Anušenkova Ales'a Nikolajevna

Рувики-späi
Kodvdud kirjutez
Ales'a Nikolajevna Anušenkova
ven.: Алеся Николаевна Анушенкова
Šoutjärven školan vepsän kelen opendai
Sündundpäiv 16. keväz'kud 1989(1989-03-16) (37 лет)
Sündundsija:
Rahvahuz' Sovetskii Sojuz→Venäma
Professijad: vepsän kelen opendai

Ales'a Nikolajevna Anušenkova (ven.: Алеся Николаевна Анушенкова, om sündunu 16. keväz'kud 1989, Šoutjärv', Karjalan ASSR[d] или Karjalan Valdkund) — Petroskoin universitetan pästnik (2011), Šoutjärven školan kazvatuzrdon varapämez', vepsän kelen opendai (vodelpäi 2012)[1].

Openduz

A. Anušenkova om sündunu vepsläižes Šoutjärv-posadas, mitte seižub 83 kilometras Petroskoi-lidnaspäi, vepsläižes kanzas. Hän openzihe šoutjärvelaižes školas, lopi 11 klassad, openzi vepsän kel't, käveli fakul'tativale, oli Šoutjärven vepsän lapsiden horan pajanikan. Putui opendamhas Petroskoin valdkundaližehe universitetha. Lopi Baltiameren suomalaižen filologijan da kul'turan tedokundan vodel 2011 da tegihe filologaks, opendajaks.

Vodelpäi 2011 zavodi rata Šoutjärven päivkodiš, openzi lapsid vepsän kel'he. Vodelpäi 2016 - vepsän kelen da literaturan opendai. Vodelpäi 2023 - Šoutjärven školan kazvatuzradon varapämez'. "Tähthaižed" - lapsiden kollektivan vedäi. Aktivižesti ühtneb hüväntegijoihe akcijoihe. Sen täht kaikuččen voden tehtas Vederistmiden jarmarkad. Keratud rahad oigetas monastirin udessündutamižehe.

Rad školas

Rates školas A. Anušenkova kaiken aigan korgenzoitab ičeze tedoid da kundleb erazvuiččid kursoid Karjalan opendusen kehitoitusen institutas, Venäman Openduzministerstvan onlain-openduzplatformoil. Hän om Änižröunan mamankeliden opendajiden metodine ühtenzoitusen ühtnik[2].

Hän iče ühtneb konkursoihe[3] da voumičeb lapsid, kudambad saba ezmäižid sijoid da ozutaba hüvid tedoid vepsän kelel.

Radon päoigenduz om vepsän rahvahan fol'kloran opendamine. Hän om erazvuiččiden ližaurokoiden programmoiden tegii: "Vepsän rahvahan fol'klor", "Minun rahvahan verod". Kaik ičeze tedod hän andab lapsile ei vaiše vepsän kelen opendamižen täht, no mugažo vepsän rahvahan fol'kloran tundištoitusen täht. Hän tegeb erazvuiččid vepsänkeližid vändoid, opendab lapsidenke vepsläižid pajoid, opendab kargaidamha[4].

Kaikuččen voden ühtes lapsidenke Ales'a ühtneb "Pajokeraine" da "Vepsläine sarn" lapsiden festivalihe, miččed mäneba Šoutjärves da Kaleiges kerdan kahtes vodes. Hän vaumičeb ühtes lapsidenke teatraližid ozutesid, sarnoid.

Ühtnend konkursoihe

  • 2014 – "Voden lapsiden kacui - 2014" municipaline konkurs,
  • 2015 – "Voden lapsiden kacui - 2015" Kaiken Venäman professionaline valdkundaližen etapan konkurs "Lapsiden kacui mamankeliden opendamižen oitusenke"-nominacijas,
  • 2019 – "Voden opendai - 2019" professionaližen konkursan municipaline etap,
  • 2021 – "Lugem "Kalevala"-eposan runopajod" onlain-konkursan 1. sijan diplom,
  • 2022 – "Lugen minun runoilijad"-konkursan "Runod vepsän kelel"-nominacijan 1. sijan diplom,
  • 2022 – "Klassan tem"-teleprojekt (vepsän kelen da literaturan urok)[5],
  • 2023 – "Opendajad lugeba lapsile" - valdkundaline lugijoiden konkurs,
  • 2023 – Karjalan, vepsän da suoman kelen parahiman openduz-metodižen materialan valdkundaližen konkursan "Opendajan parahim openduzbrend"-nominacijan 1. sijan diplom[6],
  • 2024 – Mail'man norišton festival' 2024,
  • 2024 – Kaiken Venäman suomalaiž-ugrilaižiden sarnoiden literatur-sädandan "ZORAI"-konkurs,
  • 2024 – Regionoidenkeskeine etnokul'turine "Elokaz purde"-festival' (Babajevon rajon),
  • 2024 – "Karjalan igähižiden rahvahiden tradicijoiden jäl'gestajad» valdkundaližen festivalin 1. sijan diplom.

Kanz

Om mehel, kazvatab poigan.

Pauklahjad da arvnimed

  • 2014 – Änižröunan administracijan kitändkirjeine professionaližes da sädairados;
  • 2015 – "Voden lapsiden kacui - 2015" Kaiken Venäman professionaline valdkundaližen etapan konkurs "Lapsiden kacui mamankeliden opendamižen oitusenke"-nominacijas,
  • 2015 – Änižröunan administracijan kitändkirjeine sädairados da uziden radformiden tegemižes rados peniden lapsidenke;
  • 2015 – Karjalan Parlamentan kitändkirjeine;
  • 2017, 2019, 2021, 2023 – Regionankeskeine "Vepsläine sarn" festival'-konkursan kitändkirjeine;
  • 2018 – Karjalan, vepsän da suoman kelen parahiman openduz-metodižen materialan valdkundaližen konkursan "Opendajan parahim openduzbrend"-nominacijan 3. sijan diplom[7],
  • 2018 – "Kodima"-lehtesen kitändkirjeine abus jubileiehtan tegemižes,
  • 2024 – Karjalan opendusen kehitoitusen institutan kitändkirjeine vägestajas vepsän kelen olimpiadal.

Homaičendad

  1. ↑ Педагогический состав. Анушенкова Алеся Николаевна.
  2. ↑ Методическое объединение преподавателей родных языков Прионежского района.
  3. ↑ Читаем стихи на вепсском языке. Централизованная библиотечная система Петрозаводска.
  4. ↑ В Петрозаводске представили опыт работы с вепсскими школами.
  5. ↑ Учителя из Карелии борются за право участвовать в телешоу на федеральном канале. Портал Республика. Дата обращения: 29 heinkud 2022.
  6. ↑ Республиканская конференция «Этномир Карелии: лучшие практики этнокультурного образования, модели, бренды, проекты». Дата обращения: 8 tal'vkud 2023.
  7. ↑ Итоги Республиканского конкурса на лучшие учебно-методические материалы по карельскому, вепсскому и финскому языкам 2018 года. Дата обращения: 16 kül'mkud 2018.

Tarkendused

Om sadud "https://vep.ruwiki.ru/w/index.php?title=Anušenkova_Ales%27a_Nikolajevna&oldid=528829"