Venäman živatanlekarin päiv

Рувики-späi
Venän živatanlekarin radnikan päiv
"Venäman Federacijan arvostadud živatanlekar'"-rindznam
Tip Tedomahtokaz praznik
Toižin Živatanlekarin päiv
Tegii Manradon ministr N. F'odorov käskön mödhe № 188 11. kezakud vodel 2014
Praznuitas Venäma
Päiv 31. elokud
Praznuičend Praznikaližed keradused da parahimiden radnikoiden pauklahjoičendad; regionoiden ohjandajiden oficialižed vastused da ozatelused; festivalid da lidnalaižed akcijad; vastused raderištusen veteranoidenke; tedopraktižed konferencijad da avoinlekcijad manradon üläopištoiš i toižed
Tradicijad Ozatelused azjmehišpäi da valdkundan ohjandajišpäi
Om sidotud pühiden Floran i Lauran mokičusiden muštpäivänke

Živatanlekarin radnikan päiv Venämal (ven.: День ветеринарного работника России) — Venäman rahvahaline tedomahtoine praznik živatanlekarižen služban tundijoiden täht, mitte praznuitas 31. elokud[1]. Necil päiväl kaikes mas arvostadas živatanlekarid da raderištusen radnikoid, miččid omištiba ičeze elod živatoiden tervhuden holele[2]. Praznik om tehtud sen täht, miše tundištoitta heiden panendanke živatoiden da ristituiden tervhuziden kaičendaha, mugažo varadamha živatanlekarin aderištuses hüvän elon. Ezmäine oficialine jogavozne praznikan päiv oli 31. elokud vodel 2014[1].

Tegemižen istorii

Oficialine živatanlekariden radnikoiden tedomahtoižen praznikan augotiž oli pandud vodel 2014 Venämän manradon minesterstvan pätusen mödhe. Edel ezitadud idejad oliba socialižed i uskondtaričendad: völ vodel 2011 Venämän ortodoksine pühäkodi tariči praznuita živatanlekarin radnikan päiv 31. elokud — ortodoksižiden pühiden mokičuijoiden Floran i Lavran muštpäiväl[3], miččid mušteltas kut kodiživatoiden kaičijoid[4]. Nece idei sai tuged valdkundaližiš valdmehišpäi, i pigai tuliba eloho tarbhaižed normativoiden azjbumagad.

8. semendkud voden 2014 Venämän valdmehišt käski (8. semendkud vodel 2014 käsk № 774-р[5]) Manradon minesterstvale tehta ut praznikad[6]. Necen käskön radmižen täht Manradon ministr N. V. F'odorov pästi 11. kezakud vodel 2014 käskön № 188, miččen mödhe Živatanlekarin radnikan päiv oli pandud tedomahtoižeks praznikaks da praznuitas Venämal kaikuččen voden 31. elokud[6].

Venäman prezidentan käskön mödhe 31. heinkud vodel 2013 2. punktas №659 "Venäman muštpäividen da tedomahtoižiden praznikoiden tegemižes" (Venäman zakonoiden kogomuz, 2013, №31, kz. 4201) käsken: Tehta tedomahtoižen praznikan - živatanlekarin radnikan päiväd da praznuita sidä 31. elokudVenäman manradon ministr N. V. F'odorov, [7]

Valitud 31. elokud praznikpäiv ei olend muite. Ezmäks nece päiv ühtneb Pühin Floran i Lavran kodiživatoiden kaičijoiden muštpäiväha[2]. Toižeks, istorižikš necil päiväl oli znamasine azjtego erištos: 31. elokud vodel 1919 oli allekirjutadud RSFSRan rahvahaližiden komissaroiden nevondišton dekret "Valdkundaližes živatanlekariden varjoičuses", mitte pani augotišt nügüdläižele valdkundaliželene živatanlekariden službale[2]. Muga praznikan päiv znamoičeb ühtel aigal hengeližid tradicijoid da istorižid jatkundoid živatanlekariden služban kehitoituses Venämal.

Erišti pidab homaita, miše sovetskijal aigal ei olend erilišt oficiališt praznikad živatanlekariden radnikoiden täht — heiden satusid paksus praznuitihe pojaviden tedomahtoižiden päivil, ozutesikš, Manradonradnikoiden päiväl[2]. Živatanlekariden päivän tegemine jäl'ghe Sovetskijad Sojuzad andoi voimust ozutada živatanlekariden tedomahtoižiden panendad.

Znamoičend

Živatanlekariвут eloradol om strategine znamoičend rahvahan täht, i erižen päivän augonpanend jonoštab znamoičendad. Živatanlekarid tedomahtojil om tärged rol' kut živatoiden, muga rahvahan-ki tervhuden kaičendas, tegeba tärktad panendad valdkundan sömän tegimižen da biologižen kaičendaha, epizootižen hüvüden da rahvahan tervhuden kaičendaha[6]. Hö vastustaba läžundoid, miččed oma varukahad ristitun täht, kacuba živatkazvatusen produktoiden ladud da muga kaičeba rahvahan tervhut. Pätand praznikan tegemižen polhe andoi voimust arvostada kaikiden živatanlekariden rolid da heiden panendad kaikiden živatanlekariden radho[6]. Nügüd' rahvahal da valdkundal om kaikuččen voden sü oficialižešti kittä živatanlekarid heiden rados. Praznik ližadab eloradon arvostust, kingitada homaitust živatanlekariden problemoihe da jonoštab necen hüvän radon tarbhuden.

Azjtegod

Oficialižed praznikad i pauklahjoičed

Kaikjal Venämal živatanlekarin radnikan päiväks tehtas praznikaližid keradusid živatoiden läžundkodiš, živatoiden läžundoiden vastustuzstancijoil, tedoinstitutoiš i agrariden üläopištoiden živatanlekarin terhuz'tedokundoiš[2]. Mugoižil vastusil ohjandajad arvostaba parahimid tundijoid: anttas pauklahjad, arvostuskirjeižed, kitändkirjeižed, premijad da valdkundaližed arvznamad[2]. Paksus nene keradused tegesoiš voden satusikš da tehta planoid kehitoitusen mödhe tulebaks aigaks.

Adivoičetandad da koncertoiden programmad

Regionoiš tehtas oficialižid adivoičetandad da ozateluzvastused: gubernatorad da ministrad iče andaba regionaližid pauklahjoid da kitäba živatanlekarin služban radnikoid[8]. Paksus praznikal tehtas koncertad.

Ozutelused da openduzakcijad

Praznikaližel nedalil tehtas tematižed ozutelused živatanlekarin istorijan da nügüdläižiden satusiden polhe, mugažo lidnalaižed openduzakcijad. Muga vodel 2025 Salehardas radoi "živatanlekarid kezroil" mobiline punkt: živatanlekarid tegiba vakcinacijad bešenstvon vaste, čipiruindad da konsul'tacijoid maksuta[9]; sil-žo aigal ozutiba tundran brigadoiden erališt tehnikad — vezdehodaspäi lumimašinoihižesai.

Lidnan festivalid

Moskvas Živatanlekarin komitet kaikuččen voden tegeb "Kaiče ičeze kodiživatan"-festival', mitte om omištadud živatanlekarin radnikan päiväle[10]. Programmaha mülüba openduzblokad, sädaitegod da koncertad irdpolel, lekariden maksutomad konsul'cijad, klinine kacund, vakcinacii da čipiruind mobil'nijoiš živatanlekarin punktoiš, živatoiden openduz, živatoiden ozutelused-jagandad prijutoišpäi, fotoozutelused živatanlekariden radon polhe da mastar'-klassad.

Vastused erišton veteranoidenke

Äjad organizacijad kucuba praznikoile živatanlekarin radnikoid: kuldas spasiboiden sanoid äivoččes rados da panendas sektoran kehitoitandaha, anttas muštlahjad; vanhembad ühtesradnikad jagasoiš opendusel noridenke tundijoidenke, jonoštadas sugupol'viden jäl'gendust[11].

Median ohajndamine

Federaližed da regionaližed medijad levitoitaba tedoid praznikas: painaba praznikoiden istorijad da tradicijoid, ozatelusid da reportažid. Regionaližiden TV-kanaloiden efiroiš pästtas süžetad lekariden radon da pauklahjoitusiden ceremonijoiš, ozutesikš, GTRKn "Oka"-süžet 31. elokud vodel 2023[12]. Sijaližed paindištod painaba ohjandajiden sanoid — Tambovan agjas gubernatoran ozateluz, miččes jonoštadas, kut živatoiden produkcii om tärged[13]; JNAOn "Polarnii krug"-lehteses oma ohjandajiden levedad ozatelused, siš lugus oma gubernatoran sanad[11]. Gubernatoriden akkauntad socialižiš verkoiš äi kerdoid painaba ozateluztekstoid, niidenke ühtes živatanlekariden fotoid rados libo pauklahjoičendan ceremonijoiš. Manradon ministerstvan oficialine sait painab regul'arižikš ozuteluzid da regionaližiden azjtegoiden daižetoid[14]. Sured portalad da agenstvad mugažo vaumičeba tedomehiden materialoid da kommentoid praznikale[15]. 31. elokud socialižiš verkoiš om paindud ozatelused da fotokuvad praznikoišpäi regioniden, živatanlekarislužboiden, živatanlekarikodiden da prijutoiden oficialižiš akkauntoiš.

Kirovan agj (2023)

Vätskijas valdkundaližes agronomtehnologižes universitetas mäni praznikaline keraduz, miččehe ühtniba živatanlekariden služban radnikad, opendajad da üläopenikad[16]. Gubernator Igor Vasiljev homaiči živatanlekariden panendan živatoiden kazvatandan kehitoitandaha da regionan vahvad pozicijad maidtegimištos[16], spasiboiči živatanlekarid, norid tundijoid da üläopenikoid[16]. Valdmehišton varapämez' — manradon ministr Aleksei Kotl'ačkov jonošti tedomahtoižen sebran levedust: radmahtoižid lekarid, živatanlekariden läžundkodid, laboratorijoid, valdkundaližid erištoid, tedomehid da biznesmehid[16]. Praznikale biznes andoi živatanlekariden službale da üläopištole sertifikatoid nügüd'aigaižiden kaludišton ostamižen täht, miše voiži panda tegosemnid[16].

Tombovan agj (2023)

Gubernator M. B. Jegorov oigenzi oficiališt ozatelust živatanlekariden služban radnikoile da veteranoile[13], znamoites heiden tärktad rolid regionan biologižes da sömtegimišton varas. Hän jonošti agjan agrarižid satusid da tegimišton ližadusen ripmatomut kvalificiruitud živatanlekariden radospäi, kudambad tarkišteleba ladud da varad[13]. Oli znamoitud eläjiden da ristituiden tervhuziden kaikuččen päivän kaičendan gumanine missii[13], sanutihe spasiboid da toivotusid živatanlekariden služban radnikoile[13]. Ozateluses om lujas kingitadud homaitust radnikoiden vaumičendaha — openduz Mičurižes agronomižes universitetas da tehnikumoiš, paukoiden ližaduz raderištuses kahtes vodes läz 23 %[13].

Jamalo-Neneckijan avtonomine ümbruz (2024—2025)

Salehardas avaitihe mobiline živatanlekariden punkt — maksutoman kodiživatoiden vakcinacijan da čipiruindan täht[9], mugažo tundras kävutadud tehnikan ozuteluz[9]. Gubernator Dmitrii Art'uhov avonai ozateli azjantundijoid jonoštades heiden rolid kodiživatoiden abutandas, pedroiden kogoiden kaičendas[11], živatanlekariden služban znamoičendan tradicionaližele pedroidenholitusele da radole jügedoiš il'mišton oloiš[11]. Tedištoitihe 12 moduližen živatanlekariden keskusen sauvondad edahaižiš rajonoiš da materialiž-tehnikan bazan vahvištamižen polhe[11], mugažo pohjoižiden pedroiden vakcinacijan da birkovanijan tarkištusen polhe[11]. Ozatelused oigenziba JNAOn zakonoidenkogomusen vedäi da Salehardan administracijan pämez'[11].

Pojavad praznikad

Paiči Venäman tedomahtošt praznikad, živatanlekariden tundijad kaikes mail'mas praznuičeba Rahvahidenkeskeižen živatanlekarin päiväd, mitte mäneb joga voden sulakun jäl'gmäižel sobatal[17][18][19]. Praznik oli tehtud Mail'man živatanlekarin associacijan abul (World Veterinary Association, WVA — ang.) vodel 2000, miše kingitada rahvahan homaitust živatanlekariden služban radho da ülenzoitta tedoid živatanlekariden panendas eläjiden tervhuden kaičendaha da rahvahan tervhudehe[17][19]. Kaikuččel vodel praznuičendad om omištadud miččele-se temale — ozutesikš, "Bešenstvo", "Vakcinacii", "Živatanlekariden eloradon erazvuiččuz"[17]. Muga necen eloradon ezitajil om voimuz praznuita ičeze päiväd kaks' kerdad vodes — rahvahidenkeskeižel tazol kevädel i rahvahaližel tazol Venämal 31. elokud[18].

Homaičendad

  1. ↑ 1 2 День ветеринарного работника – Санкт-Петербургский государственный университет ветеринарной медицины. spbguvm.ru. Дата обращения: 3 sügüz'kud 2025.
  2. ↑ 1 2 3 4 5 6 День ветеринарного работника: история и традиции праздника. dairynews.ru. Дата обращения: 3 sügüz'kud 2025.
  3. ↑ Патриарх установил православный День ветеринара - Новости на Вести.ru. vesti.ru. Дата обращения: 3 sügüz'kud 2025.
  4. ↑ День ветеринарного работника России - ГЭОТАР-Медиа. geotar.ru. Дата обращения: 3 sügüz'kud 2025.
  5. ↑ Распоряжение Правительства Российской Федерации от 08.05.2014 № 774-р]. Официальный интернет-портал правовой информации (8 semendkud 2014). Дата обращения: 3 sügüz'kud 2025.
  6. ↑ 1 2 3 4 Поздравление ветеринарных специалистов России ко Дню ветеринарного работника. vet.admin-smolensk.ru (31 elokud 2015). Дата обращения: 3 sügüz'kud 2025.
  7. ↑ Приказ Министерства сельского хозяйства Российской Федерации (Минсельхоз России) от 11 июня 2014 г. № 188 г. Москва. Дата обращения: 9 kül'mkud 2025. Архивировано 13 uhokud 2020 года.
  8. ↑ Шевченко, Любовь. День ветеринарного работника, или Фестиваль «Защити своего питомца» пройдет в Екатерининском парке и Саду имени Н.Э. Баумана - Москва.Центр — Газета Центрального административного округа Москвы. Москва.Центр — Газета Центрального административного округа Москвы. Дата обращения: 3 sügüz'kud 2025.
  9. ↑ 1 2 3 Ветеринары Салехарда в свой день устроили праздник для животных. Ямал-Медиа. Дата обращения: 3 sügüz'kud 2025.
  10. ↑ Жителей Останкинского пригласили на фестиваль «Защити своего питомца». Районная интернет-газета Останкинские ведомости СВАО Москвы. Дата обращения: 3 sügüz'kud 2025.
  11. ↑ 1 2 3 4 5 6 7 Примите поздравления! polkrug.ru. Дата обращения: 18 sügüz'kud 2025.
  12. ↑ 31 августа в России - День ветеринарного работника. gtrkoka.ru. Дата обращения: 3 sügüz'kud 2025.
  13. ↑ 1 2 3 4 5 6 Глава региона поздравил ветеринарных работников с профессиональным праздником. Тамбовская жизнь. Дата обращения: 3 sügüz'kud 2025.
  14. ↑ Поздравление статс-секретаря, заместителя министра сельского хозяйства Максима Увайдова с Днём ветеринарного работник. mcx.gov.ru. Дата обращения: 3 sügüz'kud 2025.
  15. ↑ Какой сегодня праздник: 31 августа. РИА Новости Крым. Дата обращения: 3 sügüz'kud 2025.
  16. ↑ 1 2 3 4 5 День ветеринарного работника 31 августа 2021г. кормстол.рф. Дата обращения: 3 sügüz'kud 2025.
  17. ↑ 1 2 3 Международный день ветеринарного врача. fbuz11.ru. Дата обращения: 4 redukud 2025.
  18. ↑ 1 2 29 апреля. Международный день ветеринарного врача. ГОБУЗ "Кольская ЦРБ. kolacrb.ru. Дата обращения: 4 redukud 2025.
  19. ↑ 1 2 chkalov. Международный день ветеринарного врача - Детская библиотека имени В.П. Чкалова. Детская библиотека имени В.П. Чкалова. Дата обращения: 4 redukud 2025.

Lähtked

Om sadud "https://vep.ruwiki.ru/w/index.php?title=Venäman_živatanlekarin_päiv&oldid=509304"