Mustvee

Mustvee
est.: Mustvee
58°50′52″ с. ш. 26°56′52″ в. д.
Valdkund	Estinma
Istorii da geografii
Pind	5,69 (31 tal'vkud 2016)
Aigvö	UTC+2:00[d] da DAZD[d]
Eläjad
Eläjad	▼1159 чел. (1 vilukud 2022)
Lugud
Počtan indeksad	49603/49604
Avtomašinoiden nomeroiden kod	J
Mediafailad RUWIKI-tedoiš

Fail:Map Estonia - Mustvee linn.png

Vn 2012 lidnan kart

Mustvee (mugažo estin kelel, «must vezi») om Estinman lidn valdkundan päivnouzmas. Mülüb Jigevan makundha, sen kaikiš penemb lidn koumespäi, Mustveen volostin keskuz da pala.

Istorii

Eländpunkt mainitase dokumentoiš ezmäižen kerdan vl 1493. Žilo sai lidnan statusad vl 1938. Vll 1950−1959 lidn oli Mustveen rajonan keskuseks. Kadoti municipalitetan statusad vn 2017 reforman jäl'ghe.

Mustvee šingotase valdkundaližen büdžetan aluzkundoil, kala- i mecižandusen edheotandoil, kalatesen turizmal, portal. Edel 2005. vot omblendceh radoi. Kaks' muzejad oma avaitud: kodirandan (sidä kesken vanhuskolaižiden) i veskoiden.

Geografijan andmused

Lidn sijadase makundan päivnouzmas, Peipusjärven lodehližel randal, Mustvee-jogen lanktendanno sihe. Matkad Tallidnhasai om 140 km lodeheze orhal vai 173 km avtotel, Tartuhusai om 53 km suvhe orhal vai 59 km avtotedme. Lähembaine lidn om makundan Jigev-keskuz (raudtestancijanke) 34 km päivlaskmha-suvipäivlaskmha orhal vai 38 km avtotedme.

Klimat om ven. Voden keskmäine lämuz om +5,8 C°, kezakun-elokun +15..+18 C°, tal'vkun-keväz'kun −2..−5 C°. Ekstremumad oma −39 C° i +33 C°. Paneb sadegid 633 mm vodes, enamba kezakus-elokus (68..78 mm kus) i redukus (62 mm), vähemba uhokus-sulakus (32..37 mm kus). Keskmäine relätivine nepsuz om 79..90 % päiči sulakus-kezakus (72..75 %).

Kaik üks' lidn, kaks' žilod da 54 küläd alištudas Mustveen volostin (est.: Mustvee vald) tobmudele vs 2017 redukun 24. päiväspäi. Volostin pind — 615,68 km².

Eläjad

Vn 2011 Estinman rahvahanlugemižen mödhe lidnan eläjiden lugu oli 1 358 ristitud, vl 1989 — 1 990 ristitud. Kaikiš suremb Mustveen registriruidud ristitišt oli edel lidnan statusan sandad: 2 893 eläjad vl 1897 i 2 841 eläjad vl 1934. Kaik 5 469 ristitud elihe Mustveen volostiš vl 2019.

Rahvahad (lidnalaižed, vl 2011): estilaižed — 41,5%, venänikad — 55,2%, toižed rahvahad — 3,3%.

Lidnan jäl'gmäine pämez' om Maks Kaur (Max Kaur) vll 2013−2017.

Galerei

• Mustvee centre.jpg

  Lidnan keskuzpala (2017)

• Püha Kolmainsuse Ainuusu kirik.jpg

  Pühän Stroican unitarine jumalapert', vn 2011 nägu

• 

  Vanhuskolaižiden jumalapert' (ordodoksine hristanuskond), vn 2011 nägu

• Mustvee raamatukogu OlariPilnik-6.jpg

  Kirjišt kul'turkeskuses (2022)

• Mustvee sadam OlariPilnik-3.jpg

  Portan valdmad vl 2022

Homaičendad

Irdkosketused

• Mustveen volostin ohjastusen oficialine sait (mustveevald.kovtp.ee). (est.)