses venälaižen klassikan literaturtegoiden mödhe (6. kül'mkud vodel 2020) — ven.: «О рыбаке и рыбке»-teatrozuteluses (Aleksandr Puškinan sarnan mödhe)[7].

Homaičendad

  1. ↑ В 2021 году Театр кукол Карелии получил дополнительное финансирование. Дата обращения: 9 redukud 2025.
  2. ↑ Названы лауреаты пяти премий «Сампо»-2019. Дата обращения: 9 redukud 2025.
  3. ↑ Театр кукол Карелии стал лауреатом премии Правительства России. Дата обращения: 9 redukud 2025.
  4. ↑ Спектакль Театра кукол Карелии «О рыбаке и рыбке» получил «Золотую маску». Дата обращения: 9 redukud 2025.
  5. ↑ «Арлекин-2025» назвал имена лауреатов, Театръ. Дата обращения: 9 redukud 2025.
  6. ↑ Распоряжение Правительства Российской Федерации от 15 июня 2017 года № 1257-р. Дата обращения: 9 redukud 2025.
  7. ↑ Распоряжение Правительства Российской Федерации от 6 ноября 2020 года № 2879-р. Дата обращения: 9 redukud 2025.

Literatur

  • Войцеховская, А. В. Театры Карелии : указатель литературы (1945—1960 гг.). — Петрозаводск, 1962.
  • Андреев Ю. И. Наш театр кукол. — Петрозаводск, 1971. — 27 с.
  • под. ред. П. К. Генделевой. История нашего театра. — Петрозаводск, 2006. — 66 с. — ISBN 5-8430-0118-0.

Lähtked

Om sadud "https://vep.ruwiki.ru/w/index.php?title=Karjalan_tätüteatr&oldid=528535"