Abramov Nikolai Viktorovič

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Venäman tedoakademii

Prezidentan kirjišton B.N. Jel'cinan nimel materialad

Library.png
Neciš kirjuteses om kävutoitud materialad Prezidentan B.N. Jel'cinan nimen kirjišton fondaspäi
К материалам
В Рувики есть статьи о других людях с фамилией Abramov.
Nikolai Abramov
ven.: Николай Абрамов
Николай Абрамов Карелия 2016.jpg
Sündundpäiv 24. vilukud 1961(1961-01-24)
Sündundtaho
Kolendpäiv 23. vilukud 2016(2016-01-23) (54 года)
Kolendtaho
Rahvahuz'  SSSR →  Venäma
Rad runoilii, lehtmez', runoiden kändai venän kelespäi vepsän kel'he
Radon voded 1980—2016
Oigenduz taidehliteratur
Žanr runotuz
Tekstoiden kel' vepsän, venän, estonian, vengrijan, francian keled
Deb'ut Koumekümne koume»-runokogomuz'
Pauklahjad Лауреат года Республики Карелия Заслуженный работник культуры Республики Карелия

Nikolai Viktorovič Abramov (ven.: Никола́й Ви́кторович Абра́мов; 24. vilukud 1961, Ladv, Piterin agj — 23. vilukud 2016, Petroskoi) — vepsläine da venälaine kirjutai, runoilii, lehtmez', literaturan kändai, Karjalan arvostadud kul'turrandik. Karjalan rahvahaline kirjutai (2017)[1].

Elostarin

Sündui da kazvoi vepsläižes Ladv-küläs, Podporožjen rajonas, Piterin agjas. Vepsläine.

Vodel 1978 lopi Vidl-külän keskškolan. Openzihe Leningradan topografižes tehnikumas, sid' Petroskoin valdkundaližes universitetas, Karjalan valdkundaližes pedagogižes institutas. Radoi gruzčikan, oli sovhozan radnikan, ramščikan piloramal, külälaižen kul'turpertin pämehen, geodezijan oppindmatkan radnikan, fototegijan, "Svirskie ogni" - rajonlehtesen toimitajan, "Suomalaiž-ugrilaižen lehtesen" - toimitajan, "Kto o čom" - ripmatoman lehtesen toimitajan, vepsläižen Kodima (veps.: Родная земля)-lehtesen toimitajan da pätoimitajan. Jäl'gmäižed voded Nikolai radoi Karjalan rahvahaližes kirjištos[2].

Vodel 1998 N. Abramov tegihe Venäman kirjutajiden sebran ühtnikaks, vodel 2003 - Venäman lehtmehiden sebran ühtnikaks. Elokus vodel 2010 oli XI Suomalaiž-ugrilaižiden kirjutajiden rahvahidenkeskeižen kongressan ühtnikan Oulu-lidnas (Suomen mal), kus oli valitud Suomalaiž-ugrilaižiden kirjutajiden rahvahidenkeskeižen associacijan pämehištoho. Oli mugažo Karjalan lehtmehiden sebran pämehištos.

N. Abramov koli Petroskoiš jäl'ghe jügedad pigališt läžundad 23. vilukud vodel 2016, ei ehti eläda kaks' časud ičeze 55-voččehe jubilejahasai. Om pandud maha kodiküläs Ladvas Piterin agjas.

Sädandrad

N. Abramovan ezmäine "Koumekümne koume"-runokirj (ven.: "Тридцать три") läksi eloho vodel 1994 da tegihe ezmäižeks taidehkirjaks vepsän kelel. Vodel 1999 läksi eloho N. Abramovan toine "Kurgiden aig" -runokogomuz' (ven.: "Время журавлей"), kuna om keratud ei vaiše Nikolajan runoid, no i hänen kändmižid, ozutesikš, Puškinan, Jeseninan, Pasternakan, Rubcovan, Visockijan, Jevtušenkon runoid vepsän kel'he.

"Kurgiden aig"-runokogomuz' läksi eloho Suomalaižen Kastrenin serban rahatugel (Suomi).

Vodel 2005 sai elon N.Abramovan koumanz' "Pagiškam, vel'l'"-runokogomuz' (ven.: "Поговорим, брат") vepsän da venän kelel. Nece da kaik aigemba paindud kirjad pästi eloho "Periodika"-paindišt (Petroskoi).

Vodel 2010 Vengrijas Budapešt-lidnas läksi eloho N. Abramovan «Kahtišti koumekümne koume»-runokogomuz' vepsän da vengrijan kelil. Estonijas Tallinas läksi eloho N. Abramovan «Kurgede aeg» (veps.: "Kurgiden aig")-runokirj estonian kelel.

Vodel 2011 Francijas Pariž-lidnas läksi eloho N. Abramovan «Les chants des forêts»-runokogomuz' (veps.: "Mecan pajod") vepsän da francian kelil.

Vodel 2013 Piteriš oli paindud "Оять-ёген рандал…"-runokogomuz' vepsän kelel kirillical[3].

Abramov kändi vepsän kel'he Mail'man da Venäman klassikoid. Hänen kändmižiden keskes om Omar Hajaman, Rabindranat Tagoran, Uiljam Šekspiran, Pol' Verlenan, Aleksandr Puškinan, Lev Tolstovan, Sergei Jeseninan, Nikolai Kl'ujevan, Boris Pasternakan, Nikolai Rubcovan, Jevgenii Jevtušenkon, Vladimir Visockijan da toižiden klassikoiden runoid. Kändi mugažo runopalaižid estonialaižes «Kalevipoeg»-eposaspäi, Komi-rahvahan sarnoid, Venäman suomalaiž-ugrilaižiden kirjutajiden runoid da prozad. Nikolai Abramovan kätud tekstoiden keskes oma mugoižed Mail'man tetabad rok-hitad kut "Yesterday" (The Beatles), vepsäks "Čoma eht"[4], "We Are The Champions" (Queen), vepsäks "Mö olem čempionad", miččid pajataba vepsän kelel pajanik Anna Vasiljeva (Jousne) da Karjalan Rahvahaline «Kantele»-karg- da pajoansambl'.

Nikolai Abramovan runoid paindihe erazvuiččiš runokogomusiš, antologijoiš, kätihe vepsän kelespäi venän, suomen, estonian, švecian, francian, norvegian, vengrian da Venäman suomalaiž-ugrilaižiden rahvahiden kelihe.

Nikolai Abramovan "Kurgiden aig"- kirj om Valdkundaližen kul'turan muzeikeskusen V. S. Visockijan "Visockijan pertiš Tagankal"-fondoiš.

Paiči literaturad Nikolai Abramov professionaližesti tegi fotokuvid. Petroskoi-lidnas mäni koume hänen personališt foto-ozutelust. Abramovan fotokuvad ozutihe erazvuiččil Venäman, Norvegian, Ukrainan ozutelusil, paindihe erazvuiččiš kulehtesiš da fotoal'bomoiš.

Nikolai Abramov oli eripoline mez'. Völ üks' azj, kuna hän tartui hüviš meliš, oliba sjomkad kinos. Lühüd "Oza"-taidehfil'm, kus snimihe Nikolai Abramov, sai "Zolotaja lada"-pauklahjan IV Venäman lühüdoiden vändfil'moiden "Vastused Vätkal"-festivalil (Kirov, 2007).

Redukus vodel 2009 läksi eloho "Vepsän zavet" - dokumentaline fil'm (ATK-studion prod'usserkeskuz, Piter), kus snimihe Nikolai Abramov, sai Gran-prin II Regionankeskeižel taidehmul'timedian ven.: «Золотая кедровая ветвь Сибири» ("Zolotaja kedrovaja vetv' Sibiri") - konkursal Kemerovo-lidnas[5].

Vodel 2015 Nikolai Abramov ühtes ičeze mamanke Maria Aleksejevna Abramovanke ühtni dokumentaližehe fil'maha "Vauged Ves'. Vepsläine taideh". Fil'm starinoičeb vepsläižiden taidehes da tradicionižes kul'turas[6].

Vodel 2015 kezal Nikolajan kodimal zavodihe snimdä dokumentališt fil'mad, miččen nimi om "Vepsläine gor'a". Sen tegiba Piterin "Dokumentaline video"-sädandsebran ohjandajad P'otr Vasiljev da Igor' Smirnov. Fil'm oli ozutadud Karjalas da tegihe parahimaks Rahvahidenkeskeižel ven.: «Золотая вершина»-festivalil Piteriš vodel 2017[7].

Jäl'ghe Nikolajan surmad, hänen runod kätas tetabad runoilijad, mugoižed kut Mihail Vas'kov venän kel'he[8].

Pauklahjad da arvnimed

  • Bengt Pohjanenan Fondan Rahvahankeskeine literaturpremii (Švecii, 2007)[9];
  • Karjalan Voden laureat (2009);
  • Karjalan arvostadud kul'turradnik (2011);
  • Karjalan rahvahaline kirjutai[10] (2017, arvnimi om anttud jäl'ghe surmad)[11].

Bibliografii

  • Abramov, N. Koumekümne koume : Runokirj / Abramov Nikolai. - Petroskoi : Karjala, 1994. - 54 c. : портр. - Текст вепс. - ISBN 5-7545-0662-7.
  • Abramov, Nikolai V. Kurgiden aig / N. Abramov ; Kuv. M. Jufa. - Petroskoi : Periodika, 1999. - 63s. : ил. - Текст вепс. - ISBN 5-88170-023-6.
  • Абрамов, Н.В. Поговорим, брат : [сборник стихотворений] / Николай Абрамов. - Петрозаводск : Периодика, 2005. - 110 с. : ил. - Текст вепс., рус. - ISBN 5-88170-136-4.
  • Abramov, N. Kahtišti koumekümne koume : válogatott versek vepsze és magyar nyelven / Nikolai Abramov ; ford.: Nagy Katalin. - Budapest : Putheas Kiado, 2010. - 172 с. - Текст парал.: вепс., венг. - Пер. загл.: Дважды тридцать три. - Библиогр.: с. 166. - ISBN 978-963-06-9438-4.
  • Abramov, N. Kuldaižed sanad: Nikolai Abramovan valitud runod, Nina Zaicevan vepsäineepos / Nikolai Abramov, Nina Zaiceva. - Petroskoi : Periodika , 2015. - 208 с. - (Karjalan kirjallisuuden klassikot). - ISBN 978-952-5385-95-3.-Текст вепс.
  • Абрамов, Н. В. Оглянись, ведь это я! : [сборник стихов] / Николай Абрамов ; [под общ. ред. О. Э. Мошникова]. - Санкт- Петербург : Инкери, 2017. - 61, [2] с. : ил., портр.- Другие произведения автора на 4-й странице обложки.- Возрастные ограничения: 12+. - 300 экз. - ISBN 978-5-903562- 85-5.
  • Абрамов, Н. В. Между силами зла и добра : [стихи] / Николай Абрамов ; [сост. Олег Мошников ; ред. Яна Жемойтелите]. - [Б. м. : б. и.], 2018 (Воронеж). - 76, [3] с. : ил., портр. ; 21 см. - Возрастные ограничения: 12+. - ISBN 978-5-6041794-5-1.
  • Абрамов, Н. В. "Может, и был я не зря..." : стихи / Николай Абрамов ; [сост.: Т. В. Федотова-Абрамова, Г. А. Артемьева, М. Ю. Васьков ; под общ. ред. М. Ю Васькова]. - Москва : Полиграфкин, 2019. - 232 с. : ил. - Другие произведения автора: с. 231 и на 4-й странице обложки.- Возрастные ограничения: 12+.

Kirjad

  • «Koumekümne koume» (ven.: Тридцать три). Petroskoi: «Karjala», 1994.
  • «Kurgiden aig» (Время журавлей). Petroskoi: «Periodika», 1999.
  • «Pagiškam, vel'l'» (Поговорим, брат). Petroskoi: «Periodika», 2005.

Toižed kirjad

  • «Kahtišti koumekümne koume» (Дважды тридцать три). Runokogomuz vepsän da vengrian kelil, 2010.
  • «Kurgiden aig» (Время журавлей). Runokogoduz estin kelel, 2010.
  • «Les chants des forêts» (Песни леса, veps.: Mecan pajod). Runokogoduz vepsän da francijan kelil, 2011.
  • «Оять-ёген рандал...» (На берегу реки Оять...). Kirilline runokogoduz, 2013.

Literatur

  • Писатели Карелии : биобиблиографический словарь / Карел. науч. Центр РАН, Ин-т языка, лит. и истории, М-во культуры и по связям с общественностью ; [сост. Ю. И. Дюжев ]. - Петрозаводск : Острова, 2006. – С. 80-81.
  • Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. С. 113—400 с.: ил., карт. ISBN 978-5-8430-0123-0 (т. 1)
  • Мошников, О. Сгореть и возродиться снова : о книге Николая Абрамова «Поговорим, брат», и не только… / Олег Мошников // Литературная Россия. – 2997. – 13 апр.(№15).
  • Мошников О. Когда окликнет душу Слово… [Электронный ресурс] / Олег Мошников.– 22 янв. 2016 г. – Текстовые дан. // Лицей, интернет-журнал. – Загл. с экрана. – Описание основано на версии, датир. : янв. 22,.2016)
  • Николай Абрамов: «Может и был я не зря?» [Электронный ресурс] // Коренные народы Карелии : сайт. – Заглавие с экрана. – Описание основано на версии датир. : февраль, 05, 2016.
  • Мошников, О. «Нерукотворный памятник» Николая Абрамова / Олег Мошников // Север.-2016.-N 5/6.-С. 229-233.
  • Мошников, О. «Поцелуй безответный - и дорог, и горек…. Прощай…» / Олег Мошников.– 25 фев. 2019 г. // Лицей, интернет-журнал. – Описание основано на версии датир. : март, 5. 2019.
  • Karjalan kirjutajad: Bibliografijan vaihišt. — Petroskoi, 2006.

Homaičendad

  1. ↑ Вепсский поэт Николай Абрамов награждён посмертно. Дата обращения: 18 sügüz'kud 2025. Архивировано 24 elokud 2017 года.
  2. ↑ Памяти вепсского поэта Николая Абрамова. Республика Карелия - Медиаресурсы - Ресурсы - Финно-угорские библиотеки России. fulr.karelia.ru. Дата обращения: 18 sügüz'kud 2025.
  3. ↑ Литературное наследие Николая Абрамова. Сборник материалов II конференции памяти поэта Николая Абрамова.. — Сборник материалов II конференции памяти поэта Николая Абрамова, 2019.
  4. ↑ Вепсский кинематограф получил всероссийское признание. Администрация Главы Республики Карелия (Sulaku 2007). Дата обращения: 18 sügüz'kud 2025. Архивировано из оригинала 3 uhokud 2016 года.
  5. ↑ Абрамов Николай Викторович - Петрозаводский городской округ - Персонали - Литературная карта Карелии. lit-karta.karelia.ru. Дата обращения: 18 sügüz'kud 2025.
  6. ↑ Белая Весь. Вепсское Искусство. prlib.ru. Дата обращения: 13 heinkud 2026.
  7. ↑ Вечер памяти Николая Абрамова. lit-karta.karelia.ru (23 vilukud 2018). Дата обращения: 18 sügüz'kud 2025.
  8. ↑ "Отраженье веси белой...". К 60-летию Николая Абрамова. Сборник воспоминаний. — Подпорожье, 2021.
  9. ↑ Плеханчук Н. Вепсский поэт награждён шведской премией. ГТРК Карелия (28 elokud 2006). Дата обращения: 18 sügüz'kud 2025. Архивировано 3 sulakud 2013 года.
  10. ↑ Большой поэт малого народа. Дата обращения: 18 sügüz'kud 2025. Архивировано 27 redukud 2017 года.
  11. ↑ Народные писатели Карелии Абрамов Николай Викторович. Дата обращения: 18 sügüz'kud 2025. Архивировано 23 vilukud 2016 года.

Lähtked

Om sadud "https://vep.ruwiki.ru/w/index.php?title=Abramov_Nikolai_Viktorovič&oldid=531934"