Fomin Gleb Jurjevič

Рувики-späi
Gleb Jurjevič Fomin
ven.: Глеб Юрьевич Фомин
Gleb Fomin Karjalan radion efiras
Sündundpäiv 5. sügüz'kud 1997(1997-09-05) (28 vot)
Sündundsija: Petroskoi
Rahvahuz' Venäma
Professijad: opendai
Tat Jurii Fomin

Gleb Jurjevič Fomin (ven.: Глеб Юрьевич Фомин) om sündunu 5. sügüz'kud vodel 1997 Petroskoi-lidnas, Karjalan Valdkundas, Venämal — vepsläine, Suomalaiž-ugrilaižen školan pästnik (2015), Petroskoin universitetan pästnik (2020), Šokšun školan vepsän kelen opendai[1], Vepsän kul'tursebran ühtnik.

Openduz

Vodel 2015 Gleb Fomin lopi Suomalaiž-ugrilaižen školan Petroskoiš. Putui opendamhas Petroskoin valdkundaližehe universitetha, lopi filologijan institutan, suomalaiž-ugrilaižen filologijan tedokundan vodel 2020 da sai vepsän, suomen kelen opendajan da literaturan opendajan special'nostin[2]. Vodel 2020 tuli radole Šokšun školha, zavodi vedäda vepsän kelen urokoid.

Gleb om Vepsän kul'tursebran da Vepsän vezad aktivine ühtnik. Hän om Venäman Pohjoižen, Sibirin da Päivlaskman igähižiden vähäluguižiden rahvahiden norišton nevondišton ühtnik.

Rad

Vedäb Šokšun školas vepsän kelen da istorijan urokoid. Radab školas vodelpäi 2020. Tegeb lujas äi materialoid urokoiden täht nügüdläižiden tehnologijoiden abul - tedomašinan vändoid, interaktivižid tegendoid. Nügüd' tegeb vepsänkeližen vändon norišton täht.

Ühtni Voden Opendai 2022[3] da 2024[4] - konkursoihe, tuli vägestajaks Mamankeliden nominacijas. Vodel 2021 ühtni Venäman Pohjoine - forumaha da tegi raskladkan klaviaturan vepsän kelel. Kaikuččen voden Gleb Fomin ühtneb Vepsän kul'tursebran projektoihe[5], änestab lapsidenke audiokirjoid vepsän kelel. Tegi onlain-kursan openduzplatformal vepsän kelen opendamižen täht. Vedäb vepsän kelen kursoid šokšlaižiden täht[6].

Kanz

Mamoi om Marina Vladimirovna Fomina, buhgalter. Tatoi - Jurii Anatoljevič Fomin, jurist. Iče Gleb om vepsläine. Jured oma Piterin agjan da Karjalan vepsläižiš külišpäi. Om sündunu Petroskoi-lidnas.

Pauklahjad da arvnimed

  • Karjalan parlamentan kitändkirjeine (2022)
  • Venäman rahvahiden mamankeliden federaline institut, III stepenin diplom "Peniden rahvahiden sur' kul'tur" - nominacijas (2022)
  • Änižröunan voden laureat (2023)[7]

Homaičendad

  1. ↑ Персональный состав педагогических работников по уровням образования. Фомин Глеб Юрьевич.
  2. ↑ Студенты ПетрГУ читают стихи на вепсском. Дата обращения: 24 redukud 2017.
  3. ↑ Особая номинация конкурса «Учитель года Карелии – 2022». Дата обращения: 13 semendkud 2022.
  4. ↑ Продолжаем рассказывать о карельских педагогах в проекте "Я учитель".
  5. ↑ Участники конференции во Всеволожске говорили о связи культурных и языковых проектов. Дата обращения: 15 sügüz'kud 2022.
  6. ↑ Учитель вепсского языка вошел в число победителей Всероссийского конкурса.
  7. ↑ РЕСПУБЛИКА КАРЕЛИЯ. АДМИНИСТРАЦИЯ ПРИОНЕЖСКОГО МУНИЦИПАЛЬНОГО РАЙОНА. П О С Т А Н О В Л Е Н И Е. Дата обращения: 12 tal'vkud 2023.

Tarkendused

Om sadud "https://vep.ruwiki.ru/w/index.php?title=Fomin_Gleb_Jurjevič&oldid=510909"