Andrejev Jurii Ivanovič

Рувики-späi
Andrejev Jurii Ivanovič
АндреевЮрийИванович.jpg
Sündundpäiv 17. kül'mkud 1936(1936-11-17)
Sündundtaho
Kolendpäiv 4. semendkud 2018(2018-05-04) (81 год)
Kolendtaho
Rahvahuz'
Professii akt'or, tätüižiden vedäi, teatran ohjandai, dramaturg
Pauklahjad

Jurii Ivanovič Andrejev (ven.: Ю́рий Ива́нович Андре́ев, 17. kül'mkud 1936, Borovičskii rajon[d], Piterin agj — 4. semendkud 2018, Petroskoi) om teatran akt'or, ohjandai, dramaturg. Vozil 1981—1991 oli Petroskoin tätüteatran päohjandai. Vodelpäi 1979 oli Rahvahidenkeskeižen tätüteatran radnikoiden nevondišton ühtnik (UNIMA). Karjalan ASSRan arvostadud artist (1965), Karjalan ASSRan rahvahaline artist (1986)[1].

Elostarin

Om sündunu 17. kül'mkud vodel 1936 Piterin agjan Zadornoje-küläs[2]. Vodel 1947 kanz sirdihe elämaha Karjalaha[3].

Zavodi rata, konz hänele oli kuz'toštkümne vot Petroskoin tätüteatras akt'oran-tätüiženvedajan, jäl'ghe sidä kut vodel 1953 lopi Šujan seičemevoččen školan[4][5].

Vodel 1965 lopi ohjandajan üläkursad GITISas (ven.) (vep. (opendai — S. V. Obrazcov) "tätüteatran ohjandai" special'nostin mödhe[6]. Hänen ven.: "Вредный витамин"-diplomteatrozutez äi vozid oli teatran repertuaras päsijal.

Rates teatras Ju. I. Andrejev ozuti enamba 350 rolid[4].

Hänen ven.: Карельский сувенир-teatrozutez vodel 1974 oli ozutadud Suomes, vodel 1982 GDRas[5].

Vozil 1981—1991 oli Petroskoin tätüteatran päohjandajan[3], tegi enamba 50 teatrozutest[5].

Vodel 1994 Ju. I. Andrejev läksi pensijale, ohjanzi ven.: "Синяя птица"-lapsiden tätüteatrad.

Eli Šuja-pos'olkas läz Petroskoid.

Koli 4. semendkud vodel 2018 Petroskoin valdkundaližes läžundkodiš pit'kan läžundan jäl'ghe[5]. Om pandud maha Petroskoin Sulažgora-kaumištol.

Arvostelend

Licei-internetkulehteses om kirjutadud, Jurii Andrejev äi kerdoid oli adivajelusil Karjalas, Venäman lidnoiš, verhiš maiš, i ei üht kerdad ozuti ičeze akt'oran da taidehohjandajan mastarut. Teatran arvostelijad da kund ottihe homaičusehe hänen tedomahtod, personališt lahjavut[7].

Kirjutesed

  • Андреев Ю. И. Наш театр кукол. — Петрозаводск, 1971. — 27 с.

Pauklahjad

  • Karjalan ASSRan rahvahaline artist (1986);
  • Karjalan ASSRan arvostadud artist (1965);
  • "SSSRan Kul'turministerstvan parahim radnik"-znam.

Homaičendad

  1. ↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. — С. 126. — ISBN 978-5-8430-0123-0.
  2. ↑ Nügüd' om составе Venäman Novgorodan agjan joukus.
  3. ↑ 1 2 Главная / Российские актеры театра / А / Юрий Андреев (III) / биография. Сайт «Кино-Театр.РУ». Дата обращения: 11 keväz'kud 2026.
  4. ↑ 1 2 Виртуальная выставка «Сокровища творцов культуры, чьи фонды бережно храним». Андреев Юрий Иванович (1936 г.р.). КУ «Национальный архив Республики Карелия» (2014). Дата обращения: 11 keväz'kud 2026.
  5. ↑ 1 2 3 4 Умер актер и режиссер Театра кукол Карелии Юрий Андреев. Сайт Республика (4 semendkud 2018). Дата обращения: 11 keväz'kud 2026.
  6. ↑ Народный артист Карелии Юрий Андреев отметит юбилей творческим вечером. web.archive.org. Дата обращения: 11 keväz'kud 2026.
  7. ↑ Не стало Юрия Андреева. 2018-05-04. Дата обращения: 31 keväz'kud 2026.

Literatur

  • Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1: А — Й. — С. 126. — 400 с. — 3000 экз. — ISBN 978-5-8430-0123-0.
  • История нашего театра / Под. ред. П. К. Генделевой. — Петрозаводск, 2006. — 66 с. — ISBN 5-8430-0118-0.

Lähtked

Om sadud "https://vep.ruwiki.ru/w/index.php?title=Andrejev_Jurii_Ivanovič&oldid=521509"