Loks

Loks
Loks
Флаг	Герб
	59°35′03″ с. ш. 25°42′49″ в. д.GЯO
Valdkund	Estinma;
Глава	Q7944364?
Istorii da geografii
Pind	3,82 (31 tal'vkud 2017);
Eläjad
Eläjad	▼2467 чел. (1 vilukud 2021);
Lugud
Počtan indeksad	74805
	Официальный сайт
	Fail:Eesti Loksa linn 2017.svg
	Mediafailad RUWIKI-tedoiš

Fail:Map Estonia - Loksa linn.png

Lidnan kart (2012)

Loksan video dronaspäi vn 2022 heinkus, 1 min 15 s hätkte

Loks (estin kelel: Loksa) om lidn Estinman pohjoižes. Mülüb Harju-makundha.

Istorii

Eländpunkt mainitase ezmäižen kerdan kirjutadud purtkiš vl 1629.

Vl 1879 Steinbok-graf sauvoi keramižsavičtegint. Savič tuli hüvän, i vl 1905 hän-žo sauvoi meriport Valge-jogensun randal dokanke venehid tehmaha da kohendamha. Toihe savičud Hel'sinkihe, Righa da Kronštadtha.

Žilo sai lidnan statusad vl 1993. Šingotase jüguzmeriportal (A.P. Moller-Maersk Group-kompanijan edheotand) i medicinižen «Medrull»-kompanijan tehmižpalakundal.

Geografijan andmused

Lidn seižub Baltijan meren Suomen lahten suvirandal, sen Hara-lahten sijas, 13 m ü.m.t. keskmäižel korktusel. Matkad Tallidnhasai om 60 km päivlaskmha avtotedme. Voib sadas pälidnhasai i ümbrišton külihesai regulärižel avtobusal, avtostancii om olmas. Toižed lähembaižed lidnad: Kund päivnouzmha, Rakvere suvipäivnouzmha, Tap suvhe, Kehr suvipäivlaskmha, Maardu päivlaskmha.

Eläjad

Vn 2011 Estinman rahvahanlugemižen mödhe eläjiden lugu oli 3 041 ristitud. Kaikiš suremb ristitišt oli 4 325 eläjad vl 1990. Rahvahad (2011): venälaižed — 57,0%, estilaižed — 30,6%, toižed rahvahad — 12,4%.

Kaks' hristanuskondan pühäpertid om lidnas: lüteranine kirh (om saudud vll 1847−1853) i ortodoksižen hristanuskondan junalanpert' (2002−2003).