Gotič Svetlana Nikolajevna

Рувики-späi
Svetlana Nikolajevna Gotič
ven.: Светлана Николаевна Готыч
Svetlana Nikolajevna Gotič.jpg
Sündundpäiv 12. tal'vkud 1974(1974-12-12) (51 vot)
Sündundsija: Šoutjärv Änižröun KASSR
Rahvahuz' Sovetskii Sojuz→Venäma
Professijad: opendai, školan pämez’


Gotič Svetlana Nikolajevna (ven.: Готыч Светлана Николаевна); om sündunu 12. tal'vkud vodel 1974 Šoutjärv, Änižröun, Karjalan Valdkund, Venäma — vepsän kelen tundii, Karjalan valdkundaližen universitetan pästnik (1997), vepsän da suomen kelen opendai, kändai, Kalagelaižen školan pämez’, Voden opendai-konkuran ühtnik (2018), vepsän etnokeskusen aktivist.

Elostarin

Svetlana Gotič om sündunu 12. tal’vkud vodel 1974 Änižröunan Šoutjärv-küläs vepsläižes kanzas. Openzihe Šoutjärveläižes školas hüvin. Vodel 1992 lopi školan da päzui opendamhas Karjalan valdkundaližehe universitetaha. Vodel 1997 hüvin lopi Karjalan valdkundaližen universitetan Baltianmeren-suomalaižen filologijan da kul'turan tedokundan. Jäl’ges universitetad vodel 1997 tuli Kalagelaižehe školha[1] radole vepsän kelen da literaruran opendajan. Vodel 2005 hän tegihe školan varapämeheks. Vodel 2011 Svetlana Nikolajevna om pandud školan pämeheks [2], kus radab nügüd’-ki.

Rad školas

S. N. Gotič opendab lapsid vepsän kel'he. Hänen openikad kaikuččen voden ühtneba erazvuiččihe kelen olimpiadoihe da saba ezmäižid sijoid da pauklahjoid[3]. Ühtes openikoidenke ühtneb Vepsän kul'tursebran projektoihe. Hän kirjutab da paindase vepsläižes Kodima-lehteses, Verez tullei-al'manahas da Kipinä-kulehteses.

Oldes Kaleigen školan pämehen hän äjan vot ohjandab etnokul’turišt opemišt. Hänen tomotusen mödhe vodelpäi 2011 Karjalan Kaleig-dor’uunas mänetadas Regionkeskeižen lapsiden Vepsän sarn-festivalin, kudamb tegihe popul’ärižeks rahvahan keskes da miččelle ühtnedas vepsläižed lapsed koumes regionaspäi. Svetlana Nikolajevna om mahtokaz sädai da ohjandai, kudamb pidäb hol't Kaleigen külän kehitoituses.

Konz vodel 2013 Kaleigen päivkodin saubatihe[4], S. N. Gotič pani äjan väged, miše päivkodin lapsed voižiba jatkta opendust. Oli pättud ähtenzoitta päivkodin školanke. Siloi školas oli avaitud školanedeližen kazvatusen erišt, a škol tegihe külän südäimeks.

Joga voden Kaleigen školas da küläs mänetadas nügud' jo tradicionižed praznikad, konkursad da festivalid, uhtnedas erazvuiččihe projektoihe.

Pauklahjad

Karjalan Municipaližen opendusen kitändkirjeine (1997, 2004, 2019)

Karjalan Valdkundan Voden Laureat (2014)

Änižröunan Оhjandamišton kitändkirjeine (2016, 2024);

Karjalan Parlamentan kitändkirjeine (2016);

Karjalan Openduz- da tedoministerstvan kitändkirjeine (2022);

Karjalan Rahvahaližen politikan komitetan kitändkirjeine [5] (2025);

Bibliografii

  • Gotič S. N. Maтериалы Республиканской конференции «Роль системы образования в сохранении нематериального культурного наследия коренных народов Республики Карелия»: Готыч Светлана Николаевна, Реализация проекта «Этностудия «Голоса поколений» / «Sugupolviden äned», МОУ «Рыборецкая средняя общеобразовательная школа» Прионежского МР РК: 2018г.

Homaičendad

  1. ↑ Kalagelaižen školan istorii.
  2. ↑ Kalagelaižen školan pämez’ S. N. Gotič. Педагогический состав.
  3. ↑ Olimpiadan satused 2023.
  4. ↑ В Рыбреке по-своему решили проблему с закрытием детского сада.
  5. ↑ Благодарственными письмами Министерства награждены члены Общества вепсской культуры.

Tarkendused

Om sadud "https://vep.ruwiki.ru/w/index.php?title=Gotič_Svetlana_Nikolajevna&oldid=509814"