Miizakülä

Miizakülä
est.: Mõisaküla
58°05′25″ с. ш. 25°10′59″ в. д.
Valdkund	Estinma
Istorii da geografii
Pind	2,21 (31 tal'vkud 2016)
Eläjad
Eläjad	▲775 чел. (1 vilukud 2020)
Lugud
Počtan indeksad	69302
Avtomašinoiden nomeroiden kod	D
Fail:Eesti moisakyla linn.png
Mediafailad RUWIKI-tedoiš

Fail:Map Estonia - Mõisaküla linn.png

Lidnan kart (2012)

Miizakülä (est.: Mõisaküla «külä usadibanno», latv.: Meizakila «Muižciems») om Estinman lidn valdkundan suvipäivlaskmas, Latvijan röunanno. Mülüb Vil'jandin makundha, sen kaikiš penemb lidn kudespäi eläjiden lugun mödhe. Om Mul'gi-volostin palaks vn 2017 redukuspäi, sen kaikiš penemb lidn koumespäi. Edel 2019. vot se oli Estinman kaikiš penembaks lidnaks.

Istorii

Eländpunkt sündui 19. voz'sadan lopus kaidraižuižen «Pärnu — Valg»-raudten sauvondanke i sen sarakon Vil'jandinnoks. Sol'mstancijan eziauguine nimi oli Laatre. Vll 1899−1900 saudihe tegint senno raudterividen kohendusen täht i udesnimitihe stancijad Miizakülä:ks. Vn 1938 1. semendkud Miizakülä sai lidnan statusad. 1970-nzil vozil likund molembidme kaidraižuižidme raudteidme oli sauptud. Ekskavatortegim radoi nevondkundaližel aigal i vhesai 2010 istorižen raudten tegimen bazal.

Lidn om olmas erigoittud municipaližeta statusata vspäi 2017. Šingotase valdkundaližen büdžetan aluzkundoil, mašinansauvomižen edheotandal (24 radnikad vl 2020, pästab rippujad mašiništod traktoran täht).

Geografijan andmused

Lidn sijadase makundan suvipäivlaskmas, 55 m ü.m.t. keskmäižel korktusel. Matkad makundan Vil'jandi-keskushesai om 49 km pohjoižpäivnouzmha avtotedme. Lähembaine lidn om volostin Abja-Paluoja-keskuz 11 km päivnouzmha orhal vai 12 km avtotel.

Kaik om 32 irdad lidnas.

Eläjad

Vl 1989 eläjiden lugu oli 1 349 ristitud, vodele 2011 lidnan ristitišt poleni i oli 880 eläjad. Kaikiš suremb ristitišt oli 2 421 eläjad vl 1938. Vn 2020 augotišes kaik 775 ristitud elihe lidnas, volostin kümnendez.

Rahvahad (2011): estilaižed — 90,9 %, venänikad — 5,1 %, toižed rahvahad — 4,0 %.

Valdkundaližen büdžetan aluzkundad: aluzškol (38 openikad 2018.−2019. openduzvodes), holituzkodi i päivkeskuz rauhiden mehiden täht, kul'turkeskuz.

Ervin Tamberg radoi lidnan jäl'gmäižen pämehen vspäi 2005.

Galerei

• Mõisaküla linnavalitsus.JPG

  Lidnan enččen municipalitetan tobmuden pert' (2012)

• Moisakula church - panoramio.jpg

  Pühän Vaimun jumalanpert', vn 2012 nägu (Estinman apostoline ortodoksine jumalankodikund)

• 

  Istorine raudten tegim vl 2013

• Meizakilas dzelzceļa stacija 8.jpg

  Lidnan muzejas (2011)

• Mõisaküla vaksalihoone.JPG

  Miizakülä-päraudtestancijan sauvuz vl 2013

Homaičendad

Irdkosketused

• Mul'gi-volostin sait (mulgivald.ee). (est.)
• Lidnan edeližen tobmuden sait (moisakyla.ee, jäb vajehtusita vspäi 2018). (est.)