Balaban Ol'ga Vasiljevna
| Balaban Ol'ga Vasiljevna | |
|---|---|
| ven.: Ольга Васильевна Балабан | |
| Nimi: | neiččen familii Gerasimova |
| Sündundpäiv | 16. keväz'kud 1975 (51 год) |
| Sündundsija: | |
| Rahvahuz' | Sovetskii Sojuz→Venäma |
| Professijad: | opendai |
| Tat | Vasilii Vasiljevič Gerasimov |
| Mam | Tatjana Jegorovna Gerasimova |
Ol'ga Vasiljevna Balaban (ven.: Ольга Васильевна Балабан, om sündunu 16. keväz'kud 1975, Prangatist) om vepsän kelen opendai, Karjalan valdkundaližen pedagogižen institutan pästnik (1998), Vologdan agjan Kujan da Borisovon školiden vepsän da anglijan kelen opendai, Vologdan agjan Vepsän kul'tursebran aktivist.
Elostarin
Om sündunu 10. keväz'kud vodel 1975 Vologdan agjan Babajevon rajonan Pankratovo-küläs vepsläižehe kanzaha. Hänen mamoi Tatjana Jegorovna da tatoi Vasilii Vasiljevič Gerasimovad oma vepsläižed. Kaik kanzas hüvin pagištas vepsän kelel. Ol'ga openzihe Kujan školas, jäl'ges ühesant klassad jatksi opendamhas Timošinan školas. Školan jäl'ghe päzui opendamhas Karjalan valdkundaližehe pedagogižehe universitetaha Petroskoihe.
Vodel 1998 hän lopi Karjalan valdkundaližen pedagogižen universitetan da zavodi rata Kujan školas opendjan. Vodel 2023 školan saubatihe, i Ol'ga Vasiljevna mäni radole Borisovo-külän školaha anglian kelen opendajan.
Ol'ga Balaban kaiken aigan kehitoitab opendajan mahtod, sikš ližaks hän openzihe da tegihe völ anglian kelen opendajaks.
Opendai kaiken om sädairados, kävutoitab erazvuiččid openduzuzištoid, otab ühtesradnikoiden openduzmahtištod radoho da kävutoitab ičeze metodikoid kelen openduses.
Ol'ga Balaban kaiken aigan ühtneb opendajiden kursoihe, seminaroihe da vebinaroihe, augotižškolan da anglian kelen opendajiden sebroihe, diskutiruib erazvuiččiš teoritižiš da praktikaližiš küzundoiš Internet-forumoil, paksus om Karjalan opendajiden kehitoituzinstitutan kursoiden ühtnik (2019—2022).
Vodel 2020, konz zavodihe pandemii, hän mahtokašti ladi školan openikoiden täht vepsän da anglian keliden opendust Internetan kal't.
Ol'ga Balaban kirjutab vepsläižehe Kodima-lugendlehtesehe da Kipinä-kulehtesehe, hänen sanutesed kodiröunas vepsän kelel oma mülütadud uzihe vepsän kelen openduzkirjoihe školan openikoiden täht[1].
Vodel 2022 hän oli Openduzsessijan ühtnikan, mitte oli pidetud Petroskoiš[2].
Vodelpäi 1991 hän om «Linduižed»-lapsiden fol'klorpajosebran vedäi. Pajosebr paksus ühtneb azjtegoihe, miččid pideltas školas, rajonas, Vologdan agjas, Karjalas da Piterin agjas da ozutab mastarust pajoiš da karguiš[3]. Kezaaigal hän radab lapsiden kel'lageriš.
Ol'gan openikad ühtnedas erzviuiččihe azjtegoihe, konkursoihe, olimpiadoihe, festivalihe, kus sadas pauklahoid [4].
Vodelpäi 2023 Vologdan agjan Babajevon municipaližen ümbruzkundan kaičendan da kehitoitandan nevondišton ühtnik[5].
Ühtesradnikad sanudas hänen polhe muga:
«Hän om sur' opendai-tedomahtai, ičein radon mastar', todesine sebranik».
Pauklahjad da arvnimed
- Rajonan Openduzkundan kitändkirjeine.
- Rajonan Pämehen kitändkirjeižed.
- Vologdan agjan Pämehen kitändkirjeine.
Homaičendad
- ↑ Petrova, N. A., Haritonova J.J. Vepsän kelen openduzkirj: 10.-11. klass: Родной (вепсский) язык для 10-11 классов: учебник для общеобразовательных организаций/ Н. А. Петрова, Е.Е. Харитонова; под ред. Н. Г. Зайцевой. — М.: ООО «Русское слово — учебник», 2023. - 68 с.
- ↑ Oбразовательная сессия по языку и культуре вепсов. Дата обращения: 17 sügüz'kud 2025.
- ↑ Детские фольклорные коллективы из Бабаевского района приняли участие в музыкальном фестивале вепсского фольклора. Дата обращения: 17 sügüz'kud 2025.
- ↑ Межрегиональный очно-заочный конкурс знатоков вепсского языка «Vepsläižed lapsed». Дата обращения: 17 sügüz'kud 2025.
- ↑ Постановление от 06.10.2023 №134. Дата обращения: 17 sügüz'kud 2025.
Literatur
- Л. Н. Загуляева. Опыт сетевого взаимодействия ресурсного центра по сохранению и развитию культурного и языкового наследия вепсского народа. — Петрозаводск: Научно-методический журнал Педагогический вестник Карелии № 4 / 2016, 2016. — С. 32.
- Н. А. Петрова, Е. Е. Харитонова. Vepsän kelen openduzkirj: 10.-11. klass. Kuja-külä seižub Vauktan järven randal. — Москва: ООО «Русское слово — учебник», 2023. — С. 68.
Lähtked
Vepsän kelen opendajad | |
|---|---|
| Karjala |
|
| Piterin agj |
|
| Vologdan agj |
|
