Rostovan agj
| Rostovan agj | |||||
 | |||||
| |||||
| Valdkund | |||||
|---|---|---|---|---|---|
| Päkeskuz | |||||
| Губернатор | |||||
| Istorii i geografii | |||||
| Pind |
| ||||
| Aigvö | |||||
| Ekonomik | |||||
| Eläjad | |||||
| Eläjad |
| ||||
| Lugun identifikatorad | |||||
| Kod ISO 3166-2 |
RU-ROS | ||||
| Код ОКАТО | |||||
| - | |||||
|
| |||||
|
Oficialine sait(ven.) | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Rostov_Oblast.svg)
![Герб[d]](/wiki/Fail:Coat_of_arms_of_Rostov_Oblast.svg)
Rostovan agj (subjekt.
Se mülüb Federaližhe suviümbrikho.
Agjan pälidn da kaikiš suremb lidn om Rostov Donal.
Keled
Valdkundkel' om üks'jäine — venäkel'.
Istorii
Rostovan agj om olmas vs 1937 sügüz'kun 13. päiväspäi.
Rostovan agjan Päkäskuz[4] om vahvištadud vn 1996 19. päiväl sulakud Käskusenandajan Suiman ezitajil, tuli väghe sen-žo voden 29. päiväl semendkud da om väges nügüd' äiluguižidenke vajehtusidenke.
Geografijan andmused
Agj röunatab Kalmikijan Tazovaldkundanke, Stavropolin da Krasnodaran randoidenke suves, Ukrainanke päivlaskmas (sen Doneckan da Luganskan agjoidenke), Azovmeri.
Pind om 100 967 km², sidä kesken mustma otab territorijan kaks' koumandest, stepin zonha. Znamasine jogi om Don sen ližajogidenke (Manič, Severskijan Donc, Sal, Čir da tž.). Kaikiš suremb vezišt om ratud Cimlänskan vezivaradim (24 km³) Volgogradan agjanke röunal.
Reljef om kukhikaz tazangišt. Donan kukkazsel'g om agjan pohjoižes.
Klimat om ven. Heinkun keskmäine lämuz om +23 C°, vilukun lämuz om −7 C°. Paneb sadegid 650 mm päivlaskmas da 400 mm päivnouzmas.
Londuseližed varad oma sauvondmaterialad (mouckivi, mel, sauvondkivi, saved, letked), gidroenergii.
Tobmuz
Agjan pämez' nimitase gubernatoraks. Vasilii Golubev radab gubernatoran vs 2010 kezakun 14. päiväspäi. Kaik rahvaz änestab händast videks vodeks. Gubernator om mugažo agjan Ohjastusen ezimez', hän märičeb sen strukturad da paneb Ohjastusen ühtnijoid radnikusile. Üks' Ohjastusen varaezimez', üks' ezmäine varagubernator da kuz' muite varagubernatorad oma hänele abhu.
Rostovan agjan üks'kodine parlament om Käskusenandai Suim. Kaik rahvaz valičeb sen 60 ezitajad videks vodeks. Aleksandr Iščenko radab Käskusenandajan Suiman ezimeheks vs 2016 redukun 6. päiväspäi.
Radonoigendai tobmuz om Rostovan agjan Ohjastuz. Agjan ministrused, departamentad, ohjandused, komitetad, radnikoičendad da inspekcijad alištudas Ohjastusele.
Vn 2015 13. päiväl sügüz'kud valitihe gubernatorad, nügüdläine gubernator sai vägestust ezmäižel tural (78,21% änid) da radab kahtenden strokun. Käskusenandajan Suiman ühtnijoiden järgenduseližed valičendad oliba vl 2013 sügüz'kun 8. päiväl (5. kucund).
Eläjad
Vl 2010 Venäman rahvahanlugemižen mödhe eläjiden lugu oli 4 277 976 ristitud[5]. Kaikutte kahtenz' eläi koumespäi om lidnalaine.
Kaik om kaks'kümne koume lidnad agjas da 25 lidnanvuittušt žilod. Toižed järedad lidnad (enamba 100 tuh. ristituid vl 2015, surembaspäi penembha): Taganrog, Šahti, Novočerkassk, Volgodonsk, Bataisk, Novošahtinsk.
Rahvahad (enamba 0,4% vl 2010): turkad — 0,8%, azerbaidžanlaižed — 0,4%, čiganalaižed — 0,4%, vaugedvenälaižed — 0,4%, toižed rahvahad — 3,1%, rahvahuden ozutandata — 1,8%.
Homaičendad
- ↑ Об исчислении времени — Government of Russia, 2011.
- ↑ https://data.iana.org/time-zones/tzdb-2021e/europe
- ↑ 1 2 https://rosstat.gov.ru/storage/mediabank/OkPopul_Comp2024_Site.xlsx
- ↑ Rostovan agjan Päkäskusen tekst. — Constitution.garant.ru. (ven.)
- ↑ Venäman kaikenaigaine ristitišt vl 2010. — Rosstat (gks.ru). (ven.)
Irdkosketused
- Rostovan agjan gubernatoran da Ohjastusen oficialine portal (donland.ru). (ven.) (angl.)
- Rostovan agjan Käskusenandajan Suiman oficialine sait (zsro.ru). (ven.) (angl.)
| Rostovan agjan lidnad | ||
| Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk | ||