Keil (lidn)

Keil
est.: Keila
Флаг Герб
59°18′31″ с. ш. 24°25′21″ в. д.
Valdkund	Estinma
Istorii da geografii
Pind	11,22 (31 tal'vkud 2017)
Eläjad
Eläjad	▲10 078 чел. (1 vilukud 2021)
Lugud
Telefonan kod	67
Počtan indeksad	76603, 76605, 76606, 76607, 76608, 76609, 76610 da 76616
Официальный сайт
Fail:Eesti keila linn.png
Mediafailad RUWIKI-tedoiš

Keil (est.: Keila, saks.: Kegel) om Estinman lidn da raudtesol'm valdkundan lodehes. Se om Tallidnan suvipäivlaskmaine ezilidn, mülüb Harju-makundha.

Istorii

Eländpunkt mainitase ezmäižen kerdan Danijan lidnusiden kirjas vl 1241. Läz 13. voz'sadan lopuspäi kivine jumalanpert' i žilo senno sijazihe Keil-jogen oiktal randal. Vll 1950−1962 lidn oli Keilan rajonan administrativižeks keskuseks. Nevondkundaližen aigan Tankipolk (sodabaz) radnikoiči lidnanno, jäihe vaiše erasid pertid sišpäi vodele 2009.

Lidn šingotase elektromašiništon tehmižel («Harju Elekter»-kompanijan päfater da edheotandad, suomen Ensto-kompanijan tegim).

Geografijan andmused

Lidn sijadase ühtennimižen jogen hural randal läz täuzin (est.: Keila jõgi 112 km pitte, Suomen lahten bassein), 35..45 m ü.m.t. korktusil. Matkad Tallidnan röunhasai om 15 km pohjoižpäivnouzmha, keskushesai — 25 km pohjoižpäivnouzmha orhal, avtotel vai raudtedme Saue-lidnan kal't. Elektrificiruidud raudte ühtenzoitab Keilad Paldiski-lidnanke i Riisipere-žilonke mugažo.

Eläjad

Vl 1939 eläjiden lugu oli 1 172 ristitud, vn 2011 EÜ:n rahvahanlugemižen mödhe — 9763 ristitud. Vspäi 1990 ristitišton lugu vajehtub 9,5..10,2 tuhad eläjid röunoiš, kaikiš suremb oli 10,2..10,7 tuh. ristituid vl 1990.

Rahvahad (2011, enamba 0,4%): estilaižed — 84,9%, venänikad — 11,0%, ukrainalaižed — 1,4%, suomalaižed — 0,6%, vaugedvenälaižed — 0,5%, toižed rahvahad — 1,6%.

Galerei

• Keila linnavaade.JPG

  Lidnan keskusen nägu

• 

  Keilan jumalanpert' (2012)

• Harju KEKi peahoone 15.jpg

  Tehnižen projektiruindan sauvuz, om vaumitud
  vodele 1985

• 

  «Ensto»-kompanijan tegim

• 

  Keilan kul'turkeskuz

Irdkosketused

• Lidnan oficialine sait (keila.ee). (est.)
• Verkkamer Keil-lidnan päl, täuz' nägu estonia360.ee-saital.