Soldatov Oleg Jurjevič
| Oleg Soldatov | |
|---|---|
 | |
| Üleižed tedod | |
| Täuz' nimi | Oleg Jurjevič Soldatov |
| Sündundpäiv | 9. vilukud 1963 (63 vot) |
| Sündundsija | Soči, Krasnodaran agj, RSFSR, SSSR |
| Ma |
 SSSR Venäma |
| Professijad | dirižor da opendai |
| Žanrad | klassine muzik |
| Pajosebrad | Karjalan filarmonian simfonine orkestr, Sočin simfonine orkestr |
| Pauklahjad |
 |
Oleg Jurjevič Soldatov (ven.: Оле́г Ю́рьевич Солда́тов, sündui 9. vilukud vodel 1963, Soči-lidnas, Venäma) — venälaine dirižor da opendai. Karjalan arvostadud taidehradnik (2003) da Karjalan Valdkundan voden laureat (2003).
Elostarin
Lopi Piterin konservatorijan dirižor-horan tedokundan (1986, Т. I. Nemkinan klass), jäl'ges vahvištoiti radmahtištod operno-simfonižen dirižirovanijan tedokundal Ravil' Martinoval. Sai ezmäižed pauklahjad Toižel ühthižvenälaižel dirižoroiden konkursal (1988, Uljanovsk) da Rahvahidenkeskeižel Arturo Toskaninin nimel dirižoroiden konkursal (1990, Parma).
Vozil 1990 —1991 oli Tomskan simfonižen orkestran taidehohjandajan da pädirižoran. Vozil 1992—2006 ohjanzi Karjalan valdkundaližen filarmonian simfonižen orkestran, sidä aigan vozil 1996—2003 oli Sočin simfonižen orkestran taidehohjandajan da pädirižoran. Petroskoin orkestranke eziti mugomad sured kirjutesed, kut Mocartan «Rekvijem», Bethovenan Ühesanden simfonian, Sergei Tanejevan «Ioann Damaskin» da Karl Orfan «Karmina Burana», Igor' Stravinskovan «Psalmoiden simjonii» oratorijad .
9. sügüz'kud vodel 2003 L. N. Tolstovan 175-voččen jubilejan päiväl eziti Moskvas Hamovniki-muzei-kaičendan tanhal Širvani Čalajevan «Hadži-Murat» operan Tolstovan ühtennimižen starinan mödhe.
Vodel 2006 orkestran muzikmehiden ridan täht[1] läksi Karjalan valdkundaližen filarmonian simfonižen orkestraspäi; vodelpäi 2006 om Sočin simfonižen orkestran kuctud pädirižor. Sidä aigan radab opendajan dirižortedokundal Petroskoin konservatorijas.
Pauklahjad da arvostuz
- Dirižoroiden konkursan Toskanini nimel laureat (Parma, 1990)
- Karjalan Valdkundan voden laureat (2003)
- Karjalan arvostadud taidehradnik (2003)
- Venäman valdmehišton premii kul'turoblastiš (2005)[2].
Homaičendad
- ↑ Витива Н. Бунт в оркестре Архивная копия от 8 sügüz'kud 2021 на Wayback Machine // Карельская губерния. 2006. 11 января. № 2 (502).
- ↑ Главный дирижёр Симфонического оркестра Карельской государственной филармонии Олег Солдатов стал лауреатом премии Правительства РФ в области культуры Архивная копия от 21 uhokud 2014 на Wayback Machine // Республика Карелия: Официальный сервер органов государственной власти
Lähtked
- Олег Солдатов: «Оркестр в республике один, перебегать некуда»: [Интервью] // Культура. — 2003, 30 октября — 5 ноября. — № 42 (7401).
- Олег Солдатов - Десять лет спустя
 Karjalan voden laureatad | ||
|---|---|---|
| .png) | |
- Sündnuded 9. vilukud
- Sündnuded vodel 1963
- Personalijad kirjamišton mödhe
- Sündnuded Sočiš
- Venäman valdmehišton premijan kul'turoblastiš laureatad
- Muzikantad kirjamišton mödhe
- Karjalan voden laureatad
- Sovetskijan Sojuzan akademižed muzikantad
- Venäman akademižed mizikantad
- Karjalan arvostadud taidehradnikad
- Karjalan Valdkundan voden laureatad
- Petroskoin konservatorijan opendajad