Natalia Silakova

Рувики-späi
Natalia Silakova
ven.: Наталья Силакова
vepsläine kirjutai
Natalia Silakova om Nadim-lidnas Jamalo-Neneckijas Avtonomižes Okrugas, 2022 v.
nimi:

Natalia Vlasova

Sündundpäiv

1959(1959-09-23) (65 vot)

Sündundsija:

Himjogi

Rahvahuz'

Sovetskii Sojuz→Venäma

Professijad:

Kirjutai

Pauklahjad da premijad

Voden 2022 laureat

Erazvuitte

Vepsän kul'tursebran ühtnik

This box: diskussii • redaktiruida

Natalia Jevgenjevna Silakova (23. sügüz'ku 1959 Himjogi-külä Podporožjen rajon Piterin agj, Sovetskii Sojuz→Venäma) - vepsläine kirjutai, jurist-praktik, Moskvan rahvahidenkeskeižen oiktusen da ekonomikan A.S. Gribojedovan nimel institutan juridižen tedokundan pästnik (2005), Venäman kirjutajiden sebran ühtnik (vodelpäi 2011), Vepsän kul'tursebran pämez' (2017-2019), Vepsän kul'tursebran ühtnik, Karjalan man Änižröunan Kaleigen külän pämez' (2017-2022), Karjalan man Präžan rajonan Čalna-külän pämez' (vodelpäi 2022). Om pauklahjoitud "Armastuz Pohjoižehe" - medalil (2021). Voden 2022 laureat.

Elostarin

Natalia Silakova (neiččen familii Vlasova) om sündunu Himjogi-küläs Podporožjen rajonas Leningradan agjas. Hänen tatoi Vlasov Jevgenii Andrejevič oli sündunu Šimjärv'-vepsläižes küläs. Hänen mamoi Vlasova (neiččen Stomonahova) Aleksandra Vasiljevnan jured oliba Vologdan agjaspäi. Natalian baboi tatan polespäi Vlasova (Martjanova) Natalia (Taisia) Petrovna oli sündunu Šimjärv'-küläs. Tatoi da baboi oliba hüväd vepsän kelen tundijad. Vodel 1959 vanhembad läksiba Šimjärvespäi da tuliba elole Himjogi-küläha Piterin agjaha. Vodel 1961 Vlasovoiden kanz tuli elämaha Kaleig-küläha Änižröunaha Karjalaha. Natalia lopi Kalagelaižen keskškolan. Jäl'ghe školad openzihe Kooperativižes tehnikumas Petoskoiš. Vodel 2005 lopi Moskvan rahvahidenkeskeižen oiktusen da ekonomikan A.S. Gribojedovan nimel institutan juridižen tedokundan.

Natalia Silakova holdub vepsän kelen, kul'turan, literaturan kaičendas, vepsän rahvahan eländsijan kehitoituses da londusen oiktas kävutamižes.

Vepsän kul'tursebras hän abutab pätta igähižen vähäluguižen vepsän rahvahan küzundoid, ühtneb kaikihe vastusihe, seminaroihe, kus sanutas Venäman igähižiden vähäluguižiden rahvahiden oiktusiš.

Vodel 2021 ühtes Vepsän kul'tursebranke Natalia Silakova tegi vepsläižes Kaleig-küläs Änižjärven randal «Kalarand»-etnoparkan. Hänen tugel Kaleiges zavodi rata koume Pohjoižen igähižiden vähäluguižiden rahvahiden sija-susedoiden kundad tradicionaližiden radoiden tegemižen täht. Necil-žo vodel Natalia Silakovan tugel, Vepsän kul'tursebran da koumen ministerstvan (Karjalan man Londuzvaroiden da ekologijan, Rahvahaližen da regionaližen politikan ministerstvoiden) abul oli kirjutadud kožmused social'no-ekonomižes ühthižrados kivisaskelmižiden predprijatijoidenke.

Ičeze rados Kalages Natalia Silakova federaližen da Karjalan man büdžetan abul tugezi külän elod, tegi trenažorzalan sijaližes kul'turpertiš, tegi vepsän kul'turan tradicionaližen «Kalarand» - praznikan, «Ičeze pajo» - pajofestivalin Kaskezas, hänen abul Kaleig-küläs zavodi rata «Pihläine» - ansambl', oli tehtud Vepsäine etnokul'turine «Värtin» da «Kalarand» - etnopark Kalages.

Natalia Silakova om Vepsän kul'tursebran ühtnik, Karjalan man pämehen karjalaižiden, vepsläižiden da suomalaižiden nevondišton ühtnik, Arktikan da Edahaižen Päivnouzman ristitun kapitalan kehitoitusen agenstvan radgruppan ühtnik, Barencan Evro-Arktižen regionan igähižiden rahvahiden da ekologijan radgruppan ühtnik, Venäman Valdkundaližen Duman rahvahuziden azjoiden komitetan Pohjoižen, Sibirin da Edahaižen Päivnouzman igähižiden vähäluguižiden rahvahiden oiktusiden zakonoiden tegemižen radgruppan ühtnik.

Sädandrad

Natalia Stomonahovan (Silakovan) starinad paindas «Sever»-kulehteses, «Avangard»-lehteses, «Kodima»-lehteses (vepsän kelel), «Verez tullei»-al'manahas (vepsän kelel). Vodelpäi 2004 hänen sarnad paindas «Kipinä»-kulehteses lapsiden täht.

Vodel 2006 läksi eloho Natalia Stomonahovan ezmäine kirj lapsiden täht vepsän kelel. Sen nimi om «Todesižed sebranikad». Kirj läksi eloho Karjalan man Rahvahiden azjoiden politikan valdkundaližen komitetan raha-abul.

Vodel 2007 Natalia tegihe Karjalankeližiden, vepsänkeližiden da suomenkeližiden lehtmehiden valdkundaližen konkursan laureataks sarnoiden painusiš vepsän kelel «Kodima»-lehteses.

Vodel 2008 tegihe parahimaks «Novie imena»-konkursas «Proza»-nominacijas «Klan'a»-starinas, sai toižen sijan «Liki russkoi provincii» - literaturprojektas «Pen' proza»-nominacijas.

Vodel 2009 г. läksi eloho Natalia Silakovan toine sarnoiden kogomuz vepsän kelel, miččen nimi om «Vauged ö», da ezmäine starinoiden kogomuz venän kelel «Začem zv'ozdam na nebo». Kirjad paindihe Karjalan man Rahvahaližen politikan da uskondsebroiden azjoiden ministerstvan rahatudel. Vepsän kelen opendajad lugeba nene kirjad urokoil ühtes lapsidenke da mugažo universitetas üläopenikoidenke.

Bibliografii avtoran polhe

  • Guščin, B. Katarsis Natalji Stomonahovoi/Boris Guščin//Sever.-2010.-№ 3/4.-L.41.-ISSN 0131-6222.-(Kirjpalič).
  • Mošnikov, О. I vs'o-taki reč o l'ubvi...: (Natalia Silakovan uden prozan polhe)/Oleg Mošnikov//Kodima.-Petroskoi, 2012.-№7.
  • Stomonahova, А. Ispitania - eto blago...: [pagin petroskolaižen kirjutajanke Aleksandra Stomonahovanke/pagiži Irina Larionova]//Licei.-2008.-Semendku (№5).-L.16.
  • Larionova, I. Ne prošlo i pol veka; Оn i ona: dialog v stihah; "Začem zv'ozdam na Zeml'u?"/Irina Larionova//Licei.-2009.-№12.-L.19.
  • Kukojeva, N. Linneb tarbhašt kaikile/Nadežda Kukojeva//Kodima.-2007.-Viluku (№ 1).
  • Abramov, N. Lugekat vepsläižid sarnoid!:["Vepsän man sarnad" da "Todesižed sebranikad"-kirjoiden ezituses]/Nikolai Abramov//Kodima.-2007.-Uhoku (№2).
  • Abramov, N. Sarnad vepsän kelel/Nikolai Abramov//Kipinä.-2007.-№4.-L.10.

Bibliografii

  • Stomonahova, N. Začem zv'ozdam na nebo?:[starinad]/ Natalia Stomonahova; [pirdai Margarita Jufa].-Petroskoi: Väževič А.S., 2009.-110 l.: kuvad - 4.lehtpolel:Natalia Jevgenjevna Silakova (peitnimi Natalia Stomonahova).-ISBN 978-5-904506-03-2.
  • Silakova, N. Vauged ö: [starinad: kesk'igäižiden da vanhembiden školan openikoiden täht]/Natalia Silakova;[vepsäks kändi Marina Ginijatullina].-Petroskoi:[ilman kuvita], 2009.-31, [1] l.: kuvad. - Vepsänkeline tekst. - Titullehtpolin tagapolel maketas: Vauged ö/Natalia Silakova. - Šmuscital.: Karjalan Valdkundan 90-vozipäiväks.

Proza:

  • Silakova, N. Todesižed sebranikad/Natalia Silakova; vepsäks kändi Marina Ginijatullina;[pirdai. А. Jufa].-Petroskoi: Periodika, 2006.- 31 l.: kuv.-Vepsänkeline tekst.-ISBN 5-88170-155-0.
  • Mošnikov, O. Kodiman vägi: [starinad]/Mošnikov Oleg, Silakova Natalja; kändai М.B. Ginijatullina, I.А. Sotnikova.-Petroskoi: Periodika, 2015. – 64 l. + 64 c.-Vepsänkeline tekst.-ISBN 978-5-88170-253-3.
  • Stomonahova, N. Začem zv'ozdam na nebo? [Elektronine resurs]/N. Stomonahova; lugeba: N. Silakova(avtor), I. Larionova; pirdai М. Jufa; änenohjandai D. Vel'tiščev.-Petroskoi: BU KRBS, 2015.-1 elektronine opt.disk (CD-ROM), 04 časud 18 minutad 01 sekundad); konteineras. - Minimaline pakičusen sistem: PK 486 libo ülemba; 8 Mb OZU, OS Windows; 4 СD-ROM diskovod; 16-bit än'kart; hir' libo СD-MP3 vändim.-Paindusenke: Petroskoi: Väževič А.S., 2009.-Igän röunatused: 16+.

Paindused kulehtesiš da kogomusiš:

  • Stomonahova, А. Blagodarnost':[starin]/Aleksandra Stomonahova//Sever.-2006.-№5/6.-L.244-245.
  • Stomonahova, А. Odinočestvo: starin/Aleksandra Stomonahova//Don.-2007.-№12.-L.64-68.-ISSN 0130-3562.
  • Stomonahova, А. I odin v pole voin: 4 starinad/Aleksandra Stomonahova//Sever.-2007.-№9/10.-L.172-185.
  • Stomonahova, А. Mladenec po zakazu: starin/Aleksandra Stomonahova//Sever.-2008.-№3/4.-L.147-152.-ISSN 0131-6222.-(Proza).
  • Stomonahova, N. Gončar: [starin]/Natalia Stomonahova//Sever.-2009.-№5/6.-L.159-161.-ISSN 01316222.-(Proza).
  • Stomonahova, N. Provincial'nii kontrdans: detektiv heredal kädel/Natalia Stomonahova//Sever.-2012.-№7/8.-L.108-135.-ISSN 01316222.-(Proza).
  • Stomonahova, N. Severnaja Judol': starin/Natalia Stomonahova//Sever.-2016.-N3/4.-L.46-62.
  • Silakova, N. «Sosna; Aino; Lesnaja raduga; Novogodnee čudo»: sarnad/Natalia Silakova; om kätud tegijan vepsän kelespäi; pirdai Margarita Jufa//Sever.-2017.-N11/12.-L.170-176.
  • Silakova, N. Sini ja puna: [satu]/Natalia Silakova; suom. Armas Mašin//Kipinä.-2004.-№11.-S.4-5.
  • Silakova, N. Syysjänöni: [satu karjalan kielellä]/Natalia Silakova; Kiänti Raisa Remsujeva//Kipinä.-2004.-№9.-S.8-9.
  • Silakova, N. Uden voden čud: [satu]/Natalia Silakova; kändi Marina Ginijatullina//Kipinä.-2005.-№12.-S.11.
  • Silakova, N. Padanik: [satu]/Natalja Silakova; kändi Marina Ginijatullina//Kipinä.-2005.-№11.-S.8-9.
  • Silakova, N. Sebrastihezoi: [satu]/Natalia Silakova; kändi Marina Ginijatullina//Kipinä.-2005.-№10.-S.7.
  • Silakova, N. Tähthkaz vihm: [satu]/Natalia Silakova; kändi Marina Ginijatullina//Kipinä.-2005.-№9.-S.5.–Tekst veps.
  • Silakova, N. Ruusu ja tammi: [satu]/Natalia Silakova; suom. Armas Mašin//Kipinä.-2005.-№7/8.-S.15.
  • Silakova, N. Rasvakatti Tim: [satu]/Natalja Silakova; Kiänti Olga Melentjeva//Kipinä.-2005.-№5/6.-S.12.
  • Silakova, N. Valoisa yö: [kertomus]/Natalia Silakova; suom. Armas Mašin; piir. Margarita Jufa//Kipinä.-2006.-№12.-S.10-11.
  • Silakova, N. Vahn pert': [kerdomus]/Natalia Silakova; kändi Marina Ginijatullina//Kipinä.-2006.-№10.-S.14-15.
  • Silakova, N. Majakka: [kertomus]/Natalia Silakova; suom. Armas Mašin//Kipinä, 2006.-№7/8.-S.18-19.
  • Silakova, M. St'opa: [satu]/Natalia Silakova; kandi Marina Ginijatullina//Kipinä.-2006.-№3.-S.10-11.
  • Silakova, N. Delfiini: [kertomus]/Natalja Silakova; suom. Armas Mašin//Kipinä.-2007.-№10.-S.6-7.
  • Silakova, N. Sieniretki: [kertomus]/Natalja Silakova; suom. Armas Mašin//Kipinä.-2007.-№9.-S.6-7.
  • Silakova, N. Meckoir: [sanutez]/Natalia Silakova; kiändi Marina Ginijatullina//Kipinä.-2008.-№2.-S.11.
  • Silakova, N. Aino: [satu]/Natalia Silakova; suom. Tatjana Titova//Kipinä.-2009.-№1.-S.6-7.- Tekst suom.
  • Silakova, N. Pedai: [sarn]/Natalja Silakova; kändi Marina Ginijatullina//Kipinä.-2009.-№ 12.-S.16-17.-Tekst veps.
  • Silakova, N. Vedehižehut: [sarn]/Natalja Silakova; kändi Marina Ginijatullina//Kipinä.-2009.-№10.-S.10-11.-Tekst veps..
  • Silakova, N. Čuhundus: [sarn]/Natalia Silakova; vepsäks kändi Marina Jevsejeva//Kipinä.-2010.-№8.-S.16-17.-ISSN 0235-134X.-Tekst veps.
  • Silakova, N. Kaksoishyvä: [kertomus]/Natalja Silakova; suom. Tatjana Titova; kuv.Margarita Jufa//Kipinä.-Petroskoi,2011.-№7.-S.4-5.-ISSN 0235-134X.-Tekst suom.
  • Silakova, N. Il’bez/Natalja Silakova; vepsäks kändi Marina Ginijatullina// Verez tullei, 2011: al'manah/toim.Larisa Čirkova [и др.].-Petroskoi, 2011.–S.53-56.- Tekst veps.-ISBN 978-5-88170-216-8.
  • Silakova, N. Kaksoishyvä: [kertomus]/Natalja Silakova; suom. Tatjana Titova; kuv. Margarita Jufa//Kipinä.-Petroskoi, 2011.-№7.-S.4-5.-ISSN 0235-134X.-Tekst suom.
  • Stomonahova, N. Kengät; Savenvalaja; Narttu: [kertomuksia]/Natalja Stomonahova; suom. Johannes Hidman//Carelia.-Petroskoi, 2012.-№1.-S.102-118.-ISSN 0868-6513.-Tekst suom.
  • Silakova, N. Mitte om «koiranemä»?; Uhoitud külä/Natalia Silakova; vepsäks kändi Marina Ginijatullina//Verez tullei, 2012: al'manah/toim. Marina Ginijatullina [da toižed].-Petroskoi, 2012.-L.53-63.-Tekst veps.-ISBN 978-5-88170-223-6.
  • Silakova, N. Külälaine karg: detektiv/Natalia Silakova; vepsäks kändi Marina Ginijatullina//Verez tullei, 2013: al'manah/toim. Marina Ginijatullina [da toižed].-Petroskoi, 2013.-C.8-35.-Tekst veps. - ISBN 978-5-88170-231-1.
  • Silakova,N. Lind-manitai/Natalja Silakova; kändi Galina Baburova; pirdi Margarita Jufa//Kipinä.-2013.-N 12.-18-20.
  • Silakova, N. Valdan simvol; Mustikoiden aig/Natalja Silakova; vepsäks kändi Irina Sotnikova//Verez tullei, 2015: al'manah/toim. Marina Ginijatullina da toižed. - Petroskoi, 2015. - L. 97-98. - Tekst veps. - ISBN 978-5-88170-247-2.
  • Silakova, N. Pohjoine voikai sar: kirjutajan sadan/Natalia Silakova; kändi vepsäks Marina Ginijatullina//Verez tullei. - Petroskoi, 2016 . - S. 37-54. - Tekst veps. - ISBN 978-5-88170-273-1.
  • Silakova, N. Rašvakatti Tim/ Natalja Silakova; kiänti Olga Melentjeva; piiruššsukšet Olga Demidova//Kipnä.- 2016.- N 11.- S. 8-9.-Tekst karj.
  • Silakova, N. Sundukiżand: (sarn)/Natalja Silakova//Verez tullei, 2021. - S. 102-104.-(Carelia № 3). - Tekst veps.
  • Silakova, N. Sarnad ”Nel’l’ dölod” kirjaspai/Natalia Silakova//Verez tullei: al'manah.-Petroskoi, 2022. - S. 108-111. - Tekst veps.-(Carelia № 3).

Pauklahjad

  • Karjalan Valdkundan Rahvahaližen da regionaližen ministerstvan kitändkirjeine (2019),
  • Karjalan Valdkundan Rahvahaližen da regionaližen ministerstvan arvkirjeine (2019),
  • Venäman Londuzvaroiden da ekologian ministerstvan arvkirjeine (2020),
  • "Armastuz Pohjoižehe" - medal' (2021),
  • Voden 2022 laureat (2022),
  • Karjalan parlamentan kitändkirjeine (2022),
  • Karjalan man kul'turobjektoiden kaičendan ohjandusen kitändkirjeine (2022),
  • Karjalan Valdkundan Londuzvaroiden da ekologian ministerstvan arvkirjeine (2022).

Tarkendused

Homaičendad

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.
Om sadud "https://vep.ruwiki.ru/w/index.php?title=Natalia_Silakova&oldid=195148"