Rim

Rim
ital.: Roma
Флаг[d] Герб[d]
41°53′35″ с. ш. 12°28′58″ в. д.
Valdkund	Italii
Глава	Roberto Gualtieri[d]
Istorii da geografii
Tegemižen päiv	около 753 до н. э.
Pind	1287,36 (9 redukud 2011)
Высота	21
Aigvö	UTC+1[d], летом UTC+2:00[d]
Ekonomik
Eläjad
Eläjad	▼2 872 800 чел. (1 vilukud 2018)
Lugud
Telefonan kod	06
Počtan indeksad	00118–00199
Avtomašinoiden nomeroiden kod	RM
-
Официальный сайт(ital.)
lugeda • diskussii • redaktiruida

Lidnan municipijad (ital.: municipi) nomer I..XV vspäi 2013

Rim (Lacio-agjan da mülütadud sihe Metropolitenižen Rim-lidnan administrativižeks keskuseks mugažo.

Vodel 1960 Kezaližed Olimpižed vändod mäniba Rimas.

Istorii

Legendan mödhe Romul- da Rem-vellesed, kudambad kazvoiba Tibranjogen randal, kerdan ridaškanziba; Romul rikoi Remad, pani lidnan alust Tibran hural randal vl 753 EME da kändihe sen ezmäižeks carikš.

Rim om üks' kaikiš vanhembiš lidnoišpäi Mal, Rimalaižen imperijan amuine pälidn. Oficialižetomad nimed: «Igähine lidn» i «Lidn seičemel kukhal».

Rim šingotase pälidnan funkcijoil i holitišil päpaloin, ei ole jügedan industrijan sarakoid. Rahvahidenkeskeižed aluzkundad i niiden filialad ratas Italijan pälidnas, sen paloin ÜRO:n Mail'man söndtavaroiden organizacii (FAO). Italijan suriden kompanijoiden päfaterad oma Rimas, niiden kesken järedad Enel, Eni, Telecom Italia. Ižandusen päsarakod oma turizm, tedoidused, sauvond, kommertine (bankad eriližešti), IT-sarak, aerokosmine, sodakaičendan, telekommunikacine.

Geografijan andmused

Lidnan sijaduz om Tibr-jogen molembil randoil. Rim sädab Rim-Fjumičinon lidnaglomeracijad Fjumičino-lidnanke da avanportanke (rahvahidenkeskeine lendimport radab siš).

Kaikiš penemb Mal Vatikan-valdkund sijadase Riman territorijan südäimes.

Klimat om subtropine Keskmeren. Voden keskmäine lämuz om +15,8 C°. Ekstremumad oma −11 C° i +40 C°. Paneb sadegid 663 mm vodes.

Eläjad

Lidnan eläjiden lugu om enamba mi 2,8 millionad ristituid. Kaikiš suremb lidnan ristitišt oli 2 840 259 eläjad vl 1981 i 2 870 493 eläjad vl 2014 1287,36 km² pindal. Enamba mi 4,3 mln ristituid elädas kaikes lidnaglomeracijas (2020).

Transport

Avtobusad, taksid, ezilidnelektrojonused, penes märas trolleibusad i tramvaid, oma kundaližeks transportaks lidnas. Rim om znamasižeks transportsol'meks, sijadase valdkundan keskuzpalas. Rengazavtoted ümbärtas pälidnad. Kaks' päraudtestancijad ratas: Termini, Tiburtin. Vspäi 1955 metro radab lidnas (vspäi 2018 om koume jonod, 74 stancijad, 60 km raudted).

Kaks' rahvahidenkeskešt lendimportad ratas lidnaglomeracijas. Rahvahidenkeskeine civiline Rim-Fjumičino-lendimport Leonardo da Vinčin nimed (FCO / LIRF, 43,5 mln passažiroid vl 2019) sijadase 30 km suvipäivlaskmha lidnan keskusespäi, tehtas reisid mail'madme i Italijadme. Soda- da civiline Rim-Čampino (CIA / LIRA, 5,8 mln passažiroid vl 2015) radab 15 km suvipäivnouzmha Riman keskusespäi, tehtas reisid Evropan maidme, čarterreisid Keskmeren regionadme.

Mel'heižtahod

Rim om Italijan znamasine turistine keskuz. Siš om äjad tetabad mel'heižtahod: Riman forum, Kolizei, Panteon, Pühän Pavlan päjumalanpert' i m. e.

Galerei

• 

  Riman forum (2005)

• Panorama of Trevi fountain 2015.jpg

  «Trevi»-fontan (2015)

• Basilica of Saint Paul Outside the Walls - Basilica di San Paolo fuori le mura - Rzym Roma Rome (11710638674).jpg

  Pühän Pavlan bazilikjumalanpert', vn 2012 nägu

• 

  Pühän Petran torg ühtennimiženno pühäpertinno vn 2007 sulakus, Vatikan

• 

  Panteon

Fail:Colosseum-panoramic.view.jpg

Kolizei i Konstantinan triumfaline verai vl 2008

Azjaližen EUR-rajonan ühthine nägu (2008. voz' vai sen aigemba)

Rahvahidenkeskeižed kosketused

Vodespäi 1956 Pariž om Riman üks'jäižeks sebruzlidnaks («Vaiše Pariž om Riman arvoine; vaiše Rim om Parižan arvoine»). No Rimal om völ enamb 20 partnörlidnad (niiden kesken Kijev).

Homaičendad

Irdkosketused

• Rim-kommunan ohjastusen oficialine portal (comune.roma.it). (ital.)  (angl.)
• Riman muzejiden portal (museiincomuneroma.it). (ital.) (isp.) (fr.)  (angl.)