Kolpaševo

Kolpaševo
Kolpaševo
	Герб
	58°19′00″ с. ш. 82°55′00″ в. д.GЯO
Valdkund	Venäma;
Istorii da geografii
Pind	266;
Высота	65
Aigvö	OMST[d] da KRAT[d]
Eläjad
Eläjad	▼20 824 чел. (2021);
Lugud
Telefonan kod	38254
Počtan indeksad	636460
	Официальный сайт
	Mediafailad RUWIKI-tedoiš

Kolpaševo (ven.: Колпа́шево) om Venäman lidn da lidnankund Tomskan agjan keskuzpalas. Se om Kolpaševon rajonan administrativine keskuz.

Istorii

Eländpunktan aluz om pandud 17. voz'sadan augotišes, nimitihe alusenpanijoiden Kolpašnikovad-valdkundmehiden kanzannimen mödhe. Vspäi 1878 oli žiloks, 1933 kätihe radnikžiloks. Kolpaševo sai lidnan statusad vl 1938. Oli Nariman ümbrikon administrativižeks keskuseks (1932−1944). Vll 1941−1943 Novosibirskan pedagogine institut oli evakuiruidud tänna, ičeze opendajiden institut oli avaitud vl 1940 i oli olmas vhesai 1956.

Kolpaševo šingotase «Metallist»-kabel'tegimel i sömtegimištol (leibänkombinat, kalategim, mineralvezi), gazanveimiden sauvondan da holitusen (lendimport) edheotandoil.

Geografijan andmused

Lidn sijadase Obinjogen oiktal randal, 65 m ü.m.t. keskmäižel korktusel. Matkad Tomskhasai om 237 km suvipäivnouzmha orhal, 318 km avtotedme vai Obin ülezjogen. Toižed lähembaižed lidnad oma Asino 240 km i Seversk 224 km suvipäivnouzmha orhal, Kedrovii 215 km suvipäivlaskmha orhal vai 380 km avtotedme (sidä kesken tal'vtedme). Lähembaine raudtestancii sijadase Vauged Jar-žilos 145 km päivnouzmha avtotedme.

Togur-žilo (7 051 rist. vl 2015) da kaks' pen't küläd (Volkovo, Sever) mülüdas lidnankundha Kolpaševon ližaks. Lidnankundan pind — 909,06 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 24 124 ristitud, lidnankundan — 32 001 ristitud, rajonan nell' videndest. Kaikiš suremb lidnan ristitišt oli 31 319 eläjad vl 1989. Vl 2017 kaik 23 272 ristitud elihe lidnas i 30 502 ristitud kaikes lidnankundas.

Ortodoksižen hristanuskondan Sündun Voznesen'jan kafedraline päjumalanpert'^[5] om saudud vll 2005−2013.

Professionaližen opendusen aluzkundad: Kolpaševon socialiž-tegimištoline kolledž^[6], Tomskan maižanduztehnikuman filial, Tomskan medicinižen i pedagogižen kolledžiden filialad.

Galerei

TV-mačt Kolpaševo-lidnas (2014)
Ehtatim Obiš päliči vl 2011

Homaičendad

↑ ¹ ² Федеральный закон от 26.04.2016 № 109-ФЗ (рус.) — 2016.
↑ Resolution No. 246 of the Government of the Russian Federation (рус.) // Российская газета — Россия: 2002. — ISSN 1606-5484; 1560-0823
↑ Федеральный закон от 03.07.2016 № 271-ФЗ (рус.) — 2016.
↑ https://tmsk.gks.ru/storage/mediabank/01.09.xlsx
↑ Kolpaševon pühäpertid sobory.ru-saital. (ven.)
↑ Kolpaševon socialiž-tegimištoližen kolledžan sait (kspk-kolpashevo.ru). (ven.)

Irdkosketused

Lidnan tobmuden aluzkundoiden oficialine sait (kolpsite.ru). (ven.)

	Tomskan agjan lidnad
	Asino \| Kedrovii \| Kolpaševo \| Seversk \| Streževoi \| Tomsk

[_a35120a701bf2073-1] ¹ ² Федеральный закон от 26.04.2016 № 109-ФЗ (рус.) — 2016.

[_474548988245d9d7-2] Resolution No. 246 of the Government of the Russian Federation (рус.) // Российская газета — Россия: 2002. — ISSN 1606-5484; 1560-0823

[_8563f5084c092cb2-3] Федеральный закон от 03.07.2016 № 271-ФЗ (рус.) — 2016.

[_6754f3980f6f8ff9-4] ttps://tmsk.gks.ru/storage/mediabank/01.09.xlsx

[5] Kolpaševon pühäpertid sobory.ru-saital. (ven.)

[6] Kolpaševon socialiž-tegimištoližen kolledžan sait (kspk-kolpashevo.ru). (ven.)

[1]

[2]

[3]

[4]

[5]

[6]