Tomskan agj

Tomskan agj
Флаг[d] Герб[d]
58°45′00″ с. ш. 82°08′00″ в. д.
Valdkund	Venäma
Päkeskuz	Tomsk
Губернатор	Vladimir Mazur[d]
Istorii i geografii
Pind	316 900
Aigvö	KRAT[d], UTC+7:00[d] и Asia/Tomsk[d]
Ekonomik
Eläjad
Eläjad	▼1 043 385 чел. (2024)
Lugun identifikatorad
Kod ISO 3166-2	RU-TOM
Код ОКАТО	69
-
Oficialine sait(ven.)
lugeda • diskussii • redaktiruida

Tomskan agj (subjekt.

Se mülüb Sibirin federaližhe ümbrikho.

Agjan administrativine keskuz da kaikiš suremb lidn om Tomsk (agjan ristitišton läz pol't).

Keled

Valdkundkel' om üks'jäine — venäkel'.

Istorii

Tomskan agj om olmas vs 1944 elokun 13. päiväspäi.

Tomskan agjan Päkäskuz om vahvištadud vn 1995 26. päiväl heinkud agjan Valdkundaližen Duman ezitajil, om allekirjutadud gubernatoral sen-žo voden 31. päiväl heinkud da om väges äiluguižidenke vajehtusidenke.

Geografijan andmused

Tomskan agjan reljefan kart.

Agj röunatab Krasnojarskan randanke päivnouzmas, Kemerovon da Tümenin agjoidenke päivlaskmas, Tümenin agjan Hantin da Mansin avtonomiženke ümbrikonke päivlaskmas da pohjoižes. Tomskan agj om mererandatoi.

Pind om 314 391 km², sidä kesken Vasüganan so sijadase agjan päivlaskmpoles. Kaik joged mülüdas Obinjogen (Jävaldmeren) basseinha, nece jogi jagab agjad kahthe palaha suvipäivnouzmaspäi lodeheze.

Reljef om tazo alangoikaz. Klimat om ven kontinentaline. Heinkun keskmäine lämuz +17..+18 C°, vilukun lämuz −19..−21 C°. Paneb sadegid 450..700 mm vodes, lumikate oleleb 60..80 santimetrhasai kortte.

Londuseližed varad oma bur hil' (1nz' sija Venämas), turbaz (2nz' sija), metallad (sauvondmaterialad (mouckivi, saved, letked, gravii), mec, reskvezi.

Tobmuz

Agjan Duman, gubernatoran da Administracijan pert' Tomskas.

Agjan pämez' nimitase gubernatoraks. Sergei Žvačkin radab gubernatoran vs 2012 keväz'kun 17. päiväspäi, agjan Käskusenandajan Duman ühtnijad panihe händast eziauguižešti radnikusele Venäman prezidentan taričendan mödhe. Kaik rahvaz änestab gubernatorad videks vodeks. Gubernator om mugažo agjan Administracijan pämez', hän märičeb sen strukturad da paneb sen ühtnijoid radnikusile. Koumetoštkümne varagubernatorad da Administracijan azjoiden ohjandai oma hänele abhu. Hö ühtetas Administracijan Kollegijha gubernatoranke pämeheks.

Tomskan agjan üks'kodine parlament om Käskusenandai Dum (edel vn 2011 vilukud — agjan Valdkundaline Dum). Kaik rahvaz valičeb sen 42 ezitajad videks vodeks. Oksana Kozlovskaja radab Käskusenandajan Duman ezimeheks vs 2011 tal'vkun 20. päiväspäi.

Radonoigendai tobmuz om Tomskan agjan Administracii. Agjan departamentad, komitetad, ohjandused da inspekcijad alištudas Administracijale.

Käskusenandajan Duman ühtnijoiden järgenduseližed valičendad oliba vn 2016 18. päiväl sügüz'kud (6. kucund). Valitihe gubernatorad vn 2017 10. päiväl sügüz'kud, nügüdläine gubernator sai vägestust ezmäižes turas (60,58% änid) da radab kahtenden strokun jäl'geten.

Eläjad

Vn 2010 Venäman rahvahanlugemižen mödhe eläjiden lugu oli 1 047 394 ristitud. Kaikutte seičemenz' eläi kümnespäi om lidnalaine.

Kaik om kuz' lidnad agjas da 1 lidnanvuitte žilo. Toine järed lidn (enamba 100 tuh. eläjidenke) om Seversk, Tomskan lodehline ezilidn. Vl 2017 kaik oli 5 eländpunktad enamba mi 10 tuh. eläjidenke.

Rahvahad (enamba 0,4% vl 2010): saksalaižed — 0,8%, azerbaidžanlaižed — 0,4%, čuvašalaižed — 0,4%, uzbekalaižed — 0,4%, toižed rahvahad — 2,9%, rahvahuden ozutandata — 4,3%.

Erased toižed igähižed rahvahad oma sel'kupalaižed — 1181 rist. (0,11%), hantilaižed — 718 rist. (0,07%), čulimalaižed — 204 rist. (0,02%), ketalaižed — 141 rist. (0,01%), evenkalaižed — 95 rist. (0,01%), mansilaižed — 22 rist. (0,002%).

Homaičendad

Irdkosketused

• Tomskan agjan gubernatoran da Administracijan oficialine portal (tomsk.gov.ru). (ven.)  (angl.) (saks.)
• Tomskan agjan Käskusenandajan Duman oficialine sait (duma.tomsk.ru). (ven.)  (angl.) (saks.) (kit.)