Himjogi

Рувики-späi
Necil sanal oma toižed znamoičendad, kacu Himjogi (jogi).
Külä
Himjogi
veps.: Himd'ogi, ven.: Гимрека
Gimreka 002 7969.jpg
61°09′07″ с. ш. 35°37′04″ в. д.GЯO
Valdkund  Venäma
Venäman subjekt Piterin agj
Rajon Podporožjen rajon
Lidnalaine küläkund Voznesenjen lidnalaine küläkund
Istorii da geografii
Enččed nimed Him-jogel, Hem-jogel, Him-Jogi, Alamägi
Eläjad
Eläjad 91[1] ristitud (2017)
Rahvahad Venälaižed, Vepsläižed
Lugu-identifikatorad
Telefonan kod +7 81365
Počtan indeks 187780
Kod ОКАТО 41236558004
Kod ОКТМО 41636158116
Прочее
Himjogi (Россия)
Точка
Himjogi
Точка
Логотип РУВИКИ.Медиа Mediafailad RUWIKI-tedoiš

Himjogi (ven.: Ги́мрека[2]) — külä Voznesenjen lidnalaižes küläkundas Podporožjen rajonas Piterin agjas. Ezmäine johtutez Himjogi-külän polhe oli vodel 1496.

Istorii

Johtutadas vodel 1496 Oštan pagastal, kut külä Himjogel, Himjogen tanhal Antonjevan monastiriš.

Vodel 1563 kut külä Himža-jogel om tühj.

Johtutadas mugažo vozil 1582, 1648 da 1678 kut külä Him-jogel Himjogen tanhan Časoun'an prihodas[3].

HIM-JOGI (küläd: Himjogen Pagast, Novinka da Manilovskaja) — külä Him-jogel, tanhoiden lugumär — 43, eläjiden lugumär: 124 mužikad, 158 akad; Kaik oma čud'-heimon ezitajad. Pühäpert' om ortodoksine (voz' 1873)[4].

Keskmäižen statistižen komitetan kogomuses küläs oli kirjutadud muga:

HIMJOGI — enzne garnizonnii külä, 40 tanhad, 278 eläjad; časoun', lauk, mel'nic (voz' 1885)[5].

Oloncan gubernijan eländtahoiden lugetiž:

HIMJOGI — Ščeleikad-Himjogen sel'skijan kundan külä Äniženno, eläjad oma maorjad: 75 pertid, 82 kanzad, 169 mužikad, 173 akad; 55 hebod, 151 lehmäd, 91 tošt. Škol (voz' 1905)[6].

XIX — XX voz'sadoil külä mülüi administrativižesti ezmäižen stanan Šoutjärv'-Randan volostihe Petroskoin ujezdaha Oloncan gubernijaha.

Vozil 1917-1920 külä mülüi Šoutjärv'-Randan volostihe Petroskoin ujezdaha Oloncan gubernijaha.

Vodelpäi 1920 oli Himjogen sel'sovetas Šoutjärv'-Randan volostiš Pöudon ujezdas.

Vodelpäi 1922 oli Voznesenjen volostiš Leningadan gubernijas.

Vodelpäi 1927 oli Voznesenjen rajonas. Vodel 1927 külän eläjiden lugumär oli 34 mest.

Voden 1933 tedoiden mödhe Himjogi-külä oli Himjogen sel'sovetan administrativižen keskusen Voznesenjen rajonas, kuna mülüi 6 eländtahod: Volodarskaja-, Himjogi-, Ivanovskaja-, Urickaja-, Podščeleikad-, Ščeleikad-küläd, kus kaikes eli 1300 mest.

Voden 1936 tedoiden mödhe Himjogen sel'sovetaha, kus keskuz oli Ščeleikad-küläs, mülüi 5 küläd, 254 tanhad da 6 kolhozad.

Agjan administrativižiden tedoiden mödhe külän nimi oli mugažo Alamägi (ven.: Подгора).

1. sügüz'kuspäi vodelpäi 1941 - 31. semendkuhusai vodhesai 1944 külä oli suomalaižiden valdas.

Vodelpäi 1954 oli Podporožjen rajonas.

Vodelpäi 1963 oli Pöudon rajonas.

Vodelpäi 1965 möst oli Podporožjen rajonas. Vodel 1965 küläs eli 162 mest[7].

Voden 1966 tedoiden mödhe külä oli mugažo Himjogen sel'sovetaha[7].

Voziden 1973 da 1990 tedoiden mödhe Himjogi-külä mülüi Šustojan sel'sovetaha Podporožjen rajonaha[8][9].

Vodel 1997 Voznesenjen sel'sovetan Himjogi-küläs eli 90 mest, vodel 2002 — 85 mest (venänikad — 98 %)[10][11]

Vodel 2007 Voznesenjen lidnalaižen eländtahon Himjogi-küläs — 98 mest.

Geografii

Külä seižub rajonan homendezbokas 41К-147 avtodorogal (Petroskoi — Šušt).

Matk külän administrativižehe keskusehesai — 20 km.

Matk lähembaižehe Podporožje-raudtestancijahasai — 131 km[7].

Matk rajonkeskusehesai — 115 km[12].

Külä seižub läz Änižjärved da Himjoged.

Demografii

Himjogen pühäpert'. Voz' 2014
Eläjiden lugumär
2007[13]2010[14]2017[15]
98↘63↗91

Rahvahad

Venäman rahvahan kirjutamižen voden 2021 tedoiden mödhe küläs eli 61 mest, kaik oma venänikad[16].

Melentartuisijad

Himjogen pagastan ansambl'al om endevand udessündutadud ait, mitte ümbärdab kaiked territorijad. Ait om čaptud da om kattud kaks'poližel katusel. Äjiš sijoiš, enamba päivlaskmanpolespäi da pohjoižespäi ait om lujas kazvahtunu. Voib ozutadas, miše se lujas laskihe maha. Sijas, kus te mäneb pagastannoks, aitas om tehtud rüustod, rindal om čuhuziden sija.[17]

XIX voz'sadal pagast oli lujas vajehtadud, no XX voz'sadan lopus restovratorad pörziba pagastale sen ezmäine irdnägo.

Aitan keskuses seižub puine Bogorodican Raštvoiden šatrovii pühäpert'[ru], mitte oli sauvdud vodel 1659. Rindal om sömsija, tulda pühäpert'he voib pordhidme kahtes polespäi. Kaik pühäpert' om čomenzoitud erazvuiččil puspäi vesttud elementoil. Vosmerikan keskes - čaptud fronton, siš sijas, kus četverik vajehtase vosmerikš - völ üks'.

Kompleksan toine korged pert' om čuhuziden sija (kolokol'n'a). Sen sauvotuz ei ole jüged: alahan nellänik, mitte om lujas madal - vähäižen korktemba aitad, sil om korged kahesanik, mitte lopiše čuhusiden sijal da se om kattud šatral pänke. Aitas ümbri da sen südäimes läz kaikel sijal om kaumišt.

Bogorodican pühäpert' päpirdoiden mödhe om mugoine-žo kut Uspenjan pühäpert' Kondopogas. Himjogen pühäpertin päpird om siš, miše päpertin suruz' da kahesa seinäd oma ei edahan maspäi, a šat'or om lujas korged da hoik. Erased ikonad pühäpertin ikonostasaspäi oma Venäman muzejas[ru][18].

Melentartuižed

Himjogen külän maorj, Venä-japonialaižen voinan ühtnik, 123. Kozlovskijan polkan jefreitor Sergei Dmitrijevič Stafejev oli pauklahjoitud Pühän Georgijan voinordenan eriližel 4. stepenin znamal[19].

Sündnuded Himjoges

Fotokuvad

  • Bogorodican Raštvoiden pühäpert' (1659)

    Bogorodican Raštvoiden pühäpert' (1659)

  • Himjogen pagast

    Himjogen pagast

Irdad

Ivanovskan irdkujo, Kluban irdkujo, Uz' irdkujo, Petroskoin trakt[21].

Homaičendad

  1. ↑ Административно-территориальное деление Ленинградской области / Сост. Кожевников В. Г.. — Справочник. — СПб.: Инкери, 2017. — С. 147. — 271 с. — 3000 экз. Архивная копия от 14 keväz'kud 2018 на Wayback Machine Архивированная копия. Дата обращения: 29 heinkud 2018. Архивировано из оригинала 14 keväz'kud 2018 года.
  2. ↑ Муллонен И. И. Вепсские этнонимы:история и современность // История и традиционная культура народов Карелии / научный редактор докт. ист. наук И. Ю. Винокурова. — Петрозаводск: КарНЦ РАН, 2018. — С. 44-57. — 278 с. — ISBN 978-5-9274-0799-6.
  3. ↑ Карельский научный центр РАН. Материалы переписей Заонежских погостов конца XV — начала XVIII веков. С. 80. Дата обращения: 7 semendkud 2015. Архивировано 18 semendkud 2015 года.
  4. ↑ Олонецкая губерния: Список населенных мест по сведениям 1873 года / обраб. Е. Огородниковым; сост. и изд. Центр. стат. ком. М-ва внутр. дел. 1879. — 235 с. — С. 16. Дата обращения: 30 vilukud 2020. Архивировано 6 heinkud 2019 года.
  5. ↑ Волости и важнейшие селения европейской России. Выпуск VII. Губернии приозерной группы. СПб. 1885. С. 103
  6. ↑ Список населенных мест Олонецкой губернии по сведениям за 1905 год / Олонецкий губернский статистический комитет; составил И. И. Благовещенский. — Петрозаводск: Олонецкая губернская типография, 1907. — 326 с. — С. 38. Дата обращения: 30 vilukud 2020. Архивировано 27 vilukud 2020 года.
  7. ↑ 1 2 3 Административно-территориальное деление Ленинградской области / Сост. Т. А. Бадина. — Справочник. — Л.: Лениздат, 1966. — С. 81. — 197 с. — 8000 экз. Архивная копия от 17 redukud 2013 на Wayback Machine
  8. ↑ Административно-территориальное деление Ленинградской области. — Лениздат. 1973. С. 259. Дата обращения: 29 vilukud 2020. Архивировано 30 keväz'kud 2016 года.
  9. ↑ Административно-территориальное деление Ленинградской области. Лениздат. 1990. ISBN 5-289-00612-5. С. 100. Дата обращения: 29 vilukud 2020. Архивировано 17 redukud 2013 года.
  10. ↑ Административно-территориальное деление Ленинградской области. — СПб, 1997, ISBN 5-86153-055-6, С. 98
  11. ↑ Коряков Ю. Б. База данных «Этно-языковой состав населённых пунктов России». Ленинградская область. Дата обращения: 25 vilukud 2017. Архивировано 5 keväz'kud 2016 года.
  12. ↑ Архивированная копия. Дата обращения: 3 semendkud 2015. Архивировано из оригинала 17 redukud 2013 года.Архивированная копия. Дата обращения: 3 semendkud 2015. Архивировано из оригинала 17 redukud 2013 года.
  13. ↑ Административно-территориальное деление Ленинградской области: [справ.] / под общ. ред. В. А. Скоробогатова, В. В. Павлова; сост. В. Г. Кожевников. - СПб., 2007. - 281 с. Дата обращения: 26 sulakud 2015. Архивировано из оригинала 17 redukud 2013 года.
  14. ↑ Всероссийская перепись населения 2010 года. Ленинградская область. Дата обращения: 10 elokud 2014. Архивировано 22 uhokud 2014 года.
  15. ↑ Административно-территориальное деление Ленинградской области 2017 г. Дата обращения: 29 sulakud 2019.
  16. ↑ Коряков Ю. Б. База данных «Этно-языковой состав населённых пунктов России. Перепись 2020/21 года». Ленинградская область.
  17. ↑ Ансамбль Гиморецкого погоста.
  18. ↑ Смирнова Э. С.. По берегам Онежского озера. — Л.: Искусство, 1969.
  19. ↑ Кораблёв Н. А., Мошина Т. А. Георгиевские кавалеры Олонецкой губернии 1812—1917. Краткий справочник. — Петрозаводск, 2016. — 72 с.
  20. ↑ Стомонахова Наталья Евгеньевна (Силакова).
  21. ↑ Система «Налоговая справка». Справочник почтовых индексов. Подпорожский район Ленинградская область. Дата обращения: 21 elokud 2012. Архивировано из оригинала 4 keväz'kud 2016 года.

Tarkendused

Om sadud "https://vep.ruwiki.ru/w/index.php?title=Himjogi&oldid=464099"