Tallidn

Tallidn
est.: Tallinn
Флаг[d] Герб[d]
59°26′14″ с. ш. 24°44′42″ в. д.
Valdkund	Estinma
Глава	Mihhail Kõlvart[d]
Istorii da geografii
Tegemižen päiv	неизвестно
Pind	159,37 (31 tal'vkud 2017)
Высота	143
Aigvö	UTC+2:00[d]
Ekonomik
Eläjad
Eläjad	▲438 341 чел. (1 vilukud 2021)
Lugud
Telefonan kod	64
Počtan indeksad	10111
Avtomašinoiden nomeroiden kod	A-B
-
Официальный сайт
lugeda • diskussii • redaktiruida

Tallidn vai Tallinn, Tallin (Estinman pälidn, kaikiš suremb lidn da kaikiš järedamb municipaline ühtnik. Kaikutte koumanz' Estinman eläi om registriruidud pälidnas. Municipaline Tallidn-ühtnik mülüb Harju-makundha da om sen administrativižeks keskuseks.

Lidn om Estinman biznesan, opendusen, kul'turan da tedon keskuz.

Istorii

Vl 1154 lidn mainitase ezmäižen kerdan arabižen geografijan Al' Idrisi-tedomehen tedotöiš kuti pen' Kolivan'-lidnuz.

Vozil 1219−1227 i 1238−1346 eländpunkt oli alištunu Danijale.

Geografižed andmused

Lidn sijadase Estinman lodehes, Suomen lahten suvirandal. Meren randanpird om 46 km pitte.

Kaikiš suremb järv om Ülemiste-järv (9,6 km²) lidnan suves. Toine järv om Harku (1,6 km²). Znamasine jogi om Pirit, se läbitab lidnan päivnouzmpol't. Kaik järved da joged mülüdas Baltijan meren basseinha.

Administrativine jagand

Tallidnan palad.

Vs 1993 keväz'kun 4. päiväspäi Tallidn jagase 8 lidnanpalaha (est. üks'lugu linnaosa):

• 1) Haabersti (mugažo estin kelel)
• 2) Kesklidn (est. Kesklinn)
• 3) Kristiine
• 4) Lasnamäe
• 5) Mustamäe
• 6) Nimme (est. Nõmme, vhesai 1940 oli eriližeks lidnaks)
• 7) Pirit (est. Pirita)
• 8) Pohjoine Tallidn (est. Põhja-Tallinn)

Tobmuz

Lidnan Suiman pert'.

Käskusenandai tobmuz om Lidnan Suim (est. Tallinna Linnavolikogu) 79 ühtnijanke. Kaik täuz'igäižed lidnan eläjad (18-voččed da sen vanhemba) valitas heid nelläks vodeks. Järgvaličendad sihe oliba vl 2013 redukun 20. päiväl. Kalev Kallo radab sen ezimehen vs 2015 sulakun 30. päiväspäi. Lidnan Suim valičeb lidnan pämest — ohjastusen pämest nelläks vodeks.

Lidnan ohjastusen (est. Tallinna linnavalitsus) pämez' om lidnan pämez'-ki. Hän pidab vastust Lidnan Suiman ühtnijoiden edes. Vs 2015 sügüz'kun 30. päiväspäi Taavi Aas radoi lidnan pämehen velgusentäutajaks.

Eläjad

Vl 1913 Tallidnan ristitišt oli 116 012 eläjad. Vn 2011 EÜ:n rahvahanlugemižen mödhe kaikenaigaižiden eläjiden lugu oli 393 222 ristitud. Kaikiš suremb lidnan ristitišt oli 478 974 eläjad vl 1989.

Rahvahad (2011, enamba 0,4%): evrejalaižed — 0,4%, toižed rahvahad — 2,5%.

Kelenmahtused (mamankel' i toine kel', 2000): venäkel' — 83,3%, estin kel' — 74,2%, anglijan kel' — 34,8%, suomen kel' — 18,9%, saksan kel' — 10,7%.

Ižanduz

Ižandusen päsarakod oma bankad da valdkundaline administrativine holituz, laivansauvomine, meritransport, varapalad avtoiden täht (kaičendvöd), omblendtegimišt, turizm.

Transport

Estinman kaikiš järedamb jüguport da port passažoroiden täht sijadase Tallidnas. Ehtatimed ujudas Rostokha.

tramvaid da elektrojonused oma kundaližeks transportaks Tallidnan südäimes.

Rahvahidenkeskeine civiline Merin Lennartan nimel nimitadud Tallidn-lendimport (TLL) sijadase 4 km suvipäivnouzmha lidnan keskusespäi, Ülemiste-järven pohjoižpäivnouzmaižel randpolel. Sišpäi tehtas reisid Evropan surihe lidnoihe da Estinmadme.

Mel'heižtahod

• 07-06-21-tallinn-by-RalfR-225.jpg

  Lidnan ratušan torg

• Tallinn TV Tower 01.jpg

  Tallidnan telečuhunduz

• 

  Tallidnan botanine puišt

• TUT Main entrance.jpg

  Tallidnan tehnine universitet

• Tallinn city gull.jpg

  Tallidnan azjaline keskuz (2015)

Homaičendad

Irdkosketused

• Tallidnan ohjastusen oficialine portal (tallinn.ee). (est.) (ven.)  (angl.) (saks.) (roč.) (suom.)