Vil'jandi

Vil'jandi
est.: Viljandi
Флаг Герб
58°21′48″ с. ш. 25°35′44″ в. д.
Valdkund	Estinma
Глава	Q55078169?
Istorii da geografii
Tegemižen päiv	1263
Pind	14,67 (31 tal'vkud 2017)
Aigvö	UTC+2:00[d] da UTC+3[d]
Eläjad
Eläjad	▼16 875 чел. (1 vilukud 2021)
Lugud
Počtan indeksad	71020
Avtomašinoiden nomeroiden kod	D
Официальный сайт
Mediafailad RUWIKI-tedoiš

Vn 2012 lidnan kart

Vil'jandi (est.: Viljandi [ˈʋilʲˑjɑnʲˑdi], ende Fellin saksan kelel) om Estinman lidn valdkundan suvipoles. Se om Vil'jandin makundan administrativine keskuz. Vil'jandi otab kudenden sijan elijoiden lugumäran mödhe Estinaman lidnoiden keskes.

Istorii

Endevanh eländtaho oli sigä jo 5. voz'sadal edel meiden aiglugendad. Estižele lidnale om pandud augud ei möhemba vikingoiden aigad. Visitestonia.com-lehtpolen melen mödhe, ezmäine mainitez neciš tahos om kirjutadud vodel 1154, konz arabialaine Al' Idrisi-mantedai pani toponiman kartale. Nece sana mainiti Vil'jandi-nimed. 12. voz'sadal ezmäine kaikenaigaine eländtaho tegihe ümbri lidnas.

13. voz'sadan augotišes nene tahod oliba anastadud Mekanpidajiden Ordenal. 1224. vodel zavottihe tehta Ordenan lidnust puižiden sauvusiden sijas. Ičeze aigan se oli kaikid vägekahamban Baltjan meren randoil. Sid' 200 voziden aigan saudihe da udistadihe lidnusen äi kerdoid.

Vodel 1283 Rigan arhiepiskop andoi Fellin-eländtahon umbrištole lidnan statusan.

Vil'jandi šingotase sauvondmaterialiden pästandal (pumaterialad), tekstilin tehmižel, metallan ümbriradmižel, sömtegimišton edheotandoil, turizmal i muzikfestivalil.

Geografijan andmused

Lidn om ümbärtud mecoil, seižub Vil'jandi-järven randal, järv mülüb lidnha täuzin. Vil'jandi sijadase 161 kilometrad suvhe Tallidnaspäi, 81 kilometrad päivlaskmha Tartuspäi da 97 kilometrad päivnouzmha Pärnuspäi. Om Tallidnan raudtejonon lopstancijaks.

Eläjad

Vn 2011 EÜ:n rahvahanlugemižen mödhe lidnan eläjiden lugu oli 17 473 ristitud. Kaikiš suremb ristitišt oli 23 080 eläjad vl 1989.

Rahvahad (enamba 0,4 % vl 2011): estilaižed — 94,11 %, venänikad — 3,71 %, ukrainalaižed — 0,73 %, suomalaižed — 0,6 %, toižed rahvahad i rahvahuden ozutandata — 0,85 %.

Ando Kiviberg radoi edeližen lidnan pämehen vll 2013−2017.

Galerei

• 

  Lidnan ohjastusen pert'

• Viljandi Pauluse kirik 31-08-2012.jpg

  Ph. Pauloin lüteranine jumalanpert'

• Carl Robert Jakobsoni nimeline Gümnaasium 2010.JPG

  Vil'jandin škol Karl Robert Jakobsonan nimed vl 2010

• 

  Tartun universitetan Vil'jandin kul'turakademii vl 2012

Homaičendad

Irdkosketused

• Lidnan ohjastusen oficialine sait (viljandi.ee).(est.) (angl.)
• Verkkamer lidnan päl estonia360.ee-saital.