Jigev

Jigev
est.: Jõgeva
Fail:County Government building, Jõgeva.jpg
58°44′46″ с. ш. 26°23′44″ в. д.
Valdkund	Estinma
Istorii da geografii
Pind	3,93 (31 tal'vkud 2016)
Ekonomik
Eläjad
Eläjad	▼4959 чел. (1 vilukud 2020)
Lugud
Počtan indeksad	48301–48309
Avtomašinoiden nomeroiden kod	J
-
lugeda • diskussii • redaktiruida

Fail:Map Estonia - Jõgeva linn.png

Vn 2012 lidnan kart.

Jigev (Estinman lidn valdkundan päivnouzmas. Se om Jigevan makundan pälidn da kaikiš suremb lidn.

Istorii

Eländpunkt mainitase ezmäižen kerdan Pol'šanman kodieloiden aigkirjas vl 1601 kuti pol'š.: Hoff Jagiwa, vll 1582−1622 Estinma oli alištunu pol'šan kunigahan tobmudele. Pen' žilo šingotaškanzi Laisholm-raudtestancijaks «Tallidn — Tartu»-keskustal (linni vaumitud vodele 1876). Žilo sai lidnan statusad vl 1938, raudtestancii om udesnimitadud lidnan nimen kartte.

Toižen mail'man sodan aigan lidnan koume videndest oli pandud mantazole. Vll 1950−1991 lidn oli Jigevan rajonan keskuseks.

Jigevan ižandusen sarakod oma puižiden pertiden tehmine («Valmeco»), sijaližen maižanduzprodukcijan ümbriradmine (leibänedheotand, voitegim, Betti Al'ver-runokirjutajan muzei, vozne baikerparad, lebukeskused), mugažo koivunfaneran tegim om sauvomas.

Geografijan andmused

Lidn sijadase Pedj-jogen oiktal randal tobjimalaz (122 km pitte, Emajogen hura ližajogi, Peipusjärven bassein). Matkad Tallidnhasai om 120 km lodeheze orhal, 150 km avtotedme vai raudtedme. Matkad Tartuhusai om 50 km suvipäivnouzmha-suvhe orhal i kaikil teil.

Heinkun lämuz +17,2 C°, uhokun — −5,8 C°, voden keskmäine lämuz om +5,3 C°. Estinman kaikiš lujemb pakaine om fiksiruidud neciš lidnas: −43,5 C° edel 1981 vot (vl 1940) i −36,7 C° vll 1981−2010. Paneb sadegid 688 mm vodes, enamba kaiked kezakus-elokus i redukus (71..93 mm kus).

Seičeme žilod da 85 küläd alištudas Jigevan volostin (est.: Jõgeva vald) tobmudele vs 2017 redukun 24. päiväspäi. Volostin pind — 1040 km².

Eläjad

Vn 2011 EÜ:n rahvahanlugemižen mödhe lidnan eläjiden lugu oli 5 501 ristitud. Kaikiš suremb lidnan ristitišt oli 7 035 eläjad vl 1989. Kaik 13 679 ristitud elihe Jigevan volostiš vl 2018.

Rahvahad (lidnalaižed, enamba 0,35% vl 2011): estilaižed — 91,55%, venänikad — 5,89%, ukrainalaižed — 1,15%, vaugedvenälaižed — 0,40%, suomalaižed — 0,35%, toižed rahvahad — 0,66%.

Lidnan edeline pämez' oli Aare Olgo (2013−2016), nüg. Jigevan volostin nevondkundan ezimez'.

Galerei

• Jõgeva vallavalitsuse ja Jõgeva haigla hoone.JPG

  Volostin nevondkundan pert' i läžundkodi

• Jõgeva3.jpg

  Pühäpert'

• Jõgeva - panoramio - Aulo Aasmaa (2).jpg

  Eländfartal

• Jõgeva spordikeskus Virtus.JPG

  «Virtus»-sportkeskuz

• 

  Avtobusstancii (vspäi 2009)

Irdkosketused

• Jigevan volostin ohjastusen oficialine sait (xn--jgeva-dua.ee). (est.)