Kaičijan päiv (Venäma)

Рувики-späi
Kodvdud kirjutez
Venäman
kaičijan päiv
"Kaičijan päiv — 2000": Venäman prezident Vladimir Putin kaičijoidenke Noginskas
"Kaičijan päiv — 2000": Venäman prezident Vladimir Putin kaičijoidenke Noginskas
Tip Professionaline praznik
Toižin Kajičijan päiv
Om tehtud Venäman prezidentan käskön mödhe
voden 1995 kül'mkun 26. päiväspäi
Praznuitas Venäma
Päiv 27. tal'vkud
Om sidotud RSFSRan ministroiden nevondišton käskönke
voden 1990 tal'vkun 27. päiväspäi
"Venäman kaičijoiden joukun tegemižes..."
Venäman äkkiližiden azjoiden ministerstv kaiči Venäman eläjid Gazas, 2023

Venäman kaičijan päiv (ven.: День спаса́теля Росси́йской Федера́ции) — venälaižiden kaičijoiden professionaline praznik[1].

Venämal kaičijad radaba professionaližiš organizacijoiš, mugoižiš kut ecindkaičendan služboiš, agjoiden ozatomuz'kaičendan služboiš, municipaližiš kaičendslužboiš, üleižiš holituzslužboiš, mugažo požarvarjoičuzjoukuiš, eriližiš kaičuzjoukuiš i toižiš Venäman äkkiližiden azjoiden ministerstvan sistemoiš, personaližiš kaičuzslužboiš da -joukuiš[2][3][4].

Praznikan päivän täht valitihe 27. tal'vkud, konz oli sätud Venäman kaičijoiden jouk. Necil-žo päiväl oli sätud Venäman äkkiližiden azjoiden ministerstv[1].

Istorii

26. kül'mkud vodel 1995 ezmäine Venäman prezident Boris Jel'cin allekirjuti käskön "Venäman kaičijan päivän vahvištamižes i sen praznuičendas 27. tal'vkud[5][6].

Päiv praznikan täht valitihe muite. 27. tal'vkud vodel 1990 RSFSRan ministroiden nevondišt (ven.) (vep. tegi pätusen "Venäman kaičijoiden joukun tegemižes RSFSRan Valdkundaližen komitetan oiktusil, a mugažo ühthižen endustusen da äkkiližiden azjoiden heitändan sisteman tegemižes"[1][5][7].

Venäman Äkkiližiden azjoiden ministerstvan tegemižen istorii

Venäman kaičijoiden jouk oli sätud vodel 1990, möhemba se nimitadihe Valdkundaližeks komitetaks äkkiližiden azjoiden mödhe, miččen pohjal tehtihe Valdkundaline komitet rahvahan polestusen, äkkiližiden azjoiden da niiden heitändan mödhe RSFSRan Prezidentan ohjandusel. Se oli udes tehtud Venäman Valdkundaližeks komitetaks rahvahan polestusen, äkkiližiden azjoiden da londusenvägiden ozatomusiden jäl'giden heitändan mödhe. 10. vilukud vodel 1994 sen pohjal oli sätud Venäman ministerstv rahvahan polestusen, äkkiližiden azjoiden da londusenvägiden ozatomusiden jäl'giden heitändan mödhe (Venäman äkkiližiden azjoiden ministerstv (ven.) (vep.)[1].

Personaližed kaičuzjoukud Venämal

Venämal oma personaližed-ki kaičuzjoukud, miččiden radnikoil da ičetahtnikoil oma kaičijoiden diplomad. Üks' tetambišpäi ecindkaičusen joukuišpäi om Liza Alert. Joukuhu mülüba vaiše ičetahtnikad, no se radab ühtes valdkundaližidenke organizacijoidenke[8][9].

Toižiden personaližiden kaičuzjoukuiden keskes oma — "SpasRezerv" i Kaiken Venäman kaičijoiden-üläopenikoiden jouk"[10][11][12].

Praznuičend

Kaičijan päiväd praznuitas Äkkiližiden azjoiden ministerstvan erištoiš, mugažo tematižiden kul'turazjtegoiden aigan. Äjad radnikad praznikan aigan oma smenal — kacmata professionaližehe praznikaha hö tegeba ičeze kaičuzradoid. Kaičijan päiväks parahimile radnikoile anttas pauklahjoid[13]. Tehtas praznikkoncertoid[14].

Äkkiližiden azjoiden ministerstvan pämehed tradicijan mödhe tuleba Moskvan Kremenčugskaja-irdale, miše panda änikoid "Požarmehile da kaičijoile"- i "Venäman Äkkiližiden azjoiden ministerstvan veteranoile"-muštpachištoidennoks. Sen ližaks muštazjtegoid kolnuziden kaičijoiden muštoks tehtas erištoiš-ki[13].

Živatad-kaičijad

Ičeze rados kaičijad paksus kucuba abuhu kinologoid i opetud koirid[15]. Kaičijoiden rados koirad oma sured abunikad, niid vaumitas i opetas löudmaha ristituid vezikaičuzslužbas (ven.) (vep.[16].

Kaži ühtes kaičuzjoukuišpäi

Koiriden ližaks kaičijad paksus kävutaba heboid[17], kaičuzjoukud ajaba raccil sijoil, kus om jüged ajada mašinoil[18].

Erašti Venäman Äkkiližiden azjoiden ministerstvan pažarkaičusen joukuiš voib vastata kažid. Živatoid pidetas ei vaiše sen täht, miše kaita sobištod da kaludištod hirišpäi, ned hüvin heitäba stressad — iče požarmehed sanuba, miše kosketused kažidenke abutaba väheta radmärad[19].

Kul'turas

Sem'onan-kažin muštoks, mitte tegihe ühten T'umenin požarerištoišpäi simvolaks, oli kirjutadud pajo i tehtud klip Venäman Äkkiližiden azjoiden ministerstval sen surman jäl'ghe[20]. Sem'on äi kerdoid kuni eli pažardepos, oli uzištoiden päheng[21].

Sem'on-kaži

Sem'on-kažin muštoks tehtihe eriline "Sem'oničad"-erišt, miččehe mülüi kahesa kažid erazvuiččiš Venäman lidnoišpäi. Joukuhu Äkkiližiden azjoiden ministerstvan pohjal mülüškanziba kodiživatad erasiden agjoiden požardepoišpäi, sidä kesken Moskvan, Smolenskan agjan, Kurskan agjan, Arhangel'skan agjan, Vologdan agjan i Komin Valdkundan požardepoišpäi[20].

Venäman Äkkiližiden azjoiden ministerstvan požarkaičusen organizacijoiden radole da mecpožaroiden sambutamižele om omištadud "Lämoi"-fil'm (ven.) (vep.[22].

Äkkiližiden azjoiden ministerstvan kaičijoile om omištadud "Mö eläm varuznaman mödhe"-pajo, miččen pajatab Venäman Äkkiližiden azjoiden ministerstvan hor i orkestr praznikazjtegoil.

Homaičendad

  1. ↑ 1 2 3 4 27 декабря – День спасателя Российской Федерации. МЧС России (27 tal'vkud 2017). Дата обращения: 4 elokud 2025.
  2. ↑ Профессиональные аварийно-спасательные формирования. МЧС России. Дата обращения: 4 elokud 2025.
  3. ↑ Аттестованные аварийно-спасательные службы и аварийно-спасательные формирования. МЧС России. Дата обращения: 4 elokud 2025.
  4. ↑ Федеральный закон от 22.08.1995 N 151-ФЗ (ред. от 14.07.2022) "Об аварийно-спасательных службах и статусе спасателей". Консультант плюс. Дата обращения: 4 elokud 2025.
  5. ↑ 1 2 Образован российский корпус спасателей. День спасателя России. Президентская библиотека имени Б. Н. Ельцина. Дата обращения: 4 elokud 2025.
  6. ↑ Указ Президента РФ от 26.12.1995 N 1306 "Об установлении Дня спасателя Российской Федерации". Сайт Президента РФ. Дата обращения: 4 elokud 2025.
  7. ↑ Надежда Пономаренко. Праздник 27 декабря. День спасателя Российской Федерации. InMoment.ru. Дата обращения: 4 elokud 2025.
  8. ↑ Илья Титов. Стать волонтёром. Как присоединиться к поисковым отрядам. Аргументы и факты (12 semendkud 2021). Дата обращения: 4 elokud 2025.
  9. ↑ Отряд имени Лизы Фомкиной. LizaAlert. Дата обращения: 4 elokud 2025.
  10. ↑ Региональная общественная организация «Общественный поисково-спасательный отряд „Спасрезерв“». Агентство социальной информации. Дата обращения: 4 elokud 2025.
  11. ↑ "Ребята, вызов!" Один день из жизни добровольцев "СпасРезерва". ТАСС (6 kezakud 2022). Дата обращения: 4 elokud 2025.
  12. ↑ О ВСКС. История. Всероссийский студенческий корпус спасателей. Дата обращения: 4 elokud 2025.
  13. ↑ 1 2 День спасателя в 2023 году: история и традиции праздника. Комсомольская правда. Дата обращения: 4 elokud 2025.
  14. ↑ Праздничный концерт ко Дню спасателя. Первый канал (26 tal'vkud 2021). Дата обращения: 4 elokud 2025.
  15. ↑ Кинологические службы в системе МЧС (21 vilukud 2016). Дата обращения: 4 elokud 2025.
  16. ↑ Четвероногие спасатели – особая категория «сотрудников» МЧС России. МЧС России (20 kezakud 2015). Дата обращения: 4 elokud 2025.
  17. ↑ Методические рекомендации по применению Конной службы МЧС России.
  18. ↑ Любить зверей и людей. О конно-кинологическом спасательном центре МЧС. ТАСС (20 kezakud 2022). Дата обращения: 4 elokud 2025.
  19. ↑ Татьяна Солдатова. Усы, лапы, хвост. В пожарном отряде МЧС служат двое московских котов. Аргументы и факты (19 heinkud 2023). Дата обращения: 4 elokud 2025.
  20. ↑ 1 2 Ева Беловецкая. В России создали первый кошачий отряд спасателей МЧС. Комсомольская правда (13 semendkud 2023). Дата обращения: 4 elokud 2025.
  21. ↑ Талисман и сослуживец: кот Семен из пожарной части. РИА Новости (24 vilukud 2022). Дата обращения: 4 elokud 2025.
  22. ↑ Огонь (2020). Кинопоиск. Дата обращения: 4 elokud 2025.

Literatur

  • Гражданская защита. Энциклопедия / Под общ. ред. Шойгу С.К.; МЧС России. — Москва: Московская типография № 2, 2006. — Т. 1. — 568 с. — 3000 экз. — ISBN 5-86472-158-1.

Lähtked

Om sadud "https://vep.ruwiki.ru/w/index.php?title=Kaičijan_päiv_(Venäma)&oldid=528424"