Streževoi
| Streževoi | |||
|---|---|---|---|
.jpg) | |||
|
|||
| 60°44′00″ с. ш. 77°35′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1966 | ||
| Высота | 40 | ||
| Aigvö | OMST[d][1][2] da KRAT[d][1] | ||
| Eläjad | |||
| Eläjad |
|
||
| Lugud | |||
| Telefonan kod | 38259 | ||
| Počtan indeksad | 636780 | ||
|
|
|||
| Официальный сайт | |||
 Mediafailad RUWIKI-tedoiš | |||
Streževoi (ven.: Стрежево́й) om Venäman lidn da lidnümbrik (vspäi 2004) Tomskan agjan lodehes. Se om agjan koumanz' eländpunkt eläjiden lugun mödhe, om ümbärtud Aleksandrovskojen rajonal.
Istorii
Ende hantin küläd i kalanpüdajiden Streževoje-külä (vspäi 1932) oliba olmas necil sijal. Nügüdläižen eländpunktan aluz om pandud vl 1966 kuti kivivoin sadajiden žilo, nimitihe külän mödhe. 1960-nziden voziden lopus tedotihe žilod kaiken NSTÜ:n Komsomolan udarnikoiden sauvondaks. Radnikžilo sai lidnan statusad agjan alištusenke vn 1978 5. päiväl sulakud.
Streževoi šingotase kivivoin tedištelendal da samižel sen ümbrištos, kivivoinümbriradajal tegimel, kivivoin samižmašiništon tegimel, gazanveimiden i kivivoiveimiden sauvondan da holitusen (lendimport) edheotandoil.
Geografijan andmused
Lidn sijadase Obinjogen oiktan Pasol-hijaman oiktal randal, 41 m ü.m.t. keskmäižel korktusel. Matkad Hantin da Mansin avtonomižen ümbrikon röunhasai om 10 km pohjoižhe orhal, Tomskhasai om 635 km suvipäivnouzmha orhal, 2 416 km avtotedme (tal'vte om olmas) vai Obin ülezjogen. Lähembaine lidn da raudtestancii om Nižnevartovsk (Hantin da Mansin avtonomine ümbrik) 63 km lodeheze avtotedme. Jogiport sijadase kudes kilometras lidnaspäi, lendimport eläb bankrotnendan proceduras läbi vspäi 2016.
Streževoi om lidnümbrikon üks'jäižeks eländpunktaks. Lidnankundan pind — 212,97 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 42 219 ristitud. Kaik 41 733 eläjad oli lidnas vl 2017. Kaikiš suremb lidnan ristitišt oli enamba 40 tuhad eläjid vll 1989−2020 (44 600 rist. vl 1998 i 44 693 rist. vl 2009).
Ortodoksižen hristanuskondan kaks' jumalanpertid[4] oma saudud: ph. Mikulai-čudonsädajan (2006) i Sibirin Kaikiden Pühämehiden (letihe vll 1992−1993). Protestantizman «Elon vajeh»-keskuz i islaman «Al'-Hajat»-pühäpert' oma avaitud lidnas mugažo.
Professionaližen opendusen aluzkundad: «Tomskneft'»-kompanijan openduzkombinat, Žirnovskan kivivointehnikuman filial, Tomskan tegimištoliž-gumanitarižen kolledžan filial[5], üläopendusen aluzkundoiden koume filialad (Piter, Tümen').
Edeline lidnümbrikon pämez' om Valerii Harahorin (keväz'ku 2009 — sügüz'ku 2021).
Galerei
Lidnan administracijan sauvuz (2011)
- Strezhevoy Oil Refinery plant - panoramio.jpg
Streževoin kivivoiümbriradai tegim («Tomskneft'») vl 2011
Čomamahtoiden «Sovremennik»-pert'kulu (2011, Aigalaine)
- Стрежевой, СОК "Нефтяник" ( Спортивно Оздоровительнй Комплекс) - panoramio.jpg
Sportivine «Neftänik»-tervehtamižkompleks (2011, Kivivoinik)
Streževoi-lendimportan sauvuz vl 2013
.JPG)
.JPG)
.jpg)
Homaičendad
- ↑ 1 2 Федеральный закон от 26.04.2016 № 109-ФЗ (рус.) — 2016.
- ↑ Resolution No. 246 of the Government of the Russian Federation (рус.) // Российская газета — Россия: 2002. — ISSN 1606-5484; 1560-0823
- ↑ https://tmsk.gks.ru/storage/mediabank/01.09.xlsx
- ↑ Streževoin pühäpertid sobory.ru-saital. (ven.)
- ↑ Streževoin filial Tomskan tegimištoliž-gumanitarižen kolledžan tgpgk.tomsk.ru-saital. (ven.)
Irdkosketused
- Lidnan tobmuden aluzkundoiden oficialine sait (admstrj.ru). (ven.)
- Lidnan kul'turkompleksan sait (strezh-msk.ru). (ven.)
| Tomskan agjan lidnad | ||
| Asino | Kedrovii | Kolpaševo | Seversk | Streževoi | Tomsk | ||