Pagiškam, vel'l'
| Pagiškam, vel’l’ | |
|---|---|
| Поговорим, брат | |
 | |
| Avtor | Nikolai Abramov |
| Žanr | runotuz |
| Originalan kel' |
Vepsän kel' Venän kel' |
| Original om paindud | 2005 |
| Paindai | Periodika |
| Lehtpol't | 112 |
| Носитель | Kirj |
| ISBN | 5-88170-136-4 |
"Pagiškam, vel’l’" (ven.: Поговорим, брат) om vepsän runoilijan Nikolai Abramovan koumanz' kirj, runokogomuz vepsän i venän kelil[1].
Se om paindud Petroskoiš vodel 2005[2].
.jpg)
Üleižed tedod
Nikolai Abramov om kaks’keline kirjutai. Hän kirjuti vepsän da venän kelel, kändi tetabid venäkeližid runoilijoid (Omar Hajam, Rabindranat Tagor, Uiljam Šekspir, Pol’ Verlen, Aleksandr Puškin, Nikolai Kl’ujev, Sergei Jesenin, Lev Tolstoi, Boris Pasternak, Nikolai Rubcov, Jevgenii Jevtušenko, Vladimir Visockii) vepsän kel’he.
"Pagiškam, vel’l’" om koumanz’ vepsän runoilijan Nikolai Abramovan kirj. Hän omišti sidä runoilijan da lehtezmehen Paavo Voutilaiženan muštoks, kudamb elokus vodel 2002 koli. P. Voutilainen da N. Abramov oliba sebranikad.
Runokogomuses oma N. Abramovan runod vepsän da venän kelil da völ kändandad, miččed tegi iče kirjutai da toižed-ki kändajad (O. Mošnikov, A. Rastorgujev, V. Agapitov, M. Tarasov). Tobjimalaz Nikolai Abramovan runod oma lirižed, niiš nägub runoilijan südäinmokičused armastuses, elos, ičeze elonsijas mail’mas[3].
Kirjan kuvitajad oma tetab petroskolaine pirdai Vladimir Lukkonen da Moskvan nor’ pirdai L’ubov’ Kulešova. Nece runokogomuz om paindud Karjalan valdkundaližen rahvahaližen politikkomitetan rahaabul "Periodika"-paindištos, Petroskoiš). Sen painuzmär om 1000 kirjad. Kirjas om 112 lehtpol’t.
Uden kirjan ezitelend oli 17. kül'mkud vodel 2005[4].
Kirjan südäimišt
Runokogomuz om eriznamasine. Kirjas om koume palad. Ezmäine "Kaikuččel — ičeze kel’…" om vepsän kelel, sihe mülüi äi runoid, miččed ende oliba jo paindud. Toine ven.: «Я буду жить наскоком и набегом...» da koumanz’ ven.: «Я последнюю свечу зажгу...» palad om venän kelel. Uziš runoišpäi tetabuden sai "Än’"-runo, mitte om omištadud Vladimir Visockijan muštoks. Koumandes palas oma lirižed runod venän kelel, üks’ niišpäi om "Pagiškam, vel’l’", mitte andoi nimen runokogomusele[5].
Kirjan runod vepsän kelel
- "Kaikuččel — ičeze mägi…";
- Vanh koir;
- "Vepsläižed joged i vepsläižed järved";
- Mecoiden pajod;
- "Sinun käded — kuti koivun barbad…";
- Varastan sindai;
- Zirkol;
- Huba uni;
- Vihandas sarnas;
- Änikod;
- Vepsän mal;
- Kurged-voded;
- "Hirben sorttud sarv…";
- Noid;
- Pajo tohusenke;
- "Rusttužtab jogenno pihl’";
- Kibu;
- "Väkam lumitukhu, minun armaz!";
- "Vilu i pimed om tänambei eht…";
- Änikruno;
- Keväz’ tuli;
- Än’;
- "Rustniba lehted jo haboil i lepil…";
- "Mikš minä elän, mikš?";
- Requiem armastusen täht;
- Laske pakaine om irdal.
Homaičendad
- ↑ В Карелии выпущена новая книга вепсского поэта Николая Абрамова. Дата обращения: 6 redukud 2025.
- ↑ O. Mošnikov. О книге Николая Абрамова «Поговорим, брат», и не только… Литературная Россия (23 uhokud 2015). Дата обращения: 6 redukud 2025.
- ↑ Рецензия на книгу Николая Абрамова “Поговорим брат…”. Дата обращения: 6 redukud 2025.
- ↑ Памяти Пааво Воутилайнена (17 kül'mkud 2005). Дата обращения: 6 redukud 2025.
- ↑ А. И. Мишин, З. И. Строгальщикова. Вепсы и их культурное наследие: связь времен (памяти Р. П. Лонина). Вепсская литература в меняющемся мире. — Петрозаводск: Карельский научный центр РАН, 2011. — С. 63—64. — 217 с. — ISBN 978-5-9274-0492-6.
Literatur
- Литературное наследие Николая Абрамова: сборник материалов IV Межрегиональной конференции 24 января 2023 года. Образы птиц в лирике Николая Абрамова (на материале сборника «Поговорим, брат»). — Подпорожье, 2023. — С. 27—36. — 76 с.