Karjalan rahvahaline muzei

Рувики-späi
Gerb-icon.png

Venäman kul'turministerstv

Arrow-Right.png
Gerb-big.png
Venäman Federacijan kul'turministerstv
Karjalan rahvahaline muzei
Petrozavodsk.National museum of Karelia.jpg
Augonpanendan päiv 1871
Radčasud Kaikuččen päivän 10.00 - 17.00, lebupäiv — ezmärg.
Adres Leninan avoird 1, Petroskoi, Karjalan Valdkund
Pämez' M. L. Gol'denberg
Sait Официальный сайт
Логотип РУВИКИ.Медиа Mediafailad RUWIKI-tedoiš

Karjalan rahvahaline muzei (ven.: Национальный музей Республики Карелия) — suremb muzei Petroskoi-lidnas, vodel 1871 sen tegi Oloncan gubernijan pämez' Grigorii Grigorjev. Muzei om enččen gubernatoran pertiš, mitte oli sauvdud XVIII-voz'sadan lopus[1].

Istorii

Ezmäižen muzejan ekspozicijan nimi Petroskoi-lidnas oli "Oloncan gubernijan muzeum", se oli avoitud vodel 1838. Ekspozicijal oli ozutadud Aleksandrovskijan zavodan tehtud tehmused, miččed aigemba ozutadihe gubernijan ozutelusel. Vaiše ezmäks muzei ei olend avaitud kaikile[2][3].

Vodel 1871 oli tehtud Oloncan tedo-tegeližuden da istorii-etnografine muzei.

Tal'vkus vodel 1916 muzei paloi da äjad eksponatad paloiba. Vodel 1918 vodel muzei mülüškanzi Rahvahaližehe tedotelendan Oloncan komissariataha[4].

Vozil 1920 muzejaha mülüškanzi Oloncan pühäpertin-istoriline muzei. Jäl'ghe sidä, konz oli tehtud Karjalan radkommun, muzei tegihe kommunan muzejaks, eksponatoiden pala oli anttud Oloncan gubernijan muzejaha, mitte sirdihe Pöudoho da sen pämeheks tegihe А. Fomin-Svetl'ak[5] (jäl'ghe Oloncan gubernijan heitändad tegihe ujezdan muzejaks).

Sovetskijan Sojuzan aigan muzei sai uden nimen da tegihe Karjalan agjan muzejaks[6][7], vodelpäi 1928 — Karjalan valdkundaline muzei[8].

Suren Kodiman voinan aigan (vozil 1941—1944), konz Petroskoi oli suomalaižiden valdas, kevädel vodel 1942 kal'hembad eksponatad vedihe Hel'sinkin muzejan varažomha «Ateneum»-muzejaha da Voinmuzejaha Suomehe[9].

Vodhesai 1953 — Karjalaiž-Suomalaine valdkundaline muzei, vozil 1953—1956 — Karjalaiž-Suomalaižen SSRan Valdkundaline istorijan-kodiröunan muzei, jäl'ghe — Karjalan valdkundaline kodiröunan muzei. Kuvad, miččed sirdihe Karjalan valdkundaližes kodimaižes muzejaspäi, tegihe Karjalan taidehmuzejan päkogomusikš vodel 1960 Petroskoiš.

21. sügüz'kud vodel 2011 muzei sai uden nimen da tegihe Karjalan rahvahaližeks muzejaks[10].

Muzejan pämehed

  • vodelpäi 1871 — Ivanov Aleksandr Ivanovič
  • Šel'ukov Flegont Sergejevič (1884—1889)[11][12]
  • G'unter Aleksandr Karlovič (1889—1899)[13][14][15][16]
  • Blagoveščenskii Ivan Ivanovič (1902—1912)
  • Ivanov Vladimir Isaakovič (1914—1924)
  • Krilov Viktor Ivanovič (1925—1928)[17]
  • Makarjev Stepan Andrejevič (1928—1931)
  • Mullo Ivan Mihailovič (1932—1939)
  • Jazvikov Leonid Petrovič (1939-1940)[18][19], aigsijaline pämez'
  • Pesina Revekka Moisejevna (1944-1945)[20]
  • Dorošin Hristofor Georgijevič (1945—1948)[21]
  • Mironov F'odor Galaktonovič (1948)[22]
  • Mullo Ivan Mihailovič (1948—1953)
  • Jegorov Filipp Ivanovič (1954—1958)
  • Mezencev Georgii Ivanovič (1958—1965)
  • Ionova Valentina Matvejevna (1965—1975)[23]
  • Ribak Jefrem Davidovič (1975—1984)[24][25]
  • Šilova (Lopatkina) Lüdmila Vasiljevna (1984—1988)[26]
  • Grossman (Uhanova) Natalja Aleksejevna (1988—1994)
  • Sokolova Ol'ga Aleksejevna (1994—1997)
  • Šilova (Lopatkina) Lüdmila Vasiljevna (1997—1999)
  • Zarina Jelena Gennadjevna (2000—2005)
  • vodelpäi 2005 — Gol'denberg Mihail Leonidovič

Ekspozicii

Kaikenaigaižen ekspozicijan ezmäižed zalad starinoičeba Karjalan londusen, arheologijan da istorijan polhe.

  • Ekspozicii londusen polhe starinoičeb kivimägiden da mineraloiden sündumižen polhe, Karjalan kazvmusiden da živatoiden mirun erigoičusiš.
  • Arheologijan zalas adivod voiba nägištada ičeladuižid artefaktoid - granitan kiviloudad tundmatomiden kuvidenke kal'l'oil - petroglifoidenke, amuižed radkalud da jogapäiväižed kalud, amuletad, miččed om sadud Oleneostrovskan kaumaspäi völ kivivoz'sadal, Pohjoiž-Jevropan surembas arheologian muštpachaspäi.
  • Zaloiš, miččed om omištadud Karjalan istorijale, adivod voiba süveneda Keskvoz'sadoiden aigaha, tedištada enamba siš, kut P'otr Suren da imperatriican Jekaterinan Toižen aigan tegihe zavodan tegeližuz', kut Petran Sloboda tegihe Petrozavodskaks — Oloncan gibernijan pälidnaks, nägištada, kut 18—19 voz'sadoil hilläšti kazvoi da kehitoitihe Peroskoi-lidn da sündui Kehker avoird.
  • Ekskursijad, teatraližed programmad, vastused kaikenaigäižiden adivoiden täht, kudambil oma erazvuiččed melentartused, mäneba mul'tumedialižiden programmoiden abul. Muzejas radaba kafe da muštlahjoiden lauk.

Muzejan kaikenaigaižen ekspozicijan zalad. Adres: Petroskoi-lidn, Leninan avoird, 1:

  • Regionan londusen erigoičused: «Kived starinoičeba», «Jäžoman jäl'ged», «Taigan agj».
  • «Kiviaigkirj». Karjalan arheologii.
  • Interaktivine kompleks «Adivoiš endevanhanno heimonno».
  • «Pohjoižporubežje». Karjalan ma kes'kvoz'sadoiden aigan. IX—XVII voz'sadoil.
  • «Mö — korela». Kesk'voz'sadoiden rekonstrukcii.
  • «P'otran zavodad». Karjala P'otran Suren aigan XVII voz'sadan lopus — XVIII voz'sadan augotišes.
  • «Lidn-zavod». Aleksandrovskii zavod XVIII voz'sadan lopus — voz'sadan augotišes.
  • «Kivi- da mecradnikad». Mägiden da mecoiden tegeližuz' Karjalas (XVIII — XX voz'sadan augotišes).
  • «Surembaižen käskön mödhe». Oloncan gubernijan tegemine XVIII voz'sadan lopus — XIX voz'sadan augotišes.
  • «Gubernijan pälidn». Petroskoi XIX voz'sadan lopus — XX voz'sadan augotišes.
  • «Statskijal službal». Petroskoin pämehed XIX — XX voz'sadoiden augotišes.
  • «Lidnan eläjad». Petroskoin elo XIX voz'sadan lopus — XX voz'sadan augotišes.
  • «Rahvahan hüvüdeks». Openduz da tervhuz' Olonecan gubernijas XIX voz'sadan lopus — XX voz'sadan augotišes.
  • «Pajorunoiden da tozistarinoiden agjas». Fol'kloran avaidamine da oppimine Karjalas XIX—XX voz'sadoil.
  • «Pohjoine kadril'». Valdkundan rahvahiden prazniksädo. Zal avaižihe kezakus vodel 2019[27].

Muzejan kaikenaigaižen ekspozicijan zalad. Adres: Petroskoi, Engel'san ird,5

  • «Karjalan man živatoiden mir»

Muzejan kogomusiš om läz 220 tuhad muzeijan päfondan kalud, miččed ozutaba londust, arheologijad, Petroskoin da sen agjan istorijad, venälaižiden, karjalaižiden da vepsläižiden tradicionališt kul'turad.

Vodel 2003 Petroskoin 300-voččeks jubilejaks muzei avaiži da ozuti adivoile gubernatoran pertin praznikzalan, mitte oli XIX voz'sadan keskes.

Filialad

Muzejal om koume filialad:

Šoutjärven vepsän etnografine muzei
"Marcialižed veded"
Karjalan frontan istorijan muzei

Homaičendad

  1. ↑ Бюджетное учреждение "Национальный музей Республики Карелия". Госкаталог. Дата обращения: 4 keväz'kud 2025.
  2. ↑ Бердашева, Татьяна; Степура, Павел; Гриневич, Анна; Фомина, Елена. Олонецкія губернскія вѣдомости. В Олонецкой губернии регулярная газета начала выходить 1838 году: публиковала указы и исторические очерки, сообщала о выставках-квартирниках, размещала объявления частных лиц. Провинциальная официальная пресса. "Республика" (1 tal'vkud 2018). Архивировано 12 heinkud 2018 года.
  3. ↑ О вещах для Олонецкого губернского музеума // Олонецкие губернские ведомости. 1839. 27 мая. Дата обращения: 12 heinkud 2018. Архивировано 12 heinkud 2018 года.
  4. ↑ Иванов В. И. Олонецкий губернский музей // Известия Олонецкого губернского совета крестьянских, рабочих и солдатских депутатов. 1918. 4 апреля
  5. ↑ Фомин-Светляк А. Олонецкий губернский музей // Трудовая жизнь. 1922, 4 мая.
  6. ↑ Весь Петрозаводск : cправочная книга г. Петрозаводска на 1923 год с приложением плана города / cоставил С. Шлеймович. — Б. г., л. 45
  7. ↑ Вся Карелия : Справочно-адресная книга Карельской ССР. [Л.], 1925 — л. 90—91
  8. ↑ Национальный музей Республики Карелия. nmrk.karelia.ru. Дата обращения: 17 sulakud 2022. Архивировано 19 sulakud 2022 года.
  9. ↑ Юкка Куломаа Финская оккупация Петрозаводска, 1941—1944 (пер.: С. Карху и др.). Архивная копия от 8 redukud 2021 на Wayback Machine — Петрозаводск, 2006. — 278 с.: ил.
  10. ↑ Распоряжение Правительства РК от 21.09.2011 N 549р-П «О переименовании государственного учреждения „Карельский государственный краеведческий музей“»
  11. ↑ Каталог предметов, поступивших в музей [Текст] / Олонецкий естественно-промышленный и историко-этнографический музей; сост. Ф. Шелюков. — Петрозаводск: Губернская тип., 1884—1889. — 24 см.
  12. ↑ Шелюков Флегонт Сергеевич (28.03.1838−1897), старший чиновник особых поручений при Олонецком губернаторе.
  13. ↑ И. Благовещенский Олонецкий музей // Олонецкие губернские ведомости. 1910. 18 сентября.
  14. ↑ А Куняев Олонецкий музей // Олонецкие губернские ведомости. 1910. 18 августа.
  15. ↑ Александр Карлович Гинтер. Некролог // Олонецкие губернские ведомости. 1899. 30 июня.
  16. ↑ Из истории отдела. Дата обращения: 19 semendkud 2015. Архивировано из оригинала 19 semendkud 2015 года.
  17. ↑ Крылов Виктор. Петрозаводск ГОВОРИТ. Архивировано 27 sügüz'kud 2016 года.
  18. ↑ Намятова, Е. С. Карелия 1930-х гг. в объективе фотографов Карельского Государственного Музея (из истории формирования фотоколлекции Национального Архива Республики Карелия). kizhi.karelia.ru. Архивировано 18 redukud 2021 года.
  19. ↑ К 110-летию со дня рождения И.М.Мулло. Национальный архив Республики Карелия. Архивировано 24 sügüz'kud 2019 года.
  20. ↑ М. Л. Гольденберг История музея. Дата обращения: 23 redukud 2021. Архивировано 23 redukud 2021 года.
  21. ↑ Именной указатель. Дата обращения: 22 sügüz'kud 2015. Архивировано 27 sügüz'kud 2016 года.
  22. ↑ Кутьков, Николай Петрович. Фёдор Галактионович Миронов (к 125-летию со дня рождения). www.istor-44gsd.ru. Архивировано 15 redukud 2014 года.
  23. ↑ Гущин, Борис. Мой любимый американец. Газета "Кижи". Архивировано 7 uhokud 2017 года.
  24. ↑ Михаил Гольденберг. Скрипичный концерт для музея Ефрема Рыбака. Интернет-журнал «Лицей» (5 sügüz'kud 2016). Архивировано 3 redukud 2016 года.
  25. ↑ История съездов работников культуры Республики Карелия. Дата обращения: 17 sügüz'kud 2014. Архивировано из оригинала 28 sügüz'kud 2011 года.
  26. ↑ Владимир Зайцев. ПРЕЗИДЕНТ РФ ПРИСВОИЛ ПОЧЕТНОЕ ЗВАНИЕ ВЕТЕРАНУ МУЗЕЙНОГО ДЕЛА ИЗ КАРЕЛИИ ЛЮДМИЛЕ ШИЛОВОЙ. Карелинформ (19 vilukud 2006). Архивировано из оригинала 19 elokud 2016 года.
  27. ↑ Новый зал постоянной экспозиции «Северная кадриль» открылся в Национальном музее Карелии. Интернет-журнал «Республика». Дата обращения: 13 kezakud 2019. Архивировано 13 kezakud 2019 года.

Literatur

  • Государственный историко-краеведческий музей КФССР. Путеводитель по музею. — Петрозаводск, 1949. — 66 с. с илл.
  • Историко-краеведческий музей Карельской АССР. Крат. путеводитель. — Петрозаводск, Госиздат КАССР, 1957. — 50 с. с илл.
  • Краеведение и музей: [Карел. гос. краевед. музею 120 лет] / Сост.: Н. А. Гроссман, Л. И. Капуста. — Петрозаводск, 1992. — 199 с.: ил.
  • Краеведение и музей: Сборник статей. / Карел. гос. краевед. музей. — Петрозаводск: Б. и., 1996. — 85 с.
  • Гольденберг М. Л. От бумажника до хранилища (к 150-летию музея). — «Мир музея» № 9 (409), сентябрь 2021.

Tarkendused

Om sadud "https://vep.ruwiki.ru/w/index.php?title=Karjalan_rahvahaline_muzei&oldid=531652"