Karjalan rahvahan opemižen istorijan muzei

Рувики-späi
Karjalan rahvahan opemižen istorijan muzei
Карельский институт развития образования.jpg
Augonpanendan päiv 1981
Olendsija

 Petroskoi

 Venäma
Adres 185005, Республика Карелия, г. Петрозаводск, улица Правды, дом № 31
Pämez' Kondratjev Vasilii Grigorjevič

Karjalan rahvahan opemižen istorijan muzei (ven.: Музей истории народного образования Республики Карелия) om Karjalan valdkundaližen avtonomižen tedomahtoižen "Karjalan opendusen kehitoituzinstitut"-ližaopenduzorganizacijan strukturan erišt. Sijadase Karjalas, Petroskoi-lidnas, Pravda-irdal, pert' № 31[1].

Muzei sijadase Karjalan opendusen kehitoituzinstitutan pertiš.

Muzei om tehtud vodel 1981[2].

Istorii

Muzei om tehtud vodel 1981, kut kundaline, da sen nimi oli "Karjalan ASSRan professionaližen da tehnižen opendusen muzei". Muzei om tehtud Poisk-joukun pohjal, miččen ohjanzi proftehopendusen veteran Aleksei Stepanovič Vedeškin. Muzejan augon panii om Aleksei Vedeškin[1].

Vedeškin zavodi kerata materialad muzejan täht professional'no-tehnižen učiliščan № 14 (GPTU-14) openikoiden da Poisk-joukun ühtnikoiden abul. Ezmäižed materialad, miččed ottihe muzejan fondoihe oliba professionaližen augotižopendusen veteranoiden da tetabiden pästnikoiden personaližed keradamištod. Ühten aigan jätksihe rad professionaližen augotižopendusen organizacijoiden materialoiden keradamine — fotokuvad da tekstmaterialad[3].

Ezmäine muzejan ekspozicii om avaitud 22. redukud vodel 1987, sen nimi oli "Karjalan professionaližen tehnižen opendusen istorijas"[4].

Kezakus vodel 1990 muzei tegihe RSFSRan (ven.) (vep. professionaližen opendusen muzejan erištoks[1]. Leta muzejan statusad abuti Arvo Ivanivič Harsia, kudamb sil aigal oli muzejan ohjandajan[2].

Miše kingitada kožmust opendajidenke oli tehtud Muzejan nevondišt, miččehe mülüiba opendusen veteranad. Muzejan nevondišton aktivižembad ühtnikad oliba: G. А. Anderson, M. N. Grigorjeva, M. P. Loginevskaja, L. G. Savinov, А. P. Savin da toižed[3].

24. tal'vkud vodel 1991 muzei tegihe Karjalan rahvahaližen opendusen ičenaižeks muzejaks (Karjalan openduzministerstvan käsk № 472)[5].

5. keväz'kud vodel 1995 om avaitud kaikenaigaine ozuteluz "Karjalan opendusen istorii. Voz'sadoil XVIII—XX."[4]. Necen muzejan ekspozicijan tegemižen aigan muzejan radnikad udištadihe vanhan školan čogaižen kuvamaterialoidenke da azjbumagoidenke, miččid saiba rates arhifoiš da kirjištoiš[3].

8. kül'mkud vodel 2001 om vahvištoitud muzejan uz' käskkirj, miččen mödhe organizacii sai valdkundaližen statusan da tegihe Karjalan rahvahaližen opendusen muzejaks[4].

Federaližen "Venäman muzejan fondas da Venäman muzejoiš"-zakonan mödhe muzejan pätegod oma: täudenzoitta, kaita, oppida da ezitada muzejan kaluid da keradamištoid, udištuzrad, tedoteluz- da kul'turopenduzrad, metodine rad valdkundan openduzorganizacijoiden muzejoidenke (školan muzejoidenke)[6].

Vodelpäi 2003 vodehesai 2013 muzei oli Karjalan valdkundaližen "Openduzradnikoiden ližamahtišton institut"-openduzorganizacijan strukturan erišt. Muzejan ohjandajan oli Kondratjev Vasilii Grigorjevič[1].

Vodel 2014 Karjalan valdkundaline "Openduzradnikoiden ližamahtišton institut"-openduzorganizacii oli udištadud Karjalan valdkundaline avtonomine tedomahtoine "Karjalan opendusen kehitoituzinstitut"-ližaopenduzorganizacijaha. Udištusen aigan, Ühthižen valdkundaližen juridižiden personoiden lugetišen tedoiden mödhe (EGRJuL), muzei om heittud[7].

Voden 2026 tedoiden mödhe, Karjalan valdkundaližes avtonomižes tedomahtoižes "Karjalan opendusen kehitoituzinstitut"-ližaopenduzorganizacijas radab "Opendusen istorijan muzei"-ekspozicii, miččel oma ozutadud Karjalan rahvahan opemižen istorijan muzejan fondoiden materialad. Karjalan opendusen kehitoituzinstitutan saital oma virtualižed ozutelused, miččiden pohjas oma materialad, miččid ottihe muzejan fondoišpäi[8].

Muzejan pämehed
  • Vedeškin Aleksei Stepanovič (muzejan augonpanii);
  • Harsia Arvo Ivanovič (vozil 1990)[3];
  • Kondratjev Vasilii Grigorjevič (vodelpäi 2003)[4].

Ekspozicijad

Muzejas om ozutadud "Karjalan opendusen istorijaspäi. XVIII—XXI voz'sadad."-ekspozicii, dа völ keskaigaine "Školan relikvarii"-ozuteluz, mitte kaiken aigan vajehtase. Oldes ühtes Karjalan rahvahaližen kirjištonke "Voz'sadan azjbumagad. Karjalan rahvahaližen opendusen istorijan lehtpoled"-projektas, muzei sädab kirjištonke ozutelused Karjalan rajonoiden eläjiden täht[1].

Keradamištod

Muzejan fondoiš om läz 7 000 päkaičendan kalud da enamba 2 000 abufondan kalud[3].

Arvokahembad oma personaližed keradamištod:

  • Velliden V. da P. Pl'usninoiden keradamišt, miččes oma unikaližed materialad Petroskoin laivmašinistoiden alaučiliščan istorijas (nügüd' Industrialine kolledž);
  • Tetaban opendajan, Präžan Maria Melentjevan muzejan ohjandajan R. E. Kal'sken keradamišt (fotokuvad, voziden 1900—1980 azjbumagad, personaližed kalud);
  • Karjalan rahvahaližen opendajan G. A. Andersonan keradamišt (personaližed azjbumagad, voziden 1930—1990 fotokuvad.);
  • V. А. Žukovan keradamišt (voziden 1920—1990 Filimonovoiden opendaidinastijas materialad), profil'augotižopendusen veteranan А. Е. Erlikinan keradamišt da toižed.
  • Akademikan L. F. Langižen (Langižen) keradamišt, miččes om kaks' hänen radoiden avtoran kopijad[3].

Rad

Joga voden muzei tegeb openduzseminarad valdkundan openduzorganizacijoiden muzejoiden ohjandajiden täht, völ vedäb tradicionižen konferencijan "Openduz Karjalas voz'sadoiden päliči"[1].

Vodelpäi 2011 pidetas valdkundaližen konferencijan "Voronovoiden lugemižed, openduz Karjalas voz'sadoiden päliči", mitte om omištadud venälaižen opendajan da opendusen istorikan Andrei Stepanovič Voronovan (ven.) (vep. muštoks Školan muzejoiden-erištonke[9].

Karjalan opendusen kehitoituzinstitutan saital oma muzejan virtualižed ozutelused erazvuiččiden temoiden mödhe, da völ muzejan radnikoiden tehtud Karjalan školmuzejoiden lugemišt[1].

Muzejas kaiken mänetadas ozutelused rahvahan opendusen istorijas, tehtas vastused opendusen veteranoidenke[3][10][11].

Homaičendad

  1. ↑ 1 2 3 4 5 6 7 Музей истории народного образования Республики Карелия в республике Карелия. Туристический портал GoRu.Travel. Дата обращения: 23 tal'vkud 2025.
  2. ↑ 1 2 Музей истории народного образования Республики Карелия. «Афиша7». Дата обращения: 23 tal'vkud 2025.
  3. ↑ 1 2 3 4 5 6 7 В. Г. Кондратьев. Музей истории народного образования Республики Карелия ГОУ РК «Институт повышения квалификации работников образования» (к 30-летию со дня открытия). Бюджетное учреждение «Национальная библиотека Республики Карелия». Дата обращения: 23 tal'vkud 2025.
  4. ↑ 1 2 3 4 Русский Север. Энциклопедия Карелии. Музеи Карелии. Республиканские музеи. Музей истории народного образования Республики Карелия. Карелия 2000 ©. Дата обращения: 14 vilukud 2026.
  5. ↑ Государственное образо музеи истории народного образования республики карелия - Документ. textarchive.ru. Дата обращения: 23 tal'vkud 2025.
  6. ↑ Музей истории народного образования республики Карелия. web.archive.org. Дата обращения: 14 vilukud 2026.
  7. ↑ Музея истории народного образования РК. Дата обращения: 14 vilukud 2026.
  8. ↑ История развития народного образования Республики Карелия. Дата обращения: 14 vilukud 2026.
  9. ↑ Юные туристы-путешественники России. vk.com. Дата обращения: 23 tal'vkud 2025.
  10. ↑ Экскурсия студентов-историков в Музей истории народного образования РК. Дата обращения: 14 vilukud 2026.
  11. ↑ В Карельском институте развития образования 11 февраля прошла экскурсия для Совета ветеранов Петрозаводского государственного университета. Дата обращения: 14 vilukud 2026.

Lähtked

Om sadud "https://vep.ruwiki.ru/w/index.php?title=Karjalan_rahvahan_opemižen_istorijan_muzei&oldid=529231"