Narv (lidn)

Sil sanal voib olda toižid znamoičendoid; miše nähta niid, tulgat tänna.

Narv
est.: Narva
Флаг Герб
59°22′45″ с. ш. 28°12′02″ в. д.
Valdkund	Estinma
Глава	Katri Raik[d]
Istorii da geografii
Tegemižen päiv	1345
Pind	68,71 (1 kül'mkud 2020)
Aigvö	EEDT[d], UTC+2:00[d] da UTC+3[d]
Eläjad
Eläjad	▼53 424 чел. (1 vilukud 2021)
Lugud
Telefonan kod	35
Počtan indeksad	20001–21020
Официальный сайт
Fail:Eesti narva linn.png
Mediafailad RUWIKI-tedoiš

Fail:Narva linnaosad.png

Narvan lidnrajonad vspäi 2002.

Narv (est.: Narva, ven.: Нарва) om lidn Estinman pohjoižpäivnouzmas, Venäman röunanno. Se om valdkundan koumanz' surtte lidn, mülüb Ida-Virun makundha.

Istorii

Eländpunktan aluz om pandud vl 1223 kuti lidnuz. Kivesine lidnuz om kaičenus tähäsai paloin (est. Narva kindlus / Hermanni linnus). Narv sai lidnan oiktusid 14. voz'sadan ühtendel polel. Mainitase Danijan umakirjas vl 1240 kuti Narvia i Uz'lidnan ezmäižes aigkirjas vozil 1344 da 1444 kuti Rugodiv. Se oli Danijan palaks vhesai 1346, sid' oli alištunu Livonijan ordenale vhesai 1558.

Vll 1581−1704 Ročinma valdoiči lidnal. Vozil 1558−1581 i 1704−1920 Narv oli mülünu Venämaha, sid' — ripmatomuden Estinman pala. Edel Rusttan armijan tulendad kaik ristitišt oli evakuiruidud saksalaižil.

Narvan ižandusen järedad edheotandad oma elektrusen tehmižes (2 GRES:ad, ratas sijaližel šoidkivel), mašiništonsauvomižes, ladimensauvomižes, metallan ümbriradmižes.

Geografijan andmused

Lidn sijadase ühtennimižen jogen hural randal, keskuz seižub 25 m korktusel valdmeren pindan päl. Matkad Tallidnhasai om 210 km päivlaskmha avtotedme vai raudtedme. Ivangorod-lidn om Venäman polel, Narvanjogen oiktal randal (edel mail'man sodad oli Narvan palaks).

Eläjad

Vodel 2014 eläjiden lugu oli 59 049 ristitud, heiden keskes (vn 2011 rahvahanlugemižen mödhe): venänikad — 87,7%, estilaižed — 5,2%, ukrainalaižed — 2,1%; toižed — 5%. Kaikiš suremb ristitišt oli 82 979 ristitud vodel 1992.

Vn 2015 1. päiväl vilukud 46,9% oliba Estinman rahvahanikoin, 14,9% — apatridad, toižed — verhiden maiden rahvahanikad.

Homaičendad

Irdkosketused

• Narvan oficialine sait (narva.ee). (est.)  (angl.) (ven.)