Keblavik

Keblavik
isl.: Keflavík
64°00′00″ с. ш. 22°34′55″ з. д.
Valdkund	Islandii
Istorii da geografii
Высота	5
Aigvö	UTC+0[d]
Eläjad
Eläjad	16 463 чел. (2017)
Официальный сайт
Mediafailad RUWIKI-tedoiš

Fail:Reykjanesbaer map.png

Reikjanesbair-kundan sijaduz valdkundan kartal

Keblavik (isl.: Keflavík [ˈcʰɛplaˌviːk] «hagoiden (kokoroiden) merikar») om lidn Islandijan suvipäivlaskmas. Se om Südürnes-agjan administrativine keskuz.

Istorii

Eländpunkt mainitaškanzihe 16. voz'sadaspäi. Vs 1994 kezakun 11. päiväspäi mülüb Reikjanesbair-kundha.

Valdkundan kaikiš suremb rahvahidenkeskeine Keblavik-lendimport (KEF / BIKF, 8,7 mln passažiroid vl 2017) om saudud koumes kilometras päivlaskmha lidnaspäi. Vll 1942−2006 AÜV:oiden armijan il'mbaz radoi täs, nügüd' Islandijan randkaičendvägiden sijaduz, üks'-se PAKO:n baz.

Geografijan andmused

Lidn sijadase Reikjanes-pol'saren lodehes, 5 m ü.m.t. keskmäižel korktusel. Merikar om lidnan randanno. Bazal'tpöudod harvoidenke änikkazmusidenke i samloidenke oma ümbrištos. Matkad Reikjavik-pälidnhasai om 30 km päivnouzmha-pohjoižpäivnouzmha orhal vai 50 km avtotedme. Lähembaine lidn om Gardür 10 km pohjoižhe.

Klimat om subarktine neps valdmeren. Voden keskmäine lämuz om +4,4 C°, heinkun-elokun +10..+11 C°, tal'vkun-keväz'kun 0..+1 C°. Ekstremumad oma −20 C° i +24 C°. Paneb sadegid 1310 mm vodes, kuidme läz tazomäras, enamba tal'vkus (130 mm), vähemba kezakus (64 mm).

Eläjad

Vl 2015 lidnan da lähižen Njardvik-lidnan eläjiden lugu oli 14 821 ristitud. Kaikiš suremb ristitišt om nügüd'.

Kundan ristitišt om 18 920 eläjad 145 km² pindal (2019).

Homaičendad

Irdkosketused

• Lidnan da kundan oficialine sait (reykjanesbaer.is). (isl.) (+ äikel'ne avtomatine känduz)