Harabali

Harabali
Флаг[d] Герб
47°24′ с. ш. 47°15′ в. д.
Valdkund	Venäma
Istorii da geografii
Tegemižen päiv	1789
Pind	25
Высота	0
Aigvö	UTC+4:00[d], MSD[d] da SAMT[d]
Eläjad
Eläjad	▲18 514 чел. (2021)
Lugud
Telefonan kod	85148
Počtan indeksad	416010
Официальный сайт
Mediafailad RUWIKI-tedoiš

Harabali (ven.: Харабали́, kaz.: Қарабайлы) om Venäman lidn da lidnankund Astrahanin agjan keskuzpalas. Se om Harabalin rajonan administrativine keskuz, mülüb sihe.

Istorii

Endevanhan Sarai-Batu-pälidnan rujod oma olmas 40 km suvhe lidnaspäi.

Eländpunktan aluz om pandud kuti Harabalinskoje-külä vodes 1789 korktal kukhal, pagenuded manmehed Venäman mustmanregionaspäi elänzoitiba siš. Nimi om sündnu kalmikan kelespäi (znamoičeb «must kukkaz») vai enččen kazahižen Karabaili-aulan mödhe. Žilo sai lidnan statusad vl 1974.

Harabali om maižanduzrajonan keskuz (sidä kesken plodukahad sadud, kalanpüdand), šingotase lindfabrikal. Toižed sarakod oma mecan ümbriradmine (mebel', pumaterialad) da sen udessündutand, sauvondmaterialiden tehmine. Nevondkundaližen aigan konservtegim oli saudud edel Surt sodad, sid' sömkombinat i tehmižkombinat radoiba.

Geografijan andmused

Harabali sijadase Ahtub-jogen (Volgan hura hijam) Ašuluk-keskhijaman randal, ühtel pindal valdmerenke. Matkad Astrahanihesai om 142 km suvhe.

Klimat om kontinentaline, kezal om räk. Voden keskmäine lämuz om +10,7 C°, kezakun-elokun +25..+27 C°, tal'vkun-uhokun −3..−4 C°. Paneb sadegid 420 mm vodes.

Gremučii- (147 rist. vl 2010) i Deduškin- (23 rist. vl 2010) žilod mülüdas lidnankundha Harabalin ližaks. Lidnankundan pind — 1117,35 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 18 117 ristitud, lidnankundan — 18 827 ristitud, rajonan nell' ühesandest. Kaikiš suremb lidnan ristitišt oli 19 100 eläjid vl 1996. Vl 2017 kaik 18 031 ristitud elihe lidnas i 18 204 ristitud kaikes lidnankundas.

Rahvahad (enamba 0,4% vl 2010): venälaižed — 59,7 %, kazahlaižed — 33,6 %, armenijalaižed — 1,3 %, saksalaižed — 0,8 %, totarlaižed — 0,6 %, korejalaižed — 0,5 %, ukrainalaižed — 0,5 %, azerbaidžanlaižed — 0,5 %, jezidad — 0,4 %, toižed rahvahad — 1,7 %, rahvahuden ozutandata — 0,4 %.

Ortodoksižen hristanuskondan kaks' pühäpertid oma avaitud lidnas: Sündun Voznesenjan jumalanpert' vspäi 1992 (kellčuhunduz om saudud vl 2002) i Homoi-apostolan časoun' (om letud udel kaumištol vodele 2014). Islaman pühäpert' om avaitud vn 2002 tal'vkuspäi, se om mečet' nomer 25.

Astrahanin valdkundaližen politehnižen kolledžan filial om lidnan professionaližen opendusen aluzkundaks.

Edeline lidnan pämez' (Nevondkundan ezimez') om Aleksandr Šamov (2004 — reduku 2019). Lidnan administracii om likvidiruidud vn 2018 kezakus, rajonan administracii tegeb sen velgusidme.

Transport

Maršruttaksid oma kundaližeks transportaks lidnas. «Volgograd — Ahtubinsk — Astrahan'»-avtote läbitab lidnad.

Harabalinskai-raudtestancii (ven.: Харабалинская) radab lidnas vspäi 1907 «Saratov — Astrahan'»-keskustal.

Galerei

• Здание суда в Харабали.jpg

  Harabalin rajonan käskuzkundan sauvuz (2010)

• Храм Вознесение Господне в городе Харабали.jpg

  Sündun Voznesenjan jumalanpert', vn 2010 nägu

• Ленин (Харабали, Астрахань).jpg

  Vladimir Leninan muštnik (2013)

• Знак при въезде в Харабали.jpg

  Znam lidnan röunal vl 2010

Homaičendad

Irdkosketused

• Municipaližen «Harabali-lidn»-ühtnikan lehtpoled mo.astrobl.ru-saital. (ven.)