Vas'kov Mihail Jurjevič

Mihail Vas'kov
Mihail Vas'kov
	ven.: Михаил Юрьевич Васьков
Sündundpäiv	6. heinkud 1963 (63 года)
Sündundtaho	Moskva, Sovetskii Sojuz;
Rahvahuz'	SSSR → Venäma
Rad	runoilii, lehtmez'
Žanr	runotuz
Tekstoiden kel'	venän kel'
	Mediafailad RUWIKI-tedoiš

Mihail Jurjevič Vas'kov (ven.: Михаил Юрьевич Васьков; om sündunu 6. heinkud 1963, Moskva) - venälaine runoilii, kirjutai, kändai da lehtezmez'; sijaližen služban polkovnik, juridižiden tedoiden kandidat; Venäman kirjutajiden sebran ühtnik da moskvalaižen Karjalan zeml'ačestvan ühtnik. Hänel oma vepsläižed jured^[1].

Elostarin

Om sündunu 6. heinkud vodel 1963. Lopi Moskvalaižen valdkundaližen verhiden keliden institutan Moris Torezan nimel, sid' Sovetskijan Sojuzan varjoičendministerstvan ülembaižed oficeroiden "Vistrel"-kursad maršalan B. M. Šapošnikovan nimel. Zavodi rata voinkorrespondentan, radoi TASS da "Interfaks"-tedoagenstvoiš, Keskuztelevidenijal (VGTRK). Služi Venäman Federaližen nalogslužban (ven.) (vep. da Sijaližiden azjoiden ministerstvan (ven.) (vep. rahvahidenkeskeižen ühthižradon erištoiš. Oli tark sekretar', holdui radgruppoiš, miččed vedäba ühthižradod Venäman, Suomen, Estonijan, Pol'šan sijaližiden azjoiden ministerstvoiden da mugažo Norvegijan justicijan ministerstvan keskes^[2].

Ühtni Venäman, Suomen, Estonijan, Pol'šan da Norvegijan valdmehištoiden gruppan radho, mitte holdui läheližiden regionoiden kehitoituses, ühthižrados. Radoi Baltian meren Valdkundoiden pämehiden nevondišton operkomitetas, ühtni Barenc-Jevroarktižen regionan nevondišton projektoihe. Om pauklahjoitud sijaližil pauklahjoil, siš lugus verhiš maiš^[2].

Om kümniden kirjoiden avtor. Kirjutab erazvuiččiš žanroiš, tedomonografijoid, tuhid kirjutesid venälaižiš da verazmaižiš lähtkiš, äjid telereportažid. Kirjutab venäks, vepsäks, anglijaks. Kändab toižiš kelišpäi, siš lugus suomalaiž-ugrilaižišpäi kelišpäi venän kel'he. Hänen kändmižiden keskes oma vepsläižen runoilijan Nikolai Abramovan runod. Hänen radod om kätud norvegijan, pol'šan, litvan kelihe. Vozil 1980 oli literaturižen "Krasnii voin"-sebran, moskvalaižiden runoilijoiden "Posoh"-sebran ühtnik. Vozil 1990 oli läheli "Literaturižen Venäman" runoilijoid^[2].

Koumen runokogomusen avtor: ven.: "Бусы Бодхисатвы", ven.: "Знак вечности", ven.: "Балтийский дневник". Hänen runod oma Venäman, suren da penen Kodiman polhe. Ned om paindud XXI voz'sadan kodimaižen runoihuden "Otčeje slovo"-antologijas, mitte oli tehtud vodel 2002 Moskvalaižel kirjutajiden organizacijal^[2].

M. Vas'kovan kirjad kaičesoiš Karjalan rahvahaližes kirjištos. Üks' jäl'gmäižiš hänen kogomusišpäi om ven.: «Угро-финские узоры», kus om keratud runod pohjoižtemoihe, suomalaižen, estonialaižen klassikoiden runod, fol'klor, mugažo vepsläižiden avtoroiden Nikolai Abramovan^[3], Vladimir Brendojevan, Nina Zaicevan, Ol'ga Mišinan, Alevtina Andrejevan da toižiden vepsläižiden, karjalaižiden da venälaižiden avtoroiden runod. Kerata necidä kogomust M. Vas'kovale abutiba Karjalas filologijan tedodoktor Nina Zaiceva da Kodima-lehtesen radnik Galina Baburova^[4].

M. Vas'kovan runod paindas vepsläižes "Kodima"-lehteses da literaturižes "Verez tullei"-al'manahas, miččed lähteba eloho Karjalas^[5].

Bibliografii

Runod

Васьков М. Ю. Бусы Бодхисатвы. Стихи. — М.: Литературная Россия, 1997. — ISBN 5-7809-0002-7.
Отчее слово. Выпуск (том) IV. Антология-XXI век от Рождества Христова. Поэты Москвы и России о Родине большой и малой. — М.: Московская организация Союза писателей России — Кивотка, 2002. — ISBN 5-7949-0099-7.
Васьков М. Ю. Знак вечности. Стихи. — М.: Компания Спутник+, 2012. — ISBN 978-5-9973-2070-6.
Васьков М. Ю. Балтийский дневник. Стихи, переводы. — М.: ИПЦ Маска, 2016. — ISBN 5-905379-94-9.
Васьков М. Ю. — Vas’kov, Mikko. Угро-финские узоры. Стихи-переводы. — Ugrilaiž-suomalaižed poimetid. Runod-kändmižed (Двуязычный сборник на русском и вепсском языках). — М.: ИПЦ Маска, 2017. — ISBN 978-5-906955-02-9.

Proza

Братья Азовские. Осиное гнездо. Повесть. (Серия «Русский бестселлер»). — М.: ЭКСМО-Пресс, 2000. — ISBN 5-04-0044584-0.
Братья Азовские. Осиное гнездо. Роман. (Серия "Полицейский детектив). — М.: ОЛМА-ПРЕСС, 2002. — ISBN 5-224-03397-7.
Остоженский М. Арианна. Рассказы. — М.: Слово, 2008.

Homaičendad

↑ "Отраженье веси белой...". К 60-летию Николая Абрамова. Сборник воспоминаний. — Подпорожье, 2021.
↑ ¹ ² ³ ⁴ Биография Михаила Васькова, поэта-переводчика (рус.). Вепсский край (18 uhokud 2019). Дата обращения: 14 redukud 2025.
↑ Абрамовский вечерм в библиотеке Подпорожья (рус.). Подпорожская центральная районная библиотека (20 sügüz'kud 2017). Дата обращения: 14 redukud 2025.
↑ Пополнение фондов Национальной библиотеки Республики Карелия (рус.). Национальная библиотека РК (12 heinkud 2017). Дата обращения: 14 redukud 2025.
↑ Вепсская газета "Kodima" (рус.). Дата обращения: 14 redukud 2025.

Lähtked

[1] "Отраженье веси белой...". К 60-летию Николая Абрамова. Сборник воспоминаний. — Подпорожье, 2021.

[Вепсский_край-2] ¹ ² ³ ⁴ Биография Михаила Васькова, поэта-переводчика (рус.). Вепсский край (18 uhokud 2019). Дата обращения: 14 redukud 2025.

[3] Абрамовский вечерм в библиотеке Подпорожья (рус.). Подпорожская центральная районная библиотека (20 sügüz'kud 2017). Дата обращения: 14 redukud 2025.

[4] Пополнение фондов Национальной библиотеки Республики Карелия (рус.). Национальная библиотека РК (12 heinkud 2017). Дата обращения: 14 redukud 2025.

[5] Вепсская газета "Kodima" (рус.). Дата обращения: 14 redukud 2025.

[1]

[2]

[3]

[4]

[5]