Oleg Mošnikov

Kodvdud kirjutez

Oleg Mošnikov
ven.: Олег Эдуардович Мошников
Sündundpäiv	1. kül'mkud 1964
Sündundsija:	Petroskoi
Rahvahuz'	Sovetskii Sojuz→Venäma
Professijad:	Kirjutai

Oleg Eduardovič Mošnikov (ven.: Олег Эдуардович Мошников) om sündunu 1. kül'mkud 1964 Petroskoi Karjalan Valdkund, Sovetskii Sojuz→Venäma - kirjutai, Venäman kirjutajiden sebran ühtnik (vodelpäi 1998), Sverdlovskan korktan voin-politižen tank-artillerijan učiliščan (1988) da Ivanovskijan pažag-tehnižen učiliščan (1996) pästnik, Venäman Karjalan päerišton Äkkiližiden azjtegoiden ministerstvan radnik, Karjalan arvostadud kul'turradnik (2019). Om pauklahjoitud Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan "Za vernost' Severu"-medalil (2024) da Karjalan Rahvahaližen da regionaližen politikan ministerstvan rindznamal "Panendas rahvahan kehitoitusehe" (2024).

Openduz

Vodel 1988 lopi Sverdlovskan korktan voin-politižen tank-artillerijan učiliščan da sai "voin-politine" graždanskijan kvalifikacijanke istorijan da mez'kundan opendai"-special'nostin. Vodel 1996 lopi Ivanovskijan pažag-tehnižen učiliščan da sai lämoivastustandan kaičendan tegemine da tehnik"-special'nostin.

Elostarin

Sijaližen služban podpolkovnik otstavkas. Oleg Mošnikov zavodi rata Valdkundaližen pažagkacundan inspektoran, a sid' tegihe Venäman erišton Äkkiližiden azjtegoiden ministerstvan rahvahan sirdämižen erišton pämeheks Karjalan Valdkundas.

Vodelpäi 1998 om Venäman kirjutajiden sebran ühtnik. Karjalan regionaližes erištos vedäb runoiden sekcijad, vedäb paginvastusid karjalaižiden kirjutajiden käzikirjutesiš da kirjoiš, aktivižesti ühtneb literaturižihe azjtegoihe. Kirjuti äi kirjutesid venälaižiš literaturmehiš, kudambiden keskes oma: Vladislav Krapivin, Viljam Kozlov, Dmitrii Balašov, vepsläine runoilii Nikolai Abramov.

Hän om viden runokirjan da koumen prozakirjan avtor. Ühtes "Kantele"-ansambl'anke tegi suren muzik-poetižen koncertan, mitte oli omištadud Literaturan vodele Venämal (tal'vku 2015). Hän om äjiden literaturkonkursoiden laureat da vägestai. Vodel 2015 I Kaiken Venäman "Hüvän valdan ristit"-konkursan vägestai "Sarn tal'vkus"-nominacijas (Moskva), 6. Rahvahidenkeskeižen runoilijoiden konkursan laureat-vägestai "Basn'a, satira, jumor"-nominacijas (Moskva). Vodel 2016 Istoriližiden runoiden "Slovenin pöud"-festivalin vägestai "profi"-nominacijas (Pskov-Izborsk), Venäman Sijaližiden azjoiden ministerstvan "Hüvä sana - 2016"-literaturkonkursan ezmäižen etapan vägestai Karjalan Sijaližiden azjoiden ministerstvas "Runo"-nominacijas.

Vodel 2017 sai Rahvahidenkeskeižen "Mail'man kubok venälaižiden runoiden mödhe"-literaturkonkursan "Glagol'"-Parižan al'manahan lahjan da "Sever"-kulehtesen premijan parahimas runoiden painuses. Vodel 2019 tegihe Karjalan Valdkundan arvostadud kul'turradnikaks. Vodel 2023 oli Kaiken Venäman runoiden "Vihmoiden aig"-konkursan laureat (Toljatti), vodel 2024 - "Prozan kuvahaine"-literaturkonkursan finalist (Moskva) da Kaiken Venäman literaturpremijan Aleksandr Mazdorfan nimel laureat "Basn'a"-nominacijas (Toljatti).

Literaturan rad

Vodel 2017 ühtni literaturprojektaha, miččen tegiba Karjalan lapsiden da norišton kirjišt da Karjalan openduzministerstv. Projektan nimi oli "Laps'aigan magine sädeg" (venäks «Волшебный лучик детства»). Projekt openzi da tundištoiti penid lugijoid karjaližidenke avtoroidenke. Projektan satuseks tuli ližaopenduzkirj Mošnikovan polhe lapsile. Necil-žo vodel Mošnikovan runokirj, miččen nimi om "Man röun", vägesti Karjalan kul'turministerstvan kirjpainusen konkursas da läksi eloho necen-žo voden lopus.

O. Mošnikov tundištoitab venäkeližid lugijoid runoilijoidenke da kirjutajidenke, kudambad kirjutaba vepsän da karjalan kelel. Vodel 2015 eloho läksi O. Mošnikovan «Kodiman vagi» («Сила родной земли») sarnoiden kogomuz, vepsäks kändi Marina Ginijatullina. Vodel 2019 pästi eloho "Seičeme koivud" («Семь берез») runokirjan, kuna kerazi seičemen vepsänkeližen runoilijan (Nikolai Abramov, Nina Zaiceva, Ol'ga Žukova, Galina Baburova, Jelizaveta Haritonova da toižed) runoid da kändi niid venän kel'he (Petroskoi).

Hänen kändused vepsän da karjalan kelespäi om paindud "Venäman rahvahiden runoihuden" da "Venäman rahvahiden lapsiden literatur"-antologijoiš (Moskva). Hän kändi vepsläižen literaturan klassikan Nikolai Abramovan runoid da runokirjoid: «Оглянись, ведь это я!» (Piter, 2017) da «Между силами зла и добра» (Voronež, 2018). Mošnikovan 20 kändust vepsän da karjalan kelespäi om pandud Karjalan nügüdläižen rahvahaližen literaturan antologijaha, mitte sai päpremijan da "Karjalan voden kirj"-nimen vodel 2018.

Paindused

Mošnikov paindase erazvuiččiš karjalaižiš lehtesiš da literaturižiš kulehtesiš, al'manahoiš da Venäman kogomusiš, siš lugus internet-kulehtesiš, mugoižiš kut "Licei", "Moloko", "Sever", "Päiv da Ö", "Neva", "Dvina", "Priokskije zori", "Meiden sovremennik", "Ogni Kuzbassa", "Mir Severa", "Menestrel'", "Sibirskije ogni", "Podjom", "Roman-gazeta", "Požarnoje delo", "Obespečenie bezopasnosti žiznedejatel'nosti", "Venäman voin", erazvuiččiš nedal'lehtesiš.

Mošnikovan runod da starinad om kätud suomen, vepsän da karjalan kelihe, hän om "Kodima"-lehtesen da "Verez tullei"-al'manahan avtor – vepsän kelel.

Literaturehtad

Mošnikov tegeb paksus literaturehtoid, miččed mäneba Karjalan Rahvahaližes muzejas, kirjištos. Karjalan rahvahaližes kirjištos om internet-lehtpol' avtoran polhe. Hän ajeleb Karjalan man erazvuiččihe külihe. Vodel 2019 ühtni Avonaižehe Regionoidenkeskeižehe literaturkonkursaha, mitte venäks oli «Ты сердца не жалей, поэт» (Kaliningrad).

Vodel 2022 O. Mošnikov oli adivoiš Kol'skijan nemel.

O. Mošnikovan rad om omištadud rahvahaližen literaturan sirdämišele federaližel tazol.

Pauklahjad da arvnimed

• 2015 - Karjalan Valdkundan kitändkirjeine.
• 2015 - I Kaiken Venäman "Hüvän valdan ristit"-konkursan vägestai "Sarn tal'vkus"-nominacijas (Moskva).
• 2015 - 6. Rahvahidenkeskeižen runoilijoiden konkursan laureat-vägestai "Basn'a, satira, jumor"-nominacijas (Moskva).
• 2016 - Istoriližiden runoiden "Slovenin pöud"-festivalin vägestai "profi"-nominacijas (Pskov-Izborsk).
• 2016 - Venäman Sijaližiden azjoiden ministerstvan "Hüvä sana - 2016"-literaturkonkursan ezmäižen etapan vägestai Karjalan Sijaližiden azjoiden ministerstvas "Runo"-nominacijas.
• 2017 - Rahvahidenkeskeižen "Mail'man kubok venälaižiden runoiden mödhe"-literaturkonkursan "Glagol'"-Parižan al'manahan lahj.
• 2017 - "Sever"-kulehtesen premii parahimas runoiden painuses.
• 2019 - Karjalan Valdkundan arvostadud kul'turradnik.
• 2023 - Kaiken Venäman runoiden "Vihmoiden aig"-konkursan laureat (Toljatti).
• 2024 - "Prozan kuvahaine"-literaturkonkursan finalist (Moskva).
• 2024 - Kaiken Venäman literaturpremijan Aleksandr Mazdorfan nimel laureat "Basn'a"-nominacijas (Toljatti).
• 2024 - Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan "Za vernost' Severu"-medal'.
• 2024 - Karjalan Rahvahaližen da regionaližen politikan ministerstvan rindznam "Panendas rahvahan kehitoitusehe".

Bibliografii avtoras

• О награждении государственными наградами Республики Карелия [присвоить звание «Заслуженный работник культуры Республики Карелия» Мошникову О. Э. ] : указ Главы Республики Карелия от 5 декабря 2019 № 72 // Карелия официальная : официальный интернет-портал Республики Карелия.

• Писатели Карелии : биобиблиографический словарь / Карел. науч. Центр РАН, Ин-т языка, лит. и истории, М-во культуры и по связям с общественностью ; [сост. Ю. И. Дюжев ]. - Петрозаводск : Острова, 2006. - С. 46-48.

• Дерево песен : антология поэзии Карелии / Александр Валентик . - Петрозаводск : Острова, 2009. - С. 186.

• Шаргунов, С. Сердечный Мошников / Сергей Шаргунов // Литературная Россия. - 2011. - 9 окт. (№ 36).

• Тарасов, М. В. Линии жизни : [о творчестве Олега Мошникова] / Марат Тарасов // Вепсская литература : материалы и исследования. – Москва : Литературная Россия, 2011. – С. 243-244.

Literatur

• Дерево песен : антология поэзии Карелии / Александр Валентик . - Петрозаводск : Острова, 2009. - С. 186-190.

• Мошников, Олег Эдуардович. Возвращайтесь на улицы детства [Электронный ресурс] / авт. Олег Мошников. – Электрон. текстовые дан. // Лицей : интернет-журнал. – Петрозаводск, 2012.

• Мошников, О. Э. Вологодские узоры / Олег Мошников // Вепсская литература : материалы и исследования. – Москва : Литературная Россия, 2011. – С. 142-150.

• Мошников, О. Э. Сгореть и возродиться снова / Олег Мошников // Вепсская литература : материалы и исследования. – М.: Литературная Россия, 2011. – С. 239-242.

• Мошников, О. Э. Замерзшие птицы / Олег Мошников // Вепсская литература : материалы и исследования. – Москва : Литературная Россия, 2011. – С. 248-251.

• Мошников, О. Э. Петров завод; Картофель финский везут в село : [стихи] / Олег Мошников // Наш современник. - 2014. - №12. - С. 52. - (Поэтическая мозаика).

• Мошников О. Когда окликнет душу Слово… [Электронный ресурс] / Олег Мошников.- 22 янв. 2016 г. – Текстовые дан. // Лицей, интернет-журнал.

• Мошников, О. «Нерукотворный памятник» Николая Абрамова / Олег Мошников // Север.-2016.-N 5/6.-С. 229-233.

• Мошников, О. «Тени солнечной – вдогон…» : подборка стихов известного карельского поэта, написанных летом и осенью 2016 года, а также эссе «Самые счастливые часы»/ Олег Мошников; фот. Ирины Ларионовой // Интернет журнал Лицей от 14 сентября 2016.

• Мошников, О. «Поцелуй безответный - и дорог, и горек…. Прощай…» / Олег Мошников.– 25 фев. 2019 г. // Лицей, интернет-журнал.

Homaičendad

Tarkendused

• Oleg Mošnikovan uz' "Kodiman vägi" - kirj. Pagin Karjalan radios tv-karelia.ru-saital.(veps.)
• Литературная карта Карелии. Персоналии. Олег Эдуардович Мошников. lit-karta.karelia.ru-saital.(ven.)
• Служить Отечеству и писать стихи. Олегу Мошникову - 60. omamedia.ru-saital.(ven.)
• Олег Мошников. Презентации книг на интернет-портале Карелия. rk.karelia.ru-saital.(ven.)