Astrahanin agj
| Astrahanin agj | |||||
 | |||||
| |||||
| Valdkund | |||||
|---|---|---|---|---|---|
| Päkeskuz | |||||
| Губернатор | |||||
| Istorii i geografii | |||||
| Pind |
| ||||
| Aigvö | |||||
| Ekonomik | |||||
| Eläjad | |||||
| Eläjad |
| ||||
| Lugun identifikatorad | |||||
| Kod ISO 3166-2 |
RU-AST | ||||
| Код ОКАТО | |||||
| - | |||||
|
| |||||
|
Oficialine sait(ven.) | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Astrakhan_Oblast.svg)
![Герб[d]](/wiki/Fail:Coat_of_Arms_of_Astrakhan_Oblast.svg)
Astrahanin agj (subjekt.
Se mülüb Federaližhe suviümbrikho.
Agjan pälidn da kaikiš suremb lidn om Astrahan' (agjan ristitišton läz pol't).
Keled
Valdkundkel' om üks'jäine — venäkel'.
Istorii
Astrahanin agj om olmas vs 1943 tal'vkun 27. päiväspäi.
Astrahanin agjan Päkäskuz[3] om vahvištadud vn 2007 9. päiväl sulakud Agjan Duman ezitajil da om väges nügüd' äiluguižidenke vajehtusidenke. Se vajehti endišt Päkäskust, kudamb oli vahvištadud vn 1997 28. päiväl keväz'kud.
Geografijan andmused
Astrahanin agj levigandeb Ahtuban alangištos. Agj röunatab Päivlaskmaiž-Kazahstanan agjanke), Kalmikijan Tazovaldkundanke päivlaskmas da Kaspijan meri.
Reljef om kukhikaz lodehes da alangoikaz suves. Kaikiš korktemb čokkoim om Sur' Bogdo-kukkaz (161,9 m). Kaikiš alahaižemb om Kaspijan meren kendäk (−27 m).
Klimat om kontinentaline kuiv. Keza om räk. Tal'vel sulasä oleskeleb paksus. Paneb sadegid 200..300 mm vodes, sulakul-heinkul tobjimalaz.
Londuseližed varad oma sauvondgips, keitandsol.
Tobmuz
Agjan pämez' nimitase gubernatoraks. Aleksandr Žilkin radab gubernatoran vs 2004 tal'vkun 23. päiväspäi. Kaik rahvaz änestab händast videks vodeks, enamba kaht strokud jäl'geten ei sa. Gubernator om mugažo agjan Ohjastusen pämez', hän märičeb sen strukturad da paneb Ohjastusen ezimest radnikusele sättutaden parlamentanke.
Astrahanin agjan parlament om Agjan Dum. Kaik rahvaz valičeb sen 58 ezitajad videks vodeks, vaiše 19 heišpäi sab rata kaikenaigašti. Igor' Martinov radab Duman ezimeheks vs 2016 sügüz'kun 26. päiväspäi.
Radonoigendai tobmuz om Astrahanin agjan Ohjastuz. Rasul Sultanov radab Ohjastusen ezimeheks vs 2017 sulakun 27. päiväspäi, hän-žo om varagubernatoraks. Agjan ministrused, agentused da radnikoičendad alištudas Ohjastusele.
Vn 2014 14. päiväl sügüz'kud valitihe gubernatorad, nügüdläine gubernator sai vägestust ezmäižel tural (75,28% änid) da radab koumanden strokun. Agjan Duman ühtnijoiden järgenduseližed valičendad oliba vn 2016 18. päiväl sügüz'kud.
Eläjad
Vn 2010 Venäman rahvahanlugemižen mödhe eläjiden lugu oli 1 010 073 ristitud[4]. Kaikutte kahtenz' ristit koumespäi om lidnalaine.
Kaik om kuz' lidnad agjas, 7 lidnanvuittušt žilod i 428 külähišt eländpunktad.
Rahvahad (enamba 0,5% vl 2010): azerbaidžanlaižed — 0,8%, nogailaižed — 0,8%, čečenalaižed — 0,7%, kalmikalaižed — 0,7%, čiganalaižed — 0,5%, avarad — 0,5%, toižed rahvahad — 3,2%, rahvahuden ozutandata — 9,4%.
Homaičendad
- ↑ Бабушкин побеждает на выборах губернатора Астраханской области с 75,64% голосов (рус.) // Коммерсантъ — Коммерсантъ, 2019. — ISSN 1563-6380; 1561-347X
- ↑ 1 2 https://rosstat.gov.ru/storage/mediabank/OkPopul_Comp2024_Site.xlsx
- ↑ Astrahanin agjan Päkäskusen tekst // Constitution.garant.ru. (ven.)
- ↑ Venäman kaikenaigaine ristitišt vl 2010. — Rosstat (gks.ru). (ven.)
Irdkosketused
- Astrahanin agjan da sen Ohjastusen oficialine portal (astrobl.ru). (ven.)
- Astrahanin agjan gubernatoran oficialine sait (jilkin.ru). (ven.)
- Astrahanin agjan Duman oficialine sait (astroblduma.ru). (ven.) (angl.) (vaug.) (ukr.)
| Astrahanin agjan lidnad | ||
| Ahtubinsk | Astrahan' | Harabali | Kamizäk | Narimanov | Znamensk | ||