Larin Vladislav Vladimirovič

Рувики-späi
Vladislav Vladimirovič Larin
Vladislav Larin 2021.jpg
Personaližed tedod
Pol mužik[d]
Ma
Specializacii thekvondo[d]
Sündundpäiv 7. redukud 1995(1995-10-07) (30 лет)
Sündundsija
Harjoitajad Sergei Petrov
Sportarvnimi
Pauklahjad da medalid
Olimpiadvändod
Kuldaine Тokio 2020 enamba 80 kg
Mail'man čempionatad
Bronzaine Čel'abinsk 2015 87 kg:hasai
Hobedaine Mudžu 2017 87 kg:hasai
Kuldaine Mančester 2019 87 kg:hasai
Jevropalaižed vändod
Hobedaine Baku 2015 enamba 80 kg
Jevropan čempionatad
Kuldaine Montrö 2016 87 kg:hasai
Kuldaine Kazan' 2018 87 kg:hasai
Hobedaine Sofia 2021 enamba 87 kg
Honbedaine Egl' 2025 enamba 80 kg
Valdkundaližed pauklahjad
Логотип РУВИКИ.Медиа Mediafailad RUWIKI-tedoiš

Vladislav Vladimirovič Larin (ven.: Владисла́в Влади́мирович Ла́рин, om sündunu 7. redukud 1995, Kotkozero[d], Karjalan Valdkund) — venälaine thekvondist, olimpiadčempion, mail'man čempion i kaks'kerdaine Jevropan čempion.

Elostarin

Vladislav Larin om sündunu vodel 1995 Karjalan Kotkozero (ven.) (vep.-küläs. Vodel 1999 kanz tuli elole Petroskoihe.

Nel'l'voččes igäs zavodi tehta sportlikundelust, no satatusen jäl'ghe, oli katkaidud käzi, lopi sportata. Vodel 2002 tuli thekvondo-sportaha, hänen harjoitajaks tegihe Sergei Petrov.

Vladislav lopi Petroskoin licejan № 13 i Petroskoin universitetan likundan, sportan da turizman institutan.

Personaline elo

Om nainu Venäman čempionkal thekvondon mödhe Anastasija Larinal (neidižaigan Karnovič). Hö tundištihe toine toiženke Internetan kal't edel Olimpiadad Rio-de-Žaneiros. Hö naiba 15. heinkud vodel 2020. Vodeks 2024 lapsid ei ole, om koir francialaižen bul'dogan rodul.

Joudajal aigal Vladislav vändi puzumäčvändho, navedi snoubordingad da käveli kalha. Aktivižesti paneb fotokuvid da videoid socialižiš verkoiš.

Karjera

Vodel 2009 Larin sai toižen sijan Jevropan čempionatal junioroiden keskes. Vodel 2011 hän tegihe Avaitud Izrail'an čempionatan vägestajaks.

Vodel 2015 sai koumanden sijan mail'man čempionatal Čel'abinskas.

Vodel 2016 Larin sai koume kuldašt medalid: Jevropan pervenstval, Bel'gian da Gollandian avaitud čempionatoil.

Vodel 2017 Vladislav sai toižen sijan mail'man čempionatal, a vodel 2018 udes tegihe Jevropan čempionaks.

Voden 2019 semendkus Larin tegihe mail'man čempionaks thekvondon mödhe jügukategorijas 87 kilogrammahasai.

Kül'mkus vodel 2025 sai hobedaižen medalin Jevropan čempionatal Šveicarian Egl'-lidnas[1].

Uhokus vodel 2026 vägesti rahvahidenkeskeižel Fujairah Open-turniral Ühtenzoittud Arabalaižiš Emiratoiš[2].

Sabustused

  • Voden 2009 Mail'man vice-čempion junioroiden keskes;
  • Serbian čempionatan bronzvägestai (2014);
  • Venäman čempion (2014, 2020, 2023, 2025);
  • Mail'man čempionatan bronzvägestai (2015);
  • Jevropalaižiden vändoiden hobedvägestai (2015);
  • Jevropan čempion (2016, 2018);
  • Mail'man čempionatan hobedvägestai (2017);
  • Mail'man čempion (2019);
  • VII Mail'man voinvädnoiden hobedvägestai (2019);
  • Venäman Kubkan omištai (2020);
  • Olimpiadčempion (2020)[3];
  • Kuz'kerdaine čempion Grand Prix-serijas;
  • Jevropan čempionatan hobedvägestai (2025).

Pauklahjad da arvnimed

  • Sebrudes orden (11. elokud vodel 2021) — sures panendas kodimaižen sportan kehitoitandaha, korktoiš sportsabustusiš, valdas vägestusehe, tahtos voden 2020 Olimpiadan XXXII vändoil Tokios (Japonii)[4];
  • "Sampo"-orden (30. heinkud vodel 2021, Karjala, Venäma) — sures personaližes panendas thekvandon kehitoitandaha Karjalas, professionaližiden sportmehiden vaumištandas da kazvatandas i vägestuses voden 2020 Olimpiadan XXXII vändoil Tokios[5];
  • Karjalan voden mez' (2021)[6];
  • Oloncan arvokaz eläi (2021)[7];
  • Venäman arvostadud sportmastar'.

Turnirad

Petroskoiš 14. redukud vodel 2025 vedetihe regionoidenkeskeižid thekvondovoibuid Vladislav Larinan lahjoile[8].

Kanz

  • Tat — Vladimir Vladimirovič Larin;
  • mam — Ol'ga Nikolajevna Larina[9];
  • ak — Anastasija Larina (neidižaigan Karnovič, om sündunu vodel 1997) — äikerdaine Venäman čempoinka thekvandon mödhe[10].

Homaičendad

  1. ↑ Россияне завоевали пять золотых медалей на ЧЕ-2025 по тхэквондо. tass.ru. ТАСС (23 kül'mkud 2025). Дата обращения: 24 keväz'kud 2026.
  2. ↑ Карельский тхэквондист Владислав Ларин победил на международном турнире. rk.karelia.ru (3 uhokud 2026). Дата обращения: 24 keväz'kud 2026.
  3. ↑ Владислав Ларин завоевал золотую медаль в тхэквондо на Олимпийских играх в Токио, СпортНавины (27 heinkud 2021). Дата обращения: 24 keväz'kud 2026.
  4. ↑ Указ Президента Российской Федерации от 11 августа 2021 года № 463 «О награждении государственными наградами Российской Федерации». Дата обращения: 24 keväz'kud 2026.
  5. ↑ Указ Главы Республики Карелия от 30.07.2021 № 41 «О награждении государственными наградами Республики Карелия». Дата обращения: 24 keväz'kud 2026.
  6. ↑ Лауреатов года отметили в Карелии. Дата обращения: 24 keväz'kud 2026.
  7. ↑ Почётные граждане города Олонца. biblioteka-olon.karelia.ru. Дата обращения: 24 keväz'kud 2026.
  8. ↑ В Петрозаводске прошли соревнования по тхэквондо на призы Владислава Ларина. rk.karelia.ru (14 redukud 2024). Дата обращения: 24 keväz'kud 2026.
  9. ↑ Олимпийский чемпион Ларин получил награду Карелии — орден "Сампо". myseldon.com (6 sügüz'kud 2021). Дата обращения: 24 keväz'kud 2026.
  10. ↑ Ларин, Владислав Владимирович. tass.ru. Дата обращения: 24 keväz'kud 2026.
Om sadud "https://vep.ruwiki.ru/w/index.php?title=Larin_Vladislav_Vladimirovič&oldid=519979"