Kolmatoi polk

Рувики-späi

Экспертиза РАН

Logo-ran.png
Venäman tedoakademii
tegeb azjtarkištust
Ližatedod
Times2.svg

Venäman tedoakademijan azjtarkištuz

Arrow-Right.png
Logo-ran.png
Venäman tedoakademii
tegeb azjtarkištust
Venäman tedoakademii

Prezidentan kirjišton B.N. Jel'cinan nimel materialad

Library.png
Neciš kirjuteses om kävutoitud materialad Prezidentan kirjišton B.N. Jel'cinan nimel fondaspäi
К материалам
Learning.svg

Prezidentan kirjišton B.N. Jel'cinan nimel materialad

Arrow-Right.png
Library.png
Neciš kirjuteses om kävutoitud materialad Prezidentan kirjišton B.N. Jel'cinan nimel fondaspäi
К материалам
Necil sanal oma toižed-ki znamoičendad, kacu Kolmatoi polk (znamoičendad).
Kaiken Venäman kundaline ristituiden-patriotine "Venäman Kolmatoi polk"-dviženii
Изображение логотипа
Шествие региональной патриотической общественной организации «Бессмертный полк» - 1.jpg
Tegendpäiv

30. sügüz'kud vodel 2015

Tip

kundaline organizacii[d]

Kaiken Venäman kundaline ristituiden-patriotine "Venäman Kolmatoi polk"-dviženijan Keskuzštaban pämez' da päabunikad

Natalja Vladimirovna Šadrina Sergei Afanasjevič Makarov Gennadii Kirillovič Ivanov

Jelena Moisejevna Cunajeva
Keskuz

Moskva

Sait

polkrf.ru

diskussii • redaktiruida

"Kolmatoi polk" (ven.: «Бессмертный полк») — rahvahan dviženii Suren Kodiman voinan ühtnikoiden da tilan radnikoiden muštoks, mugažo jogavoz'ne astund gerojoiden — nacizman vägestajiden muštoks[1]. Kaikuččen voden Vägestusen päiväl ühtnikad astuba kolonnal lidnoiden irdoidme ičeze heimoilaižiden - Suren Kodiman voinan ühtnikoiden, podpol'žčikoiden, Vastustusen soldatoiden, tilan radnikoiden, konclageriden uznikoiden, blokadnikoiden, voinan lapsiden fotokuvidenke[2], — kirjutaba kanzistorijad heiden polhe Rahvahan aigkirjaha[3].

Istorii

Edel "Kolmatoi polk"-akcijad mugoižed azjtegod tehtihe Sovetskijan Sojuzan äjiš lidnoiš. Ozutesikš, vodeks 1965 Novosibirskan skolan № 121 openikad astuiba lidnan irdoidme ičeze dedoiden-vägestajiden fotokuvidenke[4]. Vodel 1981 Revol'ucijan Borcad-avoinirdal Tanickaja-stanicas Rostovan agjas mäni praznikaline miting, kuna tuliba eläjad da toiba ičeze frontovikoiden modkuvad[5]. Permskan agjas vodel 1985 heimolaižed toiba Solikamsk-lidnan irdoidme veteranoiden fotokuvid. Vodel 1985 Kon'-Kolodez' - küläs Lipeckan agjas openikad kaikuččen voden astuba Suren Kodiman voinan ühtnikoiden fotokuvidenke käziš Leninan keskuzirdadme.

Uz' istorii

Jäl'ghe Sovetskijan Sojuzan aigad mugoižed azjtegod tehtihe kut Venämal, muga toižiš valdkundoiš. Vodel 2006 Uhta-lidnas Vägestusen päiväl norišt toi Igähiženno lämoinnoks soldatoiden modkuvad. Vozil 2004—2006 maršad oliba Kuzbassas (Novokuzneck- da Prokopjevsk-lidnoiš), a vodel 2007 — T'umeniš.

8. semendkud vodel 2007 "T'umenin uzištod"-lehteses sijaližiden azjoiden veteranoiden agjan nevondišton pämez' Gennadii Ivanov kucui lidnan eläjid Vägestusen päiväl lähtmaha lidnan irdoile ičeze heimolaižiden-frontovikoiden modkuvidenke[6]. T'umenin augotišen otiba homaitushe Venäman toižed regionad, da kahtes vodes päliči "Vägestajiden paradad" mäniba jo Venäman 20 municipaližes eländtahos.

Vodel 2009 "Vägestajiden paradad" mäniba Kazaniš, Kemerovos, Novosibirskas da toižiš regionoiš. Jäl'gnikoiden marš, miččen nimi venäks oli ven.: «Заменим вас в строю!», oli tehtud vodel 2009 Sevastopoliš.

Vodel 2010 astund veteranoiden fotokuvidenke oli tehtud Poklonnijal mägel.

Vodel 2013 akcii mäni Venäman 120 lidnas da küläs[7]. В 2014 году «Бессмертный полк» прошёл в 500 городах в 7 странах мира[7].

Tal'vkus vodel 2024 tegihe tetabaks, miše vodel 2025 Suren Kodiman voinan 80-voččen vägestusen praznuičendan aigan "Kolmatoi polk" mäni ühtes "Belarus' muštab"-astundanke[8].

Kundaline dviženii

9. semendkud vodel 2015 "Kolmatoi polk"-akcii mäni Rusttal avoinirdal jäl'ghe voinparadad, mitte oli tehtud Vägestusen 70-voččeks jubilejaks[9]. Ühtni enamba 500 tuhad mest, kudambiden keskes oli Venäman prezident Vladimir Putin, hän toi ičeze tatan-frontovikan modkuvan. Ristitud astuiba Belorussijan avoinirdalpäi Kremlihesai da lopiba astundad Moskvoveckijal randirdal[10].

Zavottes vodelpäi 2015 "Kolmatoi polk"-akcii tegihe Vägestusen päivän praznuičendan päelementaks kut Venämal, muga verhiš maiš. Vodel 2015 "Kolmatoi polk" mäni 17 valdkundas, a vodel 2016 — jo 42 valdkundas[11].

Vodel 2015 eläjiden tahton mödhe oli tehtud Kaiken Venäman kundaline ristituiden-patriotine "Venäman Kolmatoi polk"-dviženii, kuna mülüškanzi 89 regionališt erištod da enamb 200 rahvahidenkeskešt koordinatorad[12].

Organizacijan pätegend om siš, miše panda igäks muštho Suren Kodiman voinan gerojoiden nimed, heiden urohtegod, kaita muštod rahvahan rohktudes da geroizmas, meletada, midä om tehtud da sirtta nenid tedoid norembile polvile.

Kaiken Venäman kundaline ristituiden-patriotižen "Venäman Kolmatoi polk"-dviženijan Keskuzštaban ühteks pämehišpäi tegihe Sovetskijan Sojuzan rahvahaline artist, Venäman radon Geroi Vasilii Lanovoi[13][14].

  • Venäman Bankan monetad, miččed om omištadud sovetskijan rahvahan Vägestusen 75-voččele päiväle Sures Kodiman voinas vozil 1941—1945, da om pästtud vodel 2019
  • Monet 3 rubl'an nominalal, hobed

    Monet 3 rubl'an nominalal, hobed

  • Monet 25 rubl'an nominalal, hobed

    Monet 25 rubl'an nominalal, hobed

  • Monet 50 rubl'an nominalal, kuld

    Monet 50 rubl'an nominalal, kuld

Valdkundad, miččiš mäneb akcii

"Kolmatoi polk"-akcijaha ühtneb enamb 80 valdkundad:

6. semendkud vodel 2019 "Kolmatoi polk"-akcii ezmäižen kerdan mäni Al'askal Ankoridž-lidnas. Sigä astui läz 100 mest[17].

Voziden 2020 da 2021 akcijoiden formatoiden erigoičused

"Kolmatoman polkan" astundad 9. semendkud vodel 2020 Koronovirusan infekcijan taguiči Venämal oli heittud. Siloi mäni onlain-akcii: kaikutte tahtnik voi panda intenetha veteranan foton da starinoita hänes eriližel saital[18]. Kaikes tuli läz 2,7 mln kirjutust[19]. Vägestusen päivän transl'acii zavodihe da jatksihe 20 päiväd, sidä kacui läz 25 millionad ristitud kaikes miruspäi[20].

"Kolmatoi polk"-akcii pidetihe onlain-režimas mugažo Ispanijas da Andorras[21].

Vodel 2021 "Kolmatoi polk" mäni möst onlain-formatas. No, ku rindatada vodenke 2020, transl'acijad mäniba eriži venäman kaikuččes subjektas, miše kaikuččes regionas rahvaz voiži nägištada ičeze kodiman eläjid, da azjtego mäni ühtel päiväl[22].

2022 voden astundad da azjtegod

Voden 2022 augotižeks koronavirusan pandemii vähenzui da oli lasktud möst tehta astundoid irdoidme[23]. Necil kerdal ühtes Suren Kodiman voinan veteranoiden da tilan radnikoiden modkuvidenke, ühtnikad toiba soldatoiden fotokuvid, kudambad koliba eriližen voinoperacijan aigan Ukrainal[23].

"Kolmatoman polkan" astundad vodel 2022 oli tehtud läz 90 mirun valdkundas[24], siš lugus ezmäižen kerdan Venesuelas. Astundoid kel'diba Sovetskijan Sojuzan sojuznikad antigitleran koalicijan mödhe Amerik da Velikobritanii, mugažo Irlandii[25].

Voden 2023 azjtegod

Vodel 2023 varumatomuden taguiči oli pättud heitta kaik rahvahan astundad. Kaiken Venäman kundaližen ristituiden-patriotižen "Venäman Kolmatoi polk"-dviženijan Keskuzštaban ezitajad taričiba kävutoitta toižed formatad. Vägestajiden-Gerojoiden modkuvid lapsed, vunukad da pravunukad paniba mašinoiden, avtobusoiden st'okloihe, maikoihe da futbolkoihe, fateroiden iknoihe, beižihe, miše Vägestusen päiväl meiden gerojad oližiba meidenke.

Venäman äjiš lidnoiš mäniba avto- da motoajelused, vezi- da il'mparadad Suren Kodiman voinan ühtnikoiden modkuvidenke. Muga, Volgogradas mäni "kolmatoman polkan jogi"-akcii — Volga-jogedme mäni teplohodoiden eskadr Stalingradan toran 150 ühtnikan modkuvidenke. Ezmäižen kerdan Kolmatoman polkan istorijas oli kävutoittud jogitramvajad da Volga-jogen akvatorii, mičče päliči 80 vot tagaze tahtoiba, no ei voinugoi mända fašistad.

Kuz' "Jak"-lendimed da üks' "An-2" Venäman Kolmatoman polkan simvolikanke lendiba taivhal Nižnevartovskan? Megionan, Surgutan, Neftejuganskan, Hanti-Mansiiskan päl "tähthaine" da "peleng" - lendajiden joukos, kandoiba ičeze lendandmašinoil pol'tuhad Suren Kodiman voinan gerojoiden modkuvad, kudambad kadoiba ilman tedoita, koliba polestades Kodimad, kudambad mäniba voinad da pörzihe kodihe Vägestusenke[26].

Voden 2024 azjtegod

23. sulakud Kaiken Venäman kundaližen ristituiden-patriotižen "Venäman Kolmatoi polk"-dviženijan Keskuzštaban üks' pämehišpäi da Valdkundaližen duman deputat Jelena Cunajeva sanui, miše vodel 2024 varumatomuden taguiči "Kolmatomad polkad" Venämal ei linne eläbas formatas[27].

Kolmatoman polkan akcijad mäniba uziš formatoiš 1.-12. semendkud 2024. Vägestajiden lapsed, vunukad da pravunukad paniba ičeze gerojoiden modkuvid "Muštseinile" školoiš, predprijatijoil, päivkodiš, universitetoiš, avtomašinoihe, vezi- da il'mlaivoihe. Kaikel Venämal socialižiden verkoiden kävutajad ičeze avataroiden sijaha paniba veteranoiden modkuvid, siš lugus oliba eriližen voinoperacijan veteranad, mušt kudambiden polhe lämäs kaitas heiden kanzoiš, mugažo starinoitihe heiden urohtegoiš seinkirjutesiš #нашБессмертныйполк-hešteganke.

Vodel 2024 Rahvahidenkeskeižen "Kolmatoman polkan"-akcijad mugažo mäniba 115 mirun valdkundas.

Voden 2025 azjtegod

Vodel 2025 "Kolmatoi polk"-akcii mäni segoitud formatas: Venäman 56 regionas se mäni eläbas formatas (siš lugus oliba Piter, Pohjoiž-Osetii, Sverdlovskan, Sahalinan, Novosibirskan, Kaliningradan agjad)[28], toižiš regionoiš — onlain-formatoiš. Mugažo Kaiken Venäman kundaline ristituiden-patriotine "Venäman Kolmatoi polk"-dviženii tariči toižid formatoid akcijan tegemižen täht[29]:

  • panda ičeze kanzan gerojan modkuvan futbolkoihe da olda siš erazvuiččiš azjtegoiš ("Kolmatoi polk sädoiš");
  • panda modkuvan avtomašinan tagaiknale bokuspäi ("Kolmatoi polk avtomašinoil");
  • panda modkuvan eriži tehtud seinile libo toižile eriži tehtud sijoile ("Muštsein");
  • panda ičeze kanzan gerojan modkuvan avataroihe vestiš da socialižiš verkoiš, mugažo kirjutada starinan voinistorijan polhe libo radmatkan polhe seinvestiš da panda #Бессмертныйполк2025 - heštegan ("Kolmatoi polk socialižiš verkoiš").

Hanti-Mansiiskas "Kolmatoi polk"-akcii mäni taivhal: voinan ühtnikoiden fotokuvid pandihe kuden "Jak"-lendandmašinaha[28].

Homaičendad

  1. ↑ Бессмертный полк - официальный сайт движения. polkrf.ru. Дата обращения: 15 redukud 2024.
  2. ↑ И. Огилько. На "Бессмертный полк онлайн" зарегистрировались более 150 тысяч участников. Российская газета (30 sulakud 2020). Дата обращения: 30 sulakud 2020. Архивировано 19 sügüz'kud 2020 года.
  3. ↑ Найти солдата по фамилии на сайте Бессмертный полк. polkrf.ru. Дата обращения: 15 redukud 2024.
  4. ↑ Акция «Бессмертный полк» родилась 49 лет назад в Новосибирске, а не в Томске Архивная копия от 18 semendkud 2015 на Wayback Machine // «Академия новостей».
  5. ↑ АиФ- Ростов. Бессмертный полк. Впервые портреты фронтовиков пронесли на Дону в 1981-м. www.rostov.aif.ru (17 elokud 2016). Дата обращения: 9 sulakud 2019. Архивировано 2 semendkud 2019 года.
  6. ↑ Семейный альбом — Парламентская газета «Тюменские известия». old.t-i.ru (8 semendkud 2007). Дата обращения: 12 kül'mkud 2024.
  7. ↑ 1 2 Ирландия присоединится к всероссийской акции «Бессмертный полк». // ТАСС (4 sulakud 2015). Дата обращения: 21 sulakud 2015. Архивировано 7 sulakud 2015 года.
  8. ↑ "Бессмертный полк" в 2025 году пройдет вместе с шествиями "Беларусь помнит", TACC. Дата обращения: 6 tal'vkud 2024.
  9. ↑ Акцию «Бессмертный полк» в Москве хотят провести на Красной площади Архивная копия от 17 vilukud 2019 на Wayback Machine // ИА REGNUM. 30 Марта 2015.
  10. ↑ Вести-Москва. 9 Мая по столице пройдёт «Бессмертный полк». // Вести.Ru (7 semendkud 2015). Дата обращения: 7 semendkud 2015. Архивировано 18 semendkud 2015 года.
  11. ↑ Бессмертный полк в мире. polkrf.ru. Дата обращения: 15 redukud 2024.
  12. ↑ Более 1 млн человек собрала акция "Бессмертный полк" в Санкт-Петербурге. ТАСС. Дата обращения: 11 semendkud 2019. Архивировано 11 semendkud 2019 года.
  13. ↑ Банк России выпускает в обращение памятные монеты из драгоценных и недрагоценного металлов. cbr.ru. Дата обращения: 2021-6-3. Архивировано 3 kezakud 2021 года.
  14. ↑ [1]
  15. ↑ Бельгия – Immortal Regiment of the World (Бессмертный полк мира). Immortal Regiment of the World (Бессмертный полк мира). Дата обращения: 9 kül'mkud 2018. Архивировано 25 elokud 2018 года.
  16. ↑ В Ашхабаде прошло шествие «Бессмертного полка». Дата обращения: 8 semendkud 2021. Архивировано 8 semendkud 2021 года.
  17. ↑ "Бессмертный полк" впервые состоялся на Аляске. ТАСС (6 semendkud 2019). Дата обращения: 6 semendkud 2019. Архивировано 6 semendkud 2019 года.
  18. ↑ Е. Слободян. Как стать участником акции «Бессмертный полк онлайн»? Аргументы и Факты (28 sulakud 2020). Дата обращения: 29 sulakud 2020. Архивировано 28 sulakud 2020 года.
  19. ↑ Я. Костенко. Герои в нашем сердце: как проходит онлайн-шествие «Бессмертного полка». Известия (9 semendkud 2020). Дата обращения: 9 semendkud 2020. Архивировано 10 semendkud 2020 года.
  20. ↑ И. Огилько. Завершился марш "Бессмертного полка онлайн". Российская Газета (29 semendkud 2020). Дата обращения: 30 semendkud 2020. Архивировано 27 kül'mkud 2020 года.
  21. ↑ В Испании и Андорре пройдет «Бессмертный полк онлайн». Известия (2 semendkud 2020). Дата обращения: 4 semendkud 2020. Архивировано 4 semendkud 2020 года.
  22. ↑ "Бессмертный полк" 9 мая пройдет в онлайн-формате. Организаторы планируют провести акцию в традиционном формате 24 июня. ТАСС (19 sulakud 2021). Дата обращения: 19 sulakud 2021. Архивировано 19 sulakud 2021 года.
  23. ↑ 1 2 М. Лисицына. В «Бессмертном полку» предложили нести фото погибших на Украине военных. РБК (22 sulakud 2022). Дата обращения: 24 sulakud 2022. Архивировано 22 sulakud 2022 года.
  24. ↑ Шествие "Бессмертного полка" пройдет в 88 странах. Вести.ру (6 semendkud 2022). Дата обращения: 6 semendkud 2022. Архивировано 6 semendkud 2022 года.
  25. ↑ США и Великобритания запретили проведение "Бессмертного полка". РИА Новости (28 sulakud 2022). — ещё сообщалось о запрете в Казахстане, но это ошибка: просто шествие там пройдёт под другим названием. Дата обращения: 29 sulakud 2022. Архивировано 28 sulakud 2022 года.
  26. ↑ Акция "Бессмертный полк" в России 9 Мая пройдет в смешанном формате. ТАСС (18 sulakud 2023). Дата обращения: 18 sulakud 2023.
  27. ↑ Парады и шествия "Бессмертного полка" не будут проводить в шести субъектах России - Родина, Родина. Дата обращения: 19 sulakud 2024.
  28. ↑ 1 2 "Без них не было бы нас": как прошел "Бессмертный полк" в городах России. smotrim.ru (9 semendkud 2025). Дата обращения: 9 semendkud 2025.
  29. ↑ Онлайн-шествие "Бессмертного полка" начнется в 12:00 по всей стране, TACC (9 semendkud 2025). Дата обращения: 9 semendkud 2025.

Tarkendused

Fotokuvad da videofailad


Om sadud "https://vep.ruwiki.ru/w/index.php?title=Kolmatoi_polk&oldid=306936"