Jevtušenko Anastasia Sergejevna

Anastasia Sergejevna Jevtušenko
ven.: Анастасия Сергеевна Евтушенко
Nimi:	neiččen familii Konošenko
Sündundpäiv	8. sulakud 1992(1992-04-08) (34 vot)
Sündundsija:	Petroskoi Karjalan Valdkund
Rahvahuz'	Venäma
Professijad:	opendai

Anastasia Sergejevna Jevtušenko (ven.: Анастасия Сергеевна Евтушенко); om sündunu 8. sulakud vodel 1992 Petroskoi, Karjalan Valdkund, Venäma — vepsän kelen opendai, Karjalan valdkundaližen universitetan pästnik (2015), vepsän da anglian kelen opendai Šoutjärven školas, Karjalan Valdkundan voden laureat (2024).

Elostarin

Anastasia Jevtušenko (neidištuses Konošenko) om sündunu Petroskoi-lidnas Karjalas. Om vepsläine. Hänen sugujured oma Vehkoi-küläspäi, mitte om Karjalan Änižröunas. Petroskoiš da Vehkoi-küläs mäni hänen laps'aig.

Hänen mamoi radoi buhgalteran, tatoi - sauvojan, dedoi oli mašinanvedäi, a baboi om Karjalan Valdkundan arvostadud lekar'. Anastasijal om völ vanhemb sizar. Laps'aigas oli hotkan lapsen 3-vozne käveli kargaiduzsebraha, muzikškolaha da sportati. Vanhembad kazvatiba ičeze lapsid armastuses kodikel'he da kodiröunan istorijaha, sikš vodel 1998, baban nevondan mödhe, mäni opendamhas Petroskoin suomalaiž-ugrilaižehe školaha, miše opeta vepsän kel't. Skolas hän kaiken openzihe hüvin, ühtni vepsän kelen olimpiadoihe, konkursoihe, kus ei üht kerdad tegihe vägestajan da sai pauklohjoid. Vanhembad openziba lapsid navedimha kodiröunad, abutamha toižile, olda vastusenpidäjan, hüvänsüdäimeližen da holekahan ristitun.

Vodel 2008 lopi suomalaiž-ugrilaižen školan da päzui opendamhas Petroskoin valdkundaližehe universitetaha Baltianmeren-suomalaižen filologijan da kul'turan tedokundale.

Vodel 2013 völ oldes üläopenikan zavodi rata Änižröunan Šokšan školas vepsän kelen opendajan.

Vodel 2014 lopi Petroskoin valdkundaližen universitetan Baltianmeren-suomalaižen filologijan da kul'turan tedokundan.

Vodel 2015 tuli Šoutjärven školha radmaha vepsän da anglian kelen opendajan.

Vodel 2019 ühtni Karjalan valdkundaližen openduzmaterialoiden tegemižen konkursaha da tegihe "Parahimad openduzkirjad karjalan, vepsän da suomen kelel"-konkursan laureataks.

Vodel 2024 tegihe Karjalan Valdkundan voden laureataks.

30. sulakud vodel 2026 Anastasija Jevtušenko ven.: "Знание. Первые"-tedotuzmarafonan aigan Moskvan Manež-keskuses ühtni Venäman igähižiden vähäluguižiden rahvahiden vastusehe Venäman prezidentanke Vladimir Putinanke.

Rad školas

Anastasia Sergejevna vedab urok «Parahim kodikelen da literaturan opendai–2024»-konkursal

Sur’ znamoičend vepsän kelen da vepsän rahvahan tradicijoiden kaičendas om muzejal. Joga voden Anastasia Jevtušenko lapsidenke käveleb Šoutjärven muzejaha, kus lapsiden täht tehtas openduzčasuid, vedetas ozutelusid, tundištoitas vepsän kul’turanke. Kaiken lapsiden täht radab školas, kus lapsed opetas vepsän kel’t, ühtnedas mastar’-klassoihe, sportvändoihe, olimpiadoihe, konkursoihe.

Pauklahjad da arvnimed

Anastasia Jevtušenko tütridenke

• Ühthižvenälaižen «Parahim kodikelen da literaturan opendai–2024»-konkursan laureat (2024);

• «Karjalan voden opendai»-konkursan vägestai (2024);

• Karjalan Openduz- da tedoministerstvan kitändkirjeine (2019);

• Karjalan Valdkundan Zakonkogomusen suiman kitändkirjeine (2016);

• Karjalan Rahvahaližen politikan komitetan kitändkirjeine (2016);

• Änižröunan Оhjandamišton kitändkirjeine (2016, 2024);

• Karjalan Municipaližen opendusen kitändkirjeine (1997, 2004);

• Karjalan valdkundaližen «Parahimad openduzkirjad karjalan, vepsän da suomen kelel»-konkursan laureat (2019);

• Karjalan Valdkundan voden laureat (2024).

Homaičendad

Tarkendused

• Анастасия Евтушенко – финалистка всероссийского конкурса (ven.)
• Современники. СампоТВ 360ю Учитель вепсского языка Анастасия Евтушенко (ven.)
• Учитель вепсского языка из Шелтозера стала лауреатом первого тура конкурса педагогов (ven.)
• Итоги регионального этапа Республиканской олимпиады школьников по карельскому, вепсскому и финскому языкам 2 апреля 2016 года kiro-karelia.ru.(ven.)
• Учитель вепсского языка из Шелтозеро представляет Карелию в Казани(ven.)