Reikjavik

	Reikjavik
	isl.: Reykjavík; isl.: Reykjavíkurborg
Флаг	Герб[d]
	64°08′51″ с. ш. 21°56′06″ з. д.GЯO
Valdkund	Islandii;
Глава	Dagur B. Eggertsson[d]
Istorii da geografii
Tegemižen päiv	1786
Pind	274 538 739;
Высота	8
Aigvö	UTC+0[d]
Ekonomik
Eläjad
Eläjad	▲135 688 чел. (1 vilukud 2022);
Lugud
Kod ISO 3166-2	IS-0
Počtan indeksad	101–155
-
	Официальный сайт(isl.)
	Fail:Reykjavíkurborg Loc.svg
	lugeda • diskussii • redaktiruida

Tarbhaine lehtpol'/levitadud

Reikjavikan kart ezilidnoidenke (2010)

Reikjavik (Pälidnan agjan administrativine keskuz, mülüb sihe. Reikjavik om kaikiš pohjoižemb valdkundan pälidn mail'mas.

Istorii

Vl 874 ezmäine tulii sarehe elämhä, Ingol'f Arnarson, sauvoi ferm pol'sarel, kus nügüd' Reikjavik om olmas. Nimitihe sijad purun (ei ole saven, isl. reykur «savi») heitandoiden tagut huliš purtkišpäi. Vn 1262 jäl'ghe Reikjavik kändihe andan da valdkundmaksoiden keradandan keskuseks Norvegijan täht, mugažo torguindan keskuseks. Vspäi 1395 Islandii kändihe Danijan palaks, i eländpunktan znamoičend lujeni.

Eländpunkt sai lidnan statusad vn 1786 18. päiväl elokud. Vspäi 1845 rippujan territorijan i vspäi 1944 valdkundan parlament da ohjastuz sijadasoiš Reikjavikas. Toižen mail'man sodan aigan lidn kändihe znamasižeks keskuseks amerikaižiden da britanižiden merisodalaivoiden täht.

Geografijan andmused

Pälidn sijadase Islandii-saren suvipäivlaskmas, Seltjarnarnes-pol'sarel. Pen' Ellid-jogi läbitab lidnad. Lidnan pind — 274,5 km².

Klimat om subarktine meren. Heinkun kesklämuz +10,6 C°, tal'vkun, vilukun, uhokun da keväz'kun — −0,5..+0,6 C°. Voden keskmäine lämuz om +4,3 C°. Merikar om jädumatoi vodes läbi lämän Gol'fstrim-merijoksmusen taguiči. Paneb sadegid 799 mm vodes, tazomäras kuidme, enamba tal'vel (70..80 mm kus).

Reikjavik jagase 10 ümbrikoks, Mitborg (isl.: Miðborg «lidnan keskuz») om istorine keskuz lidnan lodehes.

Eläjad

Vl 2015 lidnan eläjiden lugu oli 121 841 ristitud. Reikjavik sädab aglomeracijad 200-tuhaiženke ristitištonke da 5 kaimdailidnanke, Islandijan koume ristitud videspäi elädas siš. Kaimdailidnad levigatas suvhe da päivnouzmha.

Transport

Avtobusad oma kundaližeks transportaks lidnas da sen ezilidnoiš, «Strætó bs»-kompanii ohjandab niil. Ei ole kundaližid raudteid penen ristitišton lugun tagut. Om äi personaližid avtoid da avtoteid.

Rahvahidenkeskeine soda- da civiline Keblavik-lendimport (KEF, 9,8 mln passažiroid vl 2018) sijadase 50 km suvipäivlaskmha Reikjavikaspäi i 3 km päivlaskmha Keblavik-lidnaspäi, sišpäi tehtas reisid Evropadme da Pohjoižamerikha. Kiruhte ühtenzoitab lidnad lendimportanke. Tatanmaine civiline Reikjavikan lendimport (RKV, 400 tuh. passažiroid vl 2018) sijadase 3 km suvhe lidnan keskusespäi, sišpäi tehtas reisid Islandijadme, Grenlandha da Fareran Sarihe, mugažo se om transatlantine jügulendimport da varalendimport Keblavikan täht.

Homaičendad

↑ ^1,0 ^1,1 archINFORM (нем.) — 1994.
↑ ^2,0 ^2,1 https://px.hagstofa.is/pxen/pxweb/en/Ibuar/Ibuar__mannfjoldi__2_byggdir__sveitarfelog/MAN02001.px — Statistics Iceland.

Irdkosketused

Lidnan tobmuden oficialine sait (reykjavik.is). (isl.) (angl.)

Reikjavik Vikiaitas

	Evropan pälidnad
	Monako-lidn \| Moskv \| Nikosii \| Oslo \| Pariž \| Podgoric \| Prag \| Reikjavik \| Rig \| Rim \| San Marino-lidn \| Sarajevo \| Skopje \| Sofii \| Stokhol'm \| Zagreb \| Tallidn \| Tbilis \| Tiran-lidn \| Vaduc \| Vallett \| Varšav \| Vatikan \| Ven \| Vil'nüs

[_145175a3c0a21a62-1] 1,0 ^1,1 archINFORM (нем.) — 1994.

[_4be0b3525ff997f8-2] 2,0 ^2,1 https://px.hagstofa.is/pxen/pxweb/en/Ibuar/Ibuar__mannfjoldi__2_byggdir__sveitarfelog/MAN02001.px — Statistics Iceland.

[1]

[2]