Baltian meri

Baltijan meri vs 2000 keväz'kus (fotokuva kaimdajaspäi)

Baltijan meri (amuižslav.: море Варяжское, latv.: Baltijas jūra, litv.: Baltijos jūra, Pohjoiževropas, mülütadas mert Atlantižen valdmeren basseinha.

Pind sarita — 415 tuh. km².

Randanpird — läz 8000 km.

Veden mülü — 21,5 tuh. km³.

Meri om olmas nügüdläižes nägus läz 4 tuhad vozid. Se om kaikiš järedamb meri mail'mas alasolakahudenke jogiden sur'kulun vedhuden tagut (940 km³ vodes Pohjoižhe merhe).

Etimologii

Ezmäižen kerdan Baltijan meri-nimituz (latin.: mare Balticum) mainitase Bremenan Adaman «Gamburgan jumalankodin arhiepiskopoiden tegod»-traktatas (latin.: Gesta Hammaburgensis Ecclesiae Pontificum, 1075−1080 voded).

Geografijan andmused

Baltijan meri süvenub Evropan kuivushe edahaks. Se lainištab Ročinman da Suomenman randad.

Baltijan meren järedad lahted: Botnine, Rigan da Kuršan (erigoittud merespäi Kuršan letejonol reskvezilaht) lahted.

Sured sared: Gotland, Eland, Bornhol'm, Volin da Rügen sared, Ahvenanma da Sarenma.

Järedad langenijad joged Baltijan merhe: Päivlaskmaine Dvin (Daugavjogi), Neman, Pregol', Visl, Oder da Vent.

Kaikiš järedambad lidnad da portad (častomaraižen mödhe): Rostok, Lübek, Kopenhagen.

Irdkosketused

• Baltijan meren lainhiden korktused onlain (itameriportaali.fi). (angl.)